Video
Read full review
2023-02-19
2192 views
日本菜一向都鍾意食，但晌日本餐廳中，真喺唔知點解，日式放題確喺比較少食，對上一次已經喺2018年4月嘅事。最近，老友推介呢間日式放題店「極尚大喜屋」，話性價比高，菜式有唔少賣點，小弟就未幫襯過，咁就啱啦，兩個死佬一於約埋食餐好嘅，加上佢好有食力，咁樣我哋就可以試到多啲嘢。 餐廳位處「雅蘭中心」，所以，交通非常方便，不過，佢唔喺搭扶手電梯上去，而喺晌另一邊搭電梯真達，一出電梯，人多到呢……，但入到裡面，原來地方喺估唔到咁大，有實力即喺有實力，只喺一般閒日，全場爆滿，而食完都成9:00pm，仲喺好多人等入座。 裡面裝修精緻，環境整潔光猛，目測所見，大多數都喺4、6人卡位，而我覺得卡位都好坐啲，寬敞舒服，因為跟前後左右嘅間隔都比較好，就算唔喺疫情，感覺都好好多。 用餐環境講咗，咁就介紹吓自助食物區，就晌入門口左邊，地方都好大，通道闊落，唔怕人撞人。掃視一番，包括有4款熱盤、炸物、中西湯品、冷盤嘢、生果、甜品、雪糕雪條、一大櫃多到數唔到嘅飲品，花多眼亂，非常多元化，睇相你都見，照顧到唔同年紀層嘅人。除咗出面自助食物區之外，可以點嘅食物分類有刺身、創作刺身、壽司、創作壽司、火炙壽司、卷物、軍艦、
餐廳位處「雅蘭中心」，所以，交通非常方便，不過，佢唔喺搭扶手電梯上去，而喺晌另一邊搭電梯真達，一出電梯，人多到呢……，但入到裡面，原來地方喺估唔到咁大，有實力即喺有實力，只喺一般閒日，全場爆滿，而食完都成9:00pm，仲喺好多人等入座。
裡面裝修精緻，環境整潔光猛，目測所見，大多數都喺4、6人卡位，而我覺得卡位都好坐啲，寬敞舒服，因為跟前後左右嘅間隔都比較好，就算唔喺疫情，感覺都好好多。
用餐環境講咗，咁就介紹吓自助食物區，就晌入門口左邊，地方都好大，通道闊落，唔怕人撞人。掃視一番，包括有4款熱盤、炸物、中西湯品、冷盤嘢、生果、甜品、雪糕雪條、一大櫃多到數唔到嘅飲品，花多眼亂，非常多元化，睇相你都見，照顧到唔同年紀層嘅人。
除咗出面自助食物區之外，可以點嘅食物分類有刺身、創作刺身、壽司、創作壽司、火炙壽司、卷物、軍艦、炸物、天婦羅、一品料理、燒物、串燒、煮物……等等，相信計埋晒有超過百款食物。值得一提，晌創作壽司、一品料理、燒物呢幾類，真喺有啲開心大發現，例如：黑松露帶子拖羅蓉塔、鵝肝火炙壽司、金湯慢煮吉品乾鮑花膠盛、鮮百合上湯燴大蝦球、燒香草羊鞍、川式珍寶鮮蠔燒……，睇見都流口水，吉品乾鮑仲喺任點，相信放題店都喺全港首間。而價錢方面，自行睇睇單張，一清二楚！
以前嘅日式放題就梗喺有一大堆點菜紙放晒晌枱面，依家就大多數變成二維碼落單，一來減省人手，亦減少人為出錯，二來點咗乜可以睇番，一清二楚少咗啲爭拗，不過，嚟錯咗、嚟漏咗、嚟少咗總會有，都預咗，但今晚嘅情況都唔多喎。更值得一讚嘅喺，二維碼落單唔會有咩限制，無話每次限點幾多，當然，做個文明嘅食客，唔好點過籠亂嘥嘢，此外，啲量詞好清楚，唔會點錯啲份量！
