豐盛牛肉麵

Open Now

Now Closed

土瓜灣又好幾間comfort food 係基本上屹立不倒。有做咗超過二十年既譽麵坊、星洲名廚等。基本上過四五年租期都可以留低既都好穩陣。反之一兩年就好快拜拜。早晚就去咗呢間台灣牛肉麵就應該過咗安全期，應該可以長食長有介紹啲好野先紅燒牛腩牛筋麵招牌嘢基本上冇得挑剔，牛腩同埋牛筋都問得好淋。而且個牛肉湯亦都有好強嘅黏性，好明顯係有足夠嘅骨膠原溶咗喺裏面。湯味道濃淡適中冇出邊牛肉湯一定死鹹嘅問題，而且好掛面，食麵嘅時候呢會真係食到啲湯會黐住麵。我比較鍾意食硬身嘅麵質，所以佢嘅剛度對我來講啱啱好。木魚炸豆腐自從一次見到隔離枱食之後就一試難忘。$20 兩帶夠份量超足。佢裏面係用好滑既絲娟豆腐整，真係唔知佢點解整唔爛。外皮夠碎再加雞醬同埋少少辣椒醬，超惹味正所謂不作死就不會死食咗咁多次牛肉麵未食過飯，就膽粗粗叫碟鹽酥雞滷肉飯試下。 點講呢，其實佢用珍珠米但無食台灣飯QQ 個種彈性，滷肉汁太少，鹽酥雞即刻炸，有熱辣辣嘅感覺，但唔係太有感覺。奉勸大家都係食返麵會最開心加咗幾蚊飲兩杯野。實在無咩特別，唔講lu~買單兩個人$100多啲，滿足。

一間唔起眼的小店，環境十分麻麻，不過突然想食牛肉麵，就入咗去. 目標明確，叫咗碗最貴的招牌牛肉麵（$59）同叫咗鹽酥雞滷肉飯（$39）牛肉麵超多料，有3件牛腩，2件牛筋，2件牛展，2粒丸，牛腩好入味好軟，牛筋好爽，牛展不得了，入口即溶，湯底香濃，好滿足，比起很多連鎖式台灣食店好很多. 滷肉飯滷肉份量比較少，不過肥瘦適中，鹽酥雞超正皮薄，肉嫩，size 剛好, 新鮮熱辣，有很多舊. 都係嗰句，比起很多連鎖式炸雞店好好多. 以呢個價錢, quality 係超水準. 環境可以好D就更好

自從它開業之後試過2次，就很久沒有吃，呢兩個星期反而因為牛肉麵就吃了2次，因為都幾好味😋😋😋川味麻辣牛肉乾($53)－麻辣味係台式，唔係川味，所以唔算辣同麻，反而係有少許中藥味，我最喜歡的味道，而牛肉燉得好淋，吃落似炆淋牛脷的感覺，麵好幼而彈牙，非常好味👍👍👍鹽酥雞滷肉飯($39)包括：滷蛋、茶脯、8件鹽酥雞、滷肉少些、翠肉瓜鹽酥雞－少少咸，外皮鬆軟，夠熱😋😋滷肉－肥膏好淋，醬油味香，可惜少咗D😅跟餐熱飲加$6，涷飲加$8，整體來說都算滿意