小甜谷 Dessert Kaffee (Closed)

嚟小甜谷，喺因為早前晌網上見到食友上載咗佢哋嘅原個菠蘿果汁，姑勿論好唔好飲，其實都幾吸晴，好有卓頭，而果汁中，菠蘿汁更喺小弟心水之一，所以，點都要拉埋老友一齊嚟試試先 。店內以雅致嘅小圓枱為主，配合一啲牆畫，柔和嘅燈光，務求營造出一種悠閒氣息。由於只有極少量方枱可拍埋一齊整合，所以，較合適情侶或兩三人嚟聚聚。不過，地方所限，兼擺放唔少餐枱，整體感覺仲喺覺得有點亂 ，可能啲枱椅擺位需要執一執，讓感覺好啲，侍應傳菜都流暢啲。餐牌幾頁大紙印備晒，有餐湯、沙律、主菜、意粉、意大利飯、甜品及飲品，晌銅鑼灣區而言，仲要喺地鋪，定價頗為合理。飲品方面，一早已瞄定啲果汁類，所以，其他嘅咖啡、朱古力特飲、特色沙冰、精品茶……等等，都喺望兩望，不過，又確喺頗多選擇，而且，甚具特色，好啱貪新鮮，又想試新嘢嘅年輕人 。 鮮榨神奇西瓜汁 $35 與其叫鮮榨，不如改為鮮攪，唔單止原個奉客，內裡嘅喺鮮西瓜汁連果蓉，因為原個果肉打成，唔喺單單榨汁，入口帶點清涼，久唔久又啜到果肉，如果再凍啲就更加透心涼，尤其依家都11月中，外邊仲有少少悶熱。 鮮榨神奇菠蘿汁 $55 同樣神奇在於唔喺單單菠蘿汁咁簡單，汁

今日同朋友係銅鑼灣行街，行行下又出現左一個難題:晚餐食咩?。。。我地係銅鑼灣食飯次數太多再加上我係附近返工，去邊到食野成為一大難題。近幾次我地都搵新餐廳食，做下白老鼠 。雖然今次食小甜谷唔係新，但係剛剛係銅鑼灣開既分店有咸食，咁就要試試。鮮榨神奇菠蘿汁($55) : 係廚房玻璃櫃見到一個個排得好整齊菠蘿，開頭以為係甜品用。點知原來係菠蘿汁，好似一個原整菠蘿插左支飲管咁，單單外觀都 。味道就唔算太甜，飲得出係新鮮榨，果汁入面仲有D果肉。北海道珍寶帶子墨魚汁意大利麵($168) : 意大利麵加左橄欖油、香草、洋蔥一上檯已經好香，因為加左橄欖油食落一d都唔乾，味道帶有淡淡墨汁同橄欖油味 。不過帶子就煎得太乾身。鵝肝鴨腿肉牛肝菌意大利飯($158):鵝肝肥美新鮮，意大利飯質地似燴飯，鴨腿肉肉質幾滑，加上牛肝菌同飯一齊食幾特別。宇治焙茶白玉新地($45)焙茶有少少苦，白玉味道較淡，底部有紅豆甜甜地，紅豆既甜中和焙茶既苦，一齊食又幾好味。

好姊妹說小甜谷在銅鑼灣開了Cafe，不止有甜品還有西餐可吃，本身她的甜品已經很有名了，加上新的西餐Menu，那不就是正餐甜品一條龍？我本身沒幫襯過小甜谷，今次就來一次過吃盡她吧～店面有倘大的落地玻璃，即使在對面街也能看穿店內的一舉一動，偏偏店內的悠閒與外街的車水馬龍形成強烈對比，吸引忙碌的香港人放慢腳步，這可能也是店主的巧思吧？走進這甜谷中，放眼都是田園風的裝潢，白色磚牆上有可愛的卡通圖案，白色圓餐桌加木色餐椅，天花吊了不小粉紅色吊燈，用了偏暗的鎢絲燈膽，顏色柔和，非常適合聊天和慢慢吃東西藍果樂：先來了飲品，除了咖啡，果汁，茶之外還有特別飲品，點了藍果樂，用藍莓，香蕉，牛奶和乳酪打成汁，為什麼不是沙冰而是汁？因為質地非常軟滑，沒有碎冰的感覺在內，藍莓酸酸甜甜的，很清新鮮榨神奇菠蘿汁：另一個特別想試的，是這個鮮榨神奇系列的果汁，店員說他們用日本製的BLENDER直接在菠蘿內榨汁，不用倒來倒去，不用加水或糖，原個果汁原汁原味的喝下，而且整個菠蘿上桌也很吸引鵝肝鴨腿肉牛肝菌意大利飯:到主菜了，我倆都愛吃鵝肝，所以點了這個，份量蠻大，足以２個食量不大的女生分著吃，其實不止是飯，鵝肝的份量也是蠻