不過，記得限時喺2個鐘，截單時間喺交枱前30分鐘，無論二維碼落單紙，抑或上到手機落單界面，都有清楚顯示。所以，我哋頭1.5小時主要食二維碼落單嘢，剩番30分鐘，就主攻自助區食物，尤其甜品！
飲品喺自助食物推影完相，第一件事就喺順手攞埋嘢飲，好多罐裝汽水、果汁，解一解渴斟咗杯芒果汁，另外見有「珍珠奶茶」喎，又拎一杯試下，估唔到又幾OK喎。食到尾，貪得意，見佢有啲「自家製冷泡茶」，同朋友都攞咗一支試試，印像中好似有3款口味，小弟揀咗樽白桃烏龍，味道清清淡淡，感覺清爽。
熱盤坐低第一時間就用二維碼落單，點選心水美食，但旺場成咁，啲嘢食都唔會咁快到，所以，就晌自助食物區拎咗兩款熱食，過口癮，包括「鮑汁豬手」、「酸菜魚」。前者豬手炆得好腍，入晒味，骨膠原強勁；後者魚肉非常之嫩滑，喺略嫌酸味唔夠強，只喺滲出少少辣味而已。
刺身拼盤食放題，唔易飽肚又較回本，唔使多講都喺刺身啦，10多款就揀啲少食、又貴價啲，包括松葉蟹腳、劍魚腩、北海道鮮帶子、赤貝、馬刀貝、榮螺、極品大赤蝦，師傅更擺得好靚仔，更以冰鎮住，絕不馬虎。整體食落質素唔錯，魚生鮮味十足，貝類又具咬口，隻極品大赤蝦真喺一流，值回票價，若非仲有咁多嘢食，真喺想翻兜多一客。
刺身拼盤
45 views
0 likes
0 comments
創作刺身講明想食到回本，自不然揀「泰式虎蝦」啦，亦即喺平常所食嘅泰式生蝦，就咁一客，如果以8隻計，出面啲泰菜館都賣成嚿水架。泰式生蝦最緊要趁凍食，夾片生蒜片，沾少少秘製泰式辣醬，蝦肉鮮甜爽口，泰醬辣得嚟有點點青檸香，刺激開胃。
泰式虎蝦
31 views
0 likes
0 comments
老實講，食自助餐、放題，真喺絕少食壽司，因為太易飽肚唔划算，不過見佢哋啲壽司配搭真喺非常特別，所以，都喺咁二試咗幾款，當喺見識見識。「黑松露帶子拖羅蓉塔」、「牛油果醬伴松葉蟹肉壽司」賣相已好吸晴，配上多種食材，所以，味道與口感都非常豐富，後者嘅外層更用上班戟代替慣常嘅紫菜，真喺具創意，讚呀！
創作壽司
56 views
0 likes
0 comments
呢個系列中，純粹貪心，所以揀咗款「鵝肝壽司」，一樣喺製作認真。飯糰搓成球形並沾滿白芝麻，而鵝肝都有成一大片，油潤豐腴，絕無欺場，伴以少少蔥蔥、洋蔥絲，平衡番啲油膩感，不得不讚其細心。
鵝肝壽司
110 views
0 likes
0 comments
就算喺卷物，一樣有啲特別選擇，呢兩款就喺小弟嘅心水：「黑松露蟹肉芝士軟殼蟹卷」、「XO瑤柱蟹蒜牛肉卷」， 如果唔喺個食物名，真喺睇唔出兩件卷物有咁多食材混合。雖然只喺放題食物之一，但一樣做得外觀吸引，無話求求其其，入口飯粒緊緻，口感啱啱好，而且味道紛陳，的確無揀錯。
卷物
35 views
0 likes
0 comments
原先炸物呢一項無諗住叫，不過，竟然有炸榴槤 ，仲標明貓山王，朋友亦鍾意食榴槤，真喺無理由唔嗌。「脆炸貓山王」賣相炸得金黃，咬落去外皮好煙糯，又唔黏牙，亦唔油，裡面填滿晒榴槤餡，好綿好滑，陣榴槤味我哋就覺得香啦，當然呢個香喺好相對嘅，哈哈！
