一方堂居酒屋

Open Now

Now Closed

厚福街有好多餐廳，其中有一間係樓上嘅居酒屋，比較隱蔽，地方也不是好大，但食物選擇豐富，食物亦用心製作，原隻魚刺身尤其精彩，必試。◇ 原條飛魚刺身成個大盤上枱好有氣勢，原隻飛魚切片整齊放上冰粒上，魚骨同魚頭保留作裝飾，擺盤超靚，飛魚肉質爽口，鮮甜甘香◇ 芝士豆腐沙律有豆腐，有切成好似豆腐嘅芝士，配上酸酸沙律醬汁，好開胃◇ 香蔥吞拿魚卷好似係餐廳招聘菜，見其他枱客人都不約而同有點，吞拿魚蓉放上面，加少少蔥花，下面飯卷有一小件芝士，口感豐富，擺盤亦美◇ 雞皮餃子用雞皮代替麵粉皮製作餃子，雞皮煎香脆口，加上熱辣辣同一點油香，有點兒邪惡但真的愛不惜手◇ 燒日本蕃薯日本蕃薯那種獨特的甜同口感，令人再三回味◇ 煙肉蝦卷用煙肉包住蝦做成串燒，印象中唔多見，蝦肉爽口煙肉香口，必食◇ 鹽燒黑豚腩黑豚腩肉肥廋各半，肉質香口肥肉油香，居酒居串燒必選

厚福街好多嘢食，除咗街邊好多餐廳成日要排隊之外，樓上都有好多隱世食肆，今次朋友介紹咗一間樓上居酒屋一方堂以為要上樓嘅餐廳無乜人，點知都幾乎爆滿，好彩早來一步😝，嘢食種類都非常齊全，除咗固定餐牌之外，仲有好多時令精選，我哋叫咗:特上壽司🍣魚生同飯嘅比例簡直係perfect池，女仔食都可以一件一口，比較特別嘅係個壽司飯，師傅用咗赤醋預先浸過，唔使點豉油都好夠味，魚生亦非常新鮮❤️甲羅燒蟹道樂 $98又係我最愛嘅甲羅燒🤭，味道帶甜，中和咗蟹膏嘅腥味，配埋脆包同赤醋飯，唔會覺得好膩🙆🏼‍♀️串燒特別推介蘆筍牛肉卷$48同鹽燒黑豚腩$38，蘆筍清甜冇渣，牛肉唔會過乾，黑豚腩肥瘦分明，一層一層好香口🤤🤤，其他雞翼、牛舌等等都燒到啱啱好👍🏻味醂魚乾 $68一咬已經覺得好淋身，唔似出面食到咁柴皮feel😆，食落會有淡淡酒味滲出，喺其他居酒屋都食唔到呢種味道多得朋友介紹先知道呢間居酒屋，會再返去幫襯😙

厚福街真係勁多野食嘅地方，入到去真係唔難有野食！最近發現左一間新開樓上居酒屋，真係好似瞬間去左日本chill咁。【應有盡有日本料理】 無論係卷物、壽司、烏冬、天婦羅、刺身都有，價錢非常合理，一定有野想食~ 🌟舞茸天婦羅 $68- 係新出嘅精選款式，外層天婦羅皮炸得薄薄脆香，入面大大粒舞茸，不過一定要加埋七味粉食先夠滋味。🌟𩶘魚稻庭烏冬$108-呢款真係非一般嘅烏冬，湯底好鮮甜魚味，烏冬texture滑同彈口，吸曬湯底鮮香味，配埋好多唔同嘅菇同菜，好豐富。🌟三文魚芝士卷 $88- 三文魚上面加了黑松露，更能突出三文魚鮮味，配埋壽司内嘅爽香露荀同淋淋地濃香芝士，味道唔錯。值得一讚嘅係三文魚夠凍，感覺係即整即起。🦀️甲羅燒蟹道樂$98- 呢款係我成晚favorite，蟹膏本身非常香，撈上蟹籽、蟹肉等真係啖啖滋味，口感豐富。麵包本身好脆香，配蟹膏食一流！【滋味串燒】另外串燒都好有水準:🍢鹽燒黑豚腩$38- 係厚切的，肉質juicy而且唔多肥，配上微微碳燒香，夠香口🍢車厘茄豚肉串$32 - 外層薄片豬肉烤得香口，配入面蕃茄爆汁juicy，口感夠特別。🍢鹽燒雞腎$28- 雞腎幾厚，配上旁邊鹹鹹地醬料