九份飽 (錦平中心)

Open Now

Now Closed

經典夜市小食 懷舊台灣裝潢🇹🇼九份飽✅手機落單✅Openrice外賣自取對上一次食呢間台灣餐廳嗰時係佢未搬同未開分店之前😂 今次嚟到炮台山新店，闊落咗、亦有更加多台灣九份嘅懷舊裝修。————————————ฅ՞• •՞ฅ ————————————🍴玉米起司蛋餅 $32份量同厚薄適中，餅皮同蛋餅比例係一比一，而且個餅皮幾煙韌～👧🏻怕辣所以嗌咗走辣醬，不過調味都足夠。🍴(大)魯肉飯 $44同大多魯肉飯一樣，都係附上滷水蛋加醃黃蘿蔔。醬汁充足，啖啖都可以食到曬飯、魯肉同埋甜甜地嘅醬汁🤤魯肉份量都充足，有肥有瘦，而啲飯粒粒分明得嚟又唔會太油，好滿足😋🍢 炸甜不辣(配泰式辣醬) $32 身為台灣夜市小吃之一、食落睇落似炸魚餅嘅甜不辣食起上嚟味道唔算話好驚艷，但都做到煙煙韌韌嘅口感。調味嚟講其實都足夠，仲可以配埋餐廳附上嘅辣醬一齊食。🍢 鹽酥雞 $38比想像中多份量嘅雞塊😂 全部都貼心地切成可以一啖食曬嘅size，每塊嘅炸粉都均勻，外皮厚薄適中👍🏻 調味都充足，唔會話太鹹或太濃味，亦都唔會有陣油「益」味😗🥤 水蜜桃紅茶 $10（配主餐）就係普通嘅桃加紅茶味，就如一般嘅台式嘢飲一樣，有啲甜🤧 ———

係玄學上睇翻自己條命，知道自己無咩出門旅行運，40歲後先第一次坐飛機，第一次出門就係台灣!仲要第一次出門就揸電單車半個台灣環島自駕遊!早前經過北角，已經留意到哩間九份飽，大大個玻璃幕牆清清楚楚睇到入面濃厚嘅寶島裝修風情，於是同女友小熊一齊去見識吓......一入門坐滿九成客，感覺侷促擠迫，坐底之後同侍應講冷氣不足，佢地話已經開到最大，唉.... 無辦法唔大大扣分!點咗個香酥排骨飯，鹽酥雞，酥炸魷魚，大腸包小腸，凍荔枝鳳梨冰同凍鳳梨綠茶.優點:1, 環境一流無得輸! 地點方便就腳近地鐵又有巴士站.2, 香酥排骨飯，望上去以為份量少，點知D飯壓到實一實，食唔哂，排骨外脆內軟 juicy.3, 鹽酥雞同酥炸魷魚同樣外層香脆，魷魚硬咗D，但份量足無偷工減料食到牙較都痛! 鹽酥雞肉嫩 juicy，滿意!4, 食哩份大腸包小腸最有台灣感覺，一來香港唔易搵到，二來九份飽又煮得夠正宗，大腸包小腸係外層糯米包住台灣香腸，台灣香腸食落似臘腸，但口感比臘腸軟，外層糯米軟糯，小腸味道夠正宗，最難忘!缺點:1, 荔枝鳳梨冰同鳳梨綠茶味道極淡.2, 香酥排骨飯唔夠茨汁，太乾身唔夾自己口味.3, 大腸包小腸份量不足