亞萊泰 (黃大仙中心北館) (Moved) New Location

今日同事仔收早，話想食泰國菜又唔想去九龍城，九龍城冇地鐵好似唔係咁方便，所以就揀咗黃大仙地鐵站出口依間亞萊泰，又近同事仔住石硤尾fit哂佢😝7:30準時到達，即刻望吓餐牌先😍價錢都幾大眾化，因為有好多特價菜色，驟眼望落去隔離枱食啲乜，大多數都有嗌精選菜式，都幾大碟喎...🤩原本想叫二人餐，因為好想食18吋軍艦咖喱海中寶，但係同事仔話想食蒸烏頭，所以就放棄咗😅兩個人可以揀一樣特價菜式，其實三樣都想食😅環境真係唔錯👍🏻侍應姐姐真係好細心，問我地食唔食得辣，我哋都係小辣之人，所以侍應姐姐就將啲辣汁另上，真係好細心🥰軟殼蟹牛油果凍卷🥑🦀做頭盤一流，清新唔油膩，正！👍🏻青檸蒸烏頭，唔好以為係特價菜就將貨就價，大大條烏頭魚童叟無欺🤣🤣鹹魚炒椰菜苗，我第一次食椰菜苗，原來好啱我口味，加埋鹹魚，野味非常🤤生菜包，豬肉有少少辣，用生菜包住，一啖咬落去啲肉汁咇晒出嚟，滿足🥰柚子沙律，食完辣野，食返柚子沙律清清口腔嘅酸辣感覺，非常配合☺️最後侍應姐姐送咗甜品俾我哋，有椰汁糕同芒果糕，今晚大滿足！🥰🥰🥰

第一次來到Aroi Thai，店員非常熱情的招待！大家都很有禮貌和耐心的介紹特色菜式黃大仙分店環境寬闊，坐都坐得特別舒適！泰式明爐青檸蒸盲鰽$142 （5/5）辣度適中 吾敢食辣既我都接受到！有d似冬蔭公湯底 青檸味好出 好多蒜頭增加口感 魚肉非常鮮甜嫩滑非常推薦！泰式海南雞 $85(半隻)（3/5）中規中矩 肉質不會鞋 但味道不夠？不算太出色 但也不差～芭提雅燒雞 $85(半隻) (3/5)與海南雞的分別就是 這個燒得較乾身 但因加入醃料去燒 所以也較為香口 兩種不同的口感 各有特色～鹹魚炒椰菜苗$68 (4/5)調味非常適中 不會過咸或過油！鹹魚份量也很足夠 不會像其他餐廳只有一兩小舊淨比個樣你睇蒜蓉炒芥蘭 $58 (4/5)炒菜炒得出色 吾會超油又乾鞋鞋 好鮮嫩的芥蘭炭燒原隻魷魚 $68 (4/5)估吾到甘嫩滑都吾洗點咬 超新鮮的魷魚鐵板鹵水無骨豬手 $85 (2/5)依家做緊優惠$58鹵得非常入味 但有點愈食愈咸的感覺同埋真係要趁熱食！凍左就會變到好un喇！泰國鮮椰青 $35食泰國菜當然要飲椰青！超超超清甜！真係吾飲吾得仲叫左出色的甜品拼盤下篇介紹