陳勤記鹵鵝飯店 (Closed)

近期工作多出入上環，與相熟客戶閑聊問及有乜美食推介？諗都唔使諗就即答米芝蓮滷水鵝飯。有米芝蓮幾個字已經有一定保證，去到見門外菜牌午餐價錢較大眾午餐定價略高，但未至於令人卻步。自己叫咗份鹵水鵝飯，同事就叫左個精選鹵水三拼飯。鹵水鵝入口即知果然不負連續 9年米芝蓮推介，鵝肉嫩、冇腥味不在話下，鹵水味道入味但唔會太鹹太濃；與同事交換分享嘅滷水豆腐及豬頸肉同樣做到鹵水味及肉味平衡得剛剛好；花椒、八角等滷水必備的濃濃香料又唔會搶去醬油或其他食材味道。匆匆食完一個午餐 其實又怎能認真細嚐七十餘年老的字號混入桂皮、玫瑰露、高梁及魚露等等多種材料所泡劑 的滷水滋味，下次一於帶多啲朋友或者屋企人嚟呢度食個晚飯慢慢品嚐吓鹵水鵝及其他美味。

民以吃為天，用味蕾來體驗食的文化是一件多麼美好的事。經營超過半世紀的陳勤記，憑著米芝蓮車胎人美食的推介，令人更為廣知。鹵水鵝果然名不虛傳，去骨後的鹵鵝啖啖肉，嫩滑肥美而且十分入味，可惜碟頭飯的份量非常少，作為一個女生都略嫌不足夠。店內的通道非常窄小，店員拿托盤經過，托盤的位置剛好在客人的後腦附近，只要客人坐直，就會撞到，驚險萬分，要多加注意。