脆炸貓山王
45 views
1 likes
0 comments
一品料理輪到分享一品料理呢一環，呢一項真喺有好多心水嘢，以下就同大家分享一下。先講講可以話喺是晚重點：「金湯慢煮吉品干鮑魚花膠盛」，唔喺流，有鮑魚、花膠、花菇，一啲都無欺場，鮑魚扣得入味，口感柔韌，一大片花膠好有睇頭，花菇亦都好香，可以講真材實料，烹煮得宜。
一品料理
26 views
0 likes
0 comments
一品料理
29 views
0 likes
0 comments
一品料理
89 views
0 likes
0 comments
燒物燒物方面，亦都有兩款心水都喺小弟是晚推介，唔食就走寶，先分享「燒香草羊鞍」，睇外觀已經流口水，燒得一身炭火同油脂香，表面沾滿香草，食落香味十足，啲羊肉真喺好軟腍，陣陣羊羶香唔會太霸道，非常之好食，若非仲有咁多嘢食，真喺想添食多一次呀。
燒香草羊鞍
79 views
1 likes
0 comments
川式珍寶鮮蠔燒
22 views
0 likes
0 comments
煮物煮物都喺啲大堆頭嘢，例如拉麵呀、烏冬呀、鍋物之類，不過，見到有兩款細細份量嘅選擇，就喺「蟹肉茶碗蒸」同「滋補花膠燉鮮奶」。前者真喺堅有一梳梳蟹肉，而且好鮮味，啲蒸蛋做得嫩滑，又夠蛋香；後者燉鮮奶可以歸為甜品類，而小弟就先試為快，面面有少少花膠，都算夠誠意，啲燉蛋真喺好香滑，入口即滑落喉嚨，而且好有奶香，比起啲燉奶專門店，一啲都唔失禮，故此，臨尾朋友專登點一客嚟當甜品。
煮物
38 views
0 likes
0 comments
天婦羅
食完曬以上所有食物，我哋見胃納仲有一定空間， 趁截單前，點多一輪美食。就試試兩款天婦羅，分別喺「皇帝蟹棒」、「溫室南瓜」，首先
啲天婦羅炸漿夠舊薄，咬落唔油膩，又好鬆脆，而蟹棒口感絕對唔喺溝粉貨色，有少少彈牙感，南瓜都好正，好有南瓜香，又夠晒粉甜。
串燒近尾聲，都喺食吓生果、甜品之類，雖然晌自助區都有啲生果，但晌串燒類就有心愛嘅「燒溫室甜菠蘿」，燒菠蘿既可以當生果，又可以當甜品，波羅燒一燒收收水，菠蘿味更加濃郁，菠蘿質素唔錯，非常清甜。
燒溫室甜菠蘿
34 views
1 likes
0 comments
真喺嚟到放題嘅尾聲，去到甜品時間，即發揮另一個小宇宙，睇過小弟食評都知我真喺幾鍾意食甜品，睇見一枱都喺甜品就大滿足。啲自家製小蛋糕做得唔錯，尤其款黑朱古力蛋糕仔，朱古力味勁濃郁，又柔滑；雪條、雪糕方面，試咗一支榴槤、一支芒果、一杯Häagen-Dazs嘅咖啡味及一杯Da Dino黑芝麻味，有食開呢啲品牌嘅，都知質素有返咁上下；連台灣嘅芋圓、仙草都有，細細杯都食番客。最後，仲想試埋巨峰提子軟雪糕架，但真喺飽到上心口，已經食唔落。
甜品
39 views
1 likes
0 comments
Post
