九份•十分 (T Town ) (Closed)

今晚再同男朋友撐枱腳，想食台式野，所以去左呢間餐廳。閒日夜晚唔算太full，可能因為我地好早食飯啦！menu既選擇都幾多，有飯，麵，小食同埋甜品，價錢個range都幾闊，主食由50幾60蚊起跳。平平地既話可以食，想食豪啲又可以揀多啲唔同既小食。但係最吸引我既係飲品！好多唔同花款，而且造型又靚！！！先講主食，我地叫左紅燒牛肉麵同綜合滷味肉燥飯。湯頭香濃，帶少少辣味，飲落口唔會嗆喉。麵條口感都唔錯，不過我比較鐘意闊麵。牛肉大大舊，但完全一啲都唔鞋口，筋位亦煮得剛好，唔會林到爛哂咁，又唔會好似橡筋咁，大好評！！！香港地食個晚飯閒閒地都60幾蚊，呢到58蚊咁既質素，難得！肉燥略咸，不過岩送飯～滷味勁多～～～有鴨舌，豬大腸，小腸，雞翼，雞腎同埋豆腐，當中我最推薦鴨舌同埋小腸！！入味又好食！咁多料個飯先62蚊，其實好抵。跟住到小食，我地叫左鹽酥雞同埋醉小三。店員拎左好多種味粉比我地配鹽酥雞，d雞肉唔會厚粉，而且仲好滑，炸得剛剛好～雖然好多種味粉，但係我始終覺得原味同鹽酥雞最夾。跟住醉小三係包括有醉鴨舌，豬手同埋雞。呢set雖然稍貴，都要88蚊，不過佢品質好好。雞肉亦係好滑，豬手爽口，鴨舌又好食。不

颱風天，搵野食。住向附近其實麵無食過伊間台式餐廳，所以特別試一試。個人欣賞嘅小食係鹽酥雞。同其他鹽酥雞唔同，佢有好多種唔同嘅味粉以供選擇。個人其實最愛麵係原味同紫菜味。鹽酥雞非常香脆，值得一試。紅燒牛肉麵嘅牛肉非常入味。筋肉分布剛剛好，炆嘅時間都足夠，非常軟身。湯底牛肉味濃，同埋啲麵一齊食剛剛好！綜合鹵肉飯分量十足。有腎啦，豆腐，鴨舌，豬腸等等。鴨舌嫩滑入味，野味非常。向台灣食嘅蚵仔煎成日俾人一種滑滑潺潺嘅感覺😂。向度食嘅就好好，配合返香港人口味，而且蠔仔幾多。建議大家可以試下佢杯青瓜梳打，台菜味濃，飲杯青瓜梳打可以中和一下！值得一提，用餐環境幾舒服，好適合一家大細用膳！

今日我滿心期待....去試下依間九份十份人人口味唔同...咁就諗住去試下啦星期六夜晚8點左右等位等左5分鐘左右就有得入咁梗係睇下四圍既人食緊d咩睇左一陣，咁心中有數我就開始落單我叫左紅燒牛肉麵一碗鹽酥雞扒飯一碟鹽酥雞一客芝士磨菇雞翼2件抹香珍珠奶茶1杯是金橘檸檬1杯飲品味道係ok好飲既咁牛肉麵呢⋯⋯我就覺得好普通，唔特別囉⋯⋯唔驚喜，不過值得一讚係牛肉係多既不過有d鹹！鹽酥雞扒飯，我就覺得雞扒太乾，真心麻麻地好食鹽酥雞係有特別之處嘅佢有好多次調味粉俾你我欣賞佢既創意，但都係可以唔試芝士磨菇雞翼個樣係靚仔，但都唔係好食芝士無芝士味蘑菇冇蘑菇味就係咁食到我連叫甜品嘅意欲都冇就係咁依一餐就完左

逢星期2 晚都會去到天水圍工作，昨晚早d入去揾下野食，見到有台灣風味既九份十分餐廳，睇落裝修格局都唔錯，重點係我見到有2個老人家都喺度食，相信食物都幾吸引！對於經常去台灣旅行既我，我係非常喜歡食台灣既食品！ 九份十分餐廳亦提供左勁多選擇，由飲品到小食，小食到綜合飯，綜合飯到甜品都一應俱全！真係搞到我唔知點揀好！最後，我好辛苦先揀到幾樣食物，都係以小食為主！ 食物好快送到嚟，驚喜就開始嚟，每樣食物都做得好出色同好食！1) 首先嚟到有鹽酥雞，餐廳提供左6款口味既味粉，天呀！一次過滿足晒我既要求，要食辣又得，要食芝士味又得，仲有超清新口味既梅子粉！ 我好快就已經清晒成碟雞！ 2) 醉鴿！ 估唔到呢間餐廳會提供d咁刁鑽既菜式！鴿嫩滑，酒味入晒d肉度！超好食！3)鹵水拼盤(細) , 唔好睇佢細細細碟咁，入面既食物種類真係多，有腎，雞翼，鹵水蛋，鴨舌，大腸，酸菜，樣樣都獨當一面，鹵水汁好入味，腎又煮得淋，特別係大腸，咬落d 鹵水汁會充滿口入面！4) 鳳梨鹽水雞，鹽水雞喺台灣食得多，加入菠蘿真係第一次，除左鳳梨之外，仲有芭樂喺入面，平時d鹽水雞都係得個咸字，呢個仲帶d果味！咁啱我又鍾意食菠蘿，啱晒