The Night Market (ELEMENTS圓方) (Closed)

一入到 The Night Market 有一種好舒服既感覺. 會被餐廳既環境, 燈光同設計迷倒! 餐廳地方好大; 裡面有好幾張可以坐到十幾人既長枱圓枱, 有坐到五,六人既中形枱, 亦有二人餐桌! 設計風格時尚而且帶有特色! 餐廳環境相對比較寧靜, 適合跟朋友, 家人聚會! 食物方面; 無論買相, 味道同份量都非常滿意! 餐廳位置因為係圓方既關係, 所以晚飯時段兩個人加埋一$500有找; 我覺得價錢非常合理!唯一缺點就係職員既服務態度!! 餐廳職員都算多, 可是差不多個個都只圍在一起傾計同玩手機! 舉手叫人落單, 埋單都分別等左差吾多15分鐘! 叫人加茶水就..當見你吾到! 呢part真係要用心改善喔.....

突然懷念台灣野食，上openrice 搵左間唔洗行出戶外（天氣太熱啦）又就腳既餐廳試下。Book 左7p.m, 2位，去到見到有唔少空檯，留左個4人位比我地，都唔會離隔離檯太近唔逼，坐得幾舒服！環境唔錯，裝修比較新，燈光偏暗，幾適合情侶拍拖食野第1道上既係『灌湯牛肉餅』，size 偏細，而且只有3粒，不過入面真係好Juicy幾好味。一定要熱食！第2道上既係『鹹蛋炸苦瓜』，我平時唔食苦瓜，都覺得幾好味😋鹹蛋黃味好出，唔太食到有苦味。外皮炸得均勻，如果可以再少油d d 就perfect la🙌🏻之後上埋『饒河蚵仔煎』&『魯肉飯』蚵仔煎的蚵仔都幾大隻，蚵仔好有蚵仔味美中不足係有2隻有沙/殼😖而魯肉飯的魯肉唔太淋，個人鍾意入口即溶唔洗咬的魯肉，食到最尾碗底有唔少油野飲方面，洛神西打味道偏淡，個人飲唔到洛神花味。食食下餐廳都full full 地，應該唔少人放工黎食野。想坐得舒舒服服咁回味台灣夜市野食，都係唔錯既選擇！總結：環境唔錯，裝修餐具都幾有特色。野食幾好味但份量就不大。