男友通知我，佢公司附近開左新店~小甜谷是也~！？由大坑到尖沙咀~ 再攻佔銅鑼灣~~身為絕情谷粉絲~ 當然要即刻去撐下場~~ 同朋友7點半到達~~店內裝修一貫簡約，以淺木配白色為主調~落地大玻璃，望出去係銅鑼灣人來人往的鬧市~但坐係店內有一份少有的寧靜~ 2位女仔眼闊肚窄~唔知原來份量咁足料 XD點得比較多野~~主菜： 北海道全日早餐 鵝肝鴨腿肉牛肝菌意大利飯飲品： 鮮榨神奇菠蘿汁 藍果樂甜品： 抹茶精選 梳乎蛋多士飲品首先上場~鮮榨神奇菠蘿汁，係原個菠蘿上台~~賣相十分討好，店員介紹由日本引入果汁機~全港只有2部，製作過程完全唔加糖~只係將全部果肉打成汁~~ 保證原汁原味~ 即刻試一啖~~ 果然真材實料！！ 果汁比較杰身~ 果香十足~ 酸酸甜甜~~ 十分開胃~~下次好有興趣試埋其餘2種生果~~朋友的藍果樂亦十分出色~成份有藍苺、香蕉、牛奶、乳酪賣相十分可愛~~近杯邊貼有3片香蕉~~ 入口先感受到淡淡的藍苺味~~~再以香蕉味作結~~ 加入牛奶、乳酪令沙冰更加順口~~ 比一般店鋪的沙冰質感更幼細~~唔好睇佢細細杯，其實都好襟飲~~由於菠蘿汁十分巨大

同chicken係附近行街，行下行下大家餓就op一下，坐低既時候大家有啲小吵架，所以搞到大半餐大家都冇咩點講野，原本好有feel既氣氛都變得彊晒，雖然口講冇野，但心裡面大家都好清楚！令到小甜谷都變得唔甜 餐廳門面係一大塊落地玻璃，中意睇景既人一定好中意，設計簡約得黎又有特色室內環境有少少童話既感覺，牆上充滿卡通壁畫，店員制服可愛，而且店內用圓形既雲石做餐桌，感覺好別緻，有種黎左小小童話世界既感覺雖然嗌緊架，但都唔可以比自己餓親xd叫左Chocolate Latte，上黎既時候有兩杯，一杯係裝滿朱古力冰塊，一杯係微溫既鮮奶，比我既感覺好新奇，鮮奶倒入冰塊杯中混合，冰塊慢慢咁溶化，令朱古力味愈來愈出，而且溶左飲落去都唔會好凍，飲上去朱古力味特別濃郁，值得一試！鮮榨神奇菠蘿汁，chicken點既特飲，估唔到成個菠蘿咁上，菠蘿入面已經榨成菠蘿蓉，飲落去好fresh，又酸又甜，而且成個菠蘿既容量都好多！其實就咁嗌一個都夠兩個人飲，因為容量的確好多呢～珍寶帶子墨魚汁意大利粉，好大粒既帶子呢，有香濃既墨魚汁，以車里茄同洋蔥做配料，帶子煎得好香，肉質鮮嫩，香菜做調味令到佢更加出，意粉夠彈牙，墨魚汁濃