真味日本料理 (Closed)

尋日(6-8-2016 Sat)晏晝,同老公食o野,我就突然想食拉麵,老公話去返佐八築地食,我答o個邊唔就腳,突然記起好耐冇o黎o既呢間,於是提議,老公話好.由於已經唔早,所以我o地o黎到都唔算好多人.我o地叫o左$88.00o既午市特餐B,什錦刺身定食,有白飯,沙律,小食同味噌湯,$48.00o既紫菜湯拉麵,$28.00o既明太子沙律手卷.最先到o既係小食同味噌湯,小食係中華沙律,呢兩樣o野都好夠味.然後係紫菜湯拉麵,食到麵有蛋香味湯底味濃,唔錯o既.之後到明太子沙律手卷,明太子切到似三文魚粒,鹹鹹地又脆脆地,沙律醬混o左wasabi,係好味o既.而明太子o既份量唔少.跟住係特餐裡面o既沙律,大多數都係生菜絲,其實都開始乾乾地,算了吧.之後什錦刺身同白飯到o黎,menu中刺身有:3片三文魚,3片鯛魚,3片八爪魚,2隻玻璃蝦同2片帆立貝.所有刺身都正常冇問題,而三文魚係厚切.最後係加單$58.00o既鹽燒牛舌,呢個鹹度適中,亦燒得o岩o岩好,仍有肉汁同軟硬度適中,唔錯.服務:侍應見我老公揹背囊,佢就醒目地幫佢放o係另一邊.上拉麵時,侍應自動拎埋兩個碗同七味粉,醒目.密密斟茶同收o野.環

真味在荃灣已屹立多年，以三文魚壽司/刺身大大件為招牌菜，而且食物價錢經濟實惠，一直有不少捧場客！但由於太受歡迎，門口長期都有客人在等位，尤其是happy friday 和weekend 的晚上更是人山人海，娜娜已好一陣子沒有光顧了！食日本野當然要點一兩客壽司「應景」一下，我們選了吞拿魚及三文魚。沒有令人失望，大大件依然！吞拿魚壽司比三文魚貴$10，不過娜娜卻覺得吞拿魚的口感有些少「梅」；三文魚壽司則不過不失，價錢亦只是$28，質素已算是不錯！娜娜以往通常都會點一個野菜牛肉鍋，但味道偏甜不是娜娜愛吃的味道，所以是次選擇了泡菜豚肉鍋。鍋裡豚肉不算少，另有豐富充足的配料（菇類、豆腐、娃娃菜），且泡菜味不會過濃或太辣，讚喔！小食方面則叫了一客鹽燒牛舌。牛舌厚薄適中，容易咬開、完全不會有韌的問題，而且非常香口！娜娜吃完一串還嫌不夠呢食物整體質素很好，選擇夠多而且價錢非常合理，算是抵食之選！但環境方面則始終是小店，空間十分有限，而且冷氣略嫌不足，娜娜和男友邊吃邊流汗，吃飽便急急腳走人了。

今天同屋企人打完牌，屋企人話黎呢度食。因為知佢一向多人，所以今次好醒目地六點幾黎到，果然唔駛等位，但再過一陣已經full晒，當真名不虛傳。老公之前寫左個食評，員工回覆左我地，今次老公正好向這位員工道謝，店員們都好nice呢。先叫左一個大大件三文魚刺身，呢個基本上是每次必叫，一碟五件，今次三文魚五件入面有一件係寧捨細件ｄ，而且今次無之前咁肥，我地都覺得是失了水準。叉燒烏冬好大碗，單是叉燒都有四五片，同真味一貫作風一樣咁大兜，烏冬幾滑，豬骨湯頭再夾雜左魚味，叉燒厚切得黎尚算鬆化，配菜的日式魚蛋都OK，我覺得幾好味呢。蟹子沙律依舊大碟，蟹子蟹柳同沙律醬都好多，撈一撈黎食真係好正呢。芥辣八爪魚壽司同出面比絕對是加大碼，八爪魚粒好肥好大粒，芥辣味只是一般，但最失敗係紫菜唔脆。一口牛柳粒之前第一次最覺得好好食，但今次有點過咸，而且好似熟左ｄ，牛柳粒有ｄ韌，感覺呢味有ｄ撞手神先會好味。鹽燒牛舌有三串，但之前食一向好大件，今次則同其他鋪的差不多，不會特別大片。今次加左唔少既炸蒜係上面，的確係好味左，但其實最好食都係用少少鹽吊起牛舌味，結論係今次又是失色的。炒什菜很大碟，有金菇、青椒、紹菜、紅蘿蔔絲等，

老婆屋企人一向喜吃刺身, 最近就迷上了真味, 原因當然是佢既招牌大件三文魚三文魚刺身: 可以說是招牌菜, 門口已經寫明這是店裡特色, 真是超厚, 如果太夜經常會賣晒其實如果對食有要求既朋友, 可能會失望, 因為此處既三文魚質素不是十分頂級, 三文魚味不夠濃不夠油脂, 不過以價錢來說真是超值, 一件起兩件止是我的格言, 因為真係會食到滯...不過始終是招牌, 來到也是必需一試的, 另有角切可供選擇, 大少就如一粒加大碼既骰仔油甘魚刺身: 跟三文魚刺身一樣, 雖然新鮮, 但鮮味不夠, 也是只能裹腹之選鐵板燒牛柳粒: 份量多, 雖不是甚麼A4貨色, 但燒得剛剛好, 牛柳粒真嫩, 醬汁又多又夠味, 鐵板汁上菜時還是滾的, 絕對是刺身之外另一推介鹽燒牛舌: 牛舌爽口, 鹽既份量剛好, 份量貫徹真味作風, 一客竟有三串, 唯一要彈既係不夠熱, 可能始終不是專門店吧燒三文魚壽司: 呢度無論係壽司定軍艦定刺身, 都係一樣XXL size, 燒三文魚也是超厚版, 可是可能因為太厚, 略嫌燒得不夠火喉, 因為舊三文魚仲有少少凍不過燒過的三文魚食起上黎肥d, 同刺身既感覺不同, 反而好似好食過刺身, 真奇