肉餅哥小炒料理 (Closed)

今日去左搵肉餅哥，上網見有好多特別口味，所以去試試！叫左兩個肉餅餐加一份小食。有個湯，少少味精，飲落夠味。餐有跟野飲，不過我地加錢要左其他野。叫左個鵝肝煎肉餅，件鵝肝好香，食既時候啲油香喺個口入面徘徊，好美味呀！肉餅煎得唔燶又唔乾，而且又用煲仔heat住啲飯，整個飯都好好！流心芝士煎肉餅，除左面嗰塊芝士外，最緊要就係兩塊薄肉餅中間既流心芝士，熱辣辣仲要拉到絲的！仲有新出既炸鴨鎚，始終炸野同係鴨，所以係偏咸，不過如果要黎送酒一流。

朋友介紹大圍有間專食肉餅既餐廳食過番尋味, 荃灣都有分店, 店內主打肉餅, 相信一定有綽頭.  今晚就專程請他帶路邊食肉餅邊聚舊.   餐廳在美林邨內, 火車站一條直路行去大約10分鐘, 唔係大圍友介紹都唔知屋邨內有好西.  以往既大排檔冬菇亭很熱鬧但較熱, 現在變靚了, 還成了一間間冷氣鋪, 也較衛生.店內座位很多, 間格闊落坐得舒服餐牌內可選既肉餅真係多, 除經典口味蓮藕/土魷/鹹魚, 你會發現好多大膽創意既配搭: 黑松露, 墨汁, 鵝肝, 龍蝦, 柚子, 好立克.......睇No.就知最新一個數字係34 花膠, 家常既肉餅可以變奏出34款出來, 真佩服.  我哋點選鵝肝煎肉餅配菜飯及羊肉蒸肉餅配南瓜粥.  初時以為係將鵝肝撈入肉餅, 原來係將煎香既鵝肝放肉餅面, 睇到都流口水.  而羊肉肉餅, 就係將羊肉混和豬肉造成, 羊味較淡, 怕食羊既都可選擇.  個人較喜愛煎肉餅, 比蒸肉餅較香口.南瓜粥味道偏淡, 質地似潮州粥.每塊肉餅超厚好像漢堡扒, 每人一份肉餅對於女士來講都頗多. 菜飯既菜頗翠綠, 和肉餅頗配.  食了咁多肉, 係時候要食菜, 要推介這個"海味雜菌雜菜煲", 蝦乾