三星台菜食堂 (The L. Square) (Closed)

即興係銅鑼灣食晚飯，見到某app呢個2030有85折，而之前一直想試，就揀呢間。上到去，即刻有位，餐廳地方不大，有30個位左右。我地2個人，叫咗蕃茄牛肉麵（揀咗刀削麵）、鹵肉飯同鹽酥雞。蕃茄牛肉麵湯底不算濃，冇咩蕃茄味，有4舊牛展，幾厚肉，中規中矩，但反而喜歡佢個刀削麵，好chewy。鹵肉飯正常，而鹽酥雞炸得香口但略嫌乾。因為天氣比較涼，冇試到凍飲，但見到好多人點，賣相正常。整體尚可接受，我反而喜歡線之前介紹旺角嗰間台灣野多d😅

星期五夜晚嘅銅鑼灣好多人所以食飯一定要book枱今次同另外幾個friend book咗三星台菜食堂入到去個空間雖然唔係話好舒適但係都幾舒服.我諗主要係因為個色調舒服啲座位又唔會話好迫四個女仔嗌咗好多嘢食最好味係麻辣牛肉麵同紅燒牛肉麵 麵嘅口感好好 個湯亦都好香 另外嗌咗個鹵肉飯 但係就覺得個飯太多油 小食都嗌咗四個 好味嘅鹽酥雞超香超脆啖啖肉 鹵水豬耳同埋香腸都好好味不過蒜泥白肉就麻麻哋.味道好淡另外都飲咗黑豆漿豆味唔係好重正正常常都算係一餐唔錯嘅台灣菜

同朋友一向鍾意食台灣野，星期五大約7點到，餐廳位置係大廈最高層，一開門一眼睇晒大約30幾個坐位，職員示意要攞籌排隊，咁我地前面得3對人而又有兩張空大枱，心諗實好快有啦，點知就愈排愈嬲，原來個老闆叫左成班fd上黎開P吹水飲酒，眼見位就大把，但唔係比客坐，真係勁嬲，完全唔似做生意人會做既事囉，係最旺晚餐黃金時間約朋友開P，未食已經扣晒分。到終於到我地，職員同我地講一個鐘交枱，講真我已經好耐冇聽過一個鐘要交枱，起碼都個半鐘啦，聽完般後我就決定唔會再幫襯到我食到一半，老闆另一班fd又再上黎直接入坐，我見排緊隊既人個個塊面都黑晒，我相信佢地都同我一樣，只會食一次唔會要返專轉頭