等等HEA

Open Now

Now Closed

農曆新年就到🧨新年氣氛真係愈泥愈濃厚！ 見到今年好多唔同餐廳都新搞作😆最近見到這家台式小店仲推出左盆菜放題🥢可以任食，同埋加錢有其他款式，💡朋友覺得好有趣就決定一齊試下👯‍♀️-小店來說地方不算好大，但剛好有卡位可以坐！我地就點了這盆菜放題，份量係按人頭的⭐️所以好快就可以送上，而且可以加錢有台式飲品同小食呢!盆菜方面，都係以經典食材為主🥢有鮑魚、花膠、蠔士、豬手、冬茹等唔同食材❤️而且唔夠既話 係可以追加呢!💡當然就唔包鮑魚、花膠呢類😛不過以這價錢呢講，可以任食都係唔錯🤩而質素都合理，有齊各樣款式🥢即使鮑魚都唔會好細隻架!😁而且豬手都幾有驚喜! 幾大份呢!🎀當然就唔可以話係好高質既食材!😁但味道泥講都算入味!✅-另外我地都點了台式飲品同食物，🧋黑糖珍珠鮮奶🧋黑糖珍珠奶茶🧋荔枝烏龍茶🧋水蜜桃紅茶🧋阿宗麵線🧋196網紅品牌台式仙草手工芋圓🧋士林鹽酥雞必試呀宗麵線配阿宗辣椒醬🌶真係夠辣! 好食! 果然係台灣小店!😋飲品方面唔會因為係加錢任飲而失水準呢!💖-聽說仲可以再加錢飲食羊腩煲，但我地太飽了所以無試呢!🤭幾有新意的體驗，價錢合理! ✔️不過要留意店內人手唔太夠，需要一些時間等待呢‼️

⭐️份量多，食物質素普通，衛生真係要注意一下👌🏻環境小舖企理裝修，位與位之間較密集坐梳化位會舒服啲，大約有十幾張枱光線充足，多多留意牆身，寫咗好多有趣既字句。🍚食物[👍🏻鹽酥雞 追加價$10]必加！10蚊份量一點都不少，仲有埋醬點，即炸好好食。價錢取勝！[👌🏻傳統手工魯肉飯伴台式烤腸及唐心蛋餐$76]魯肉係偏瘦，有齊台灣腸加墨魚腸，唐心蛋係冷既，但整體偏油膩。[👌🏻紅燒牛肉麵套餐$91]湯底甜甜地，份量真係好多，唔怕辣建議叫辣會更好食。[👎🏻黑松露黃金花枝丸 追加價$10]不必加！普通炸花枝丸再加黑松露醬，10蚊得2粒。👎🏻衛生店員收錢上菜抹枱都係用同一對透明膠手套，食咗一個鐘都唔見店員換手套，依家疫情真係要注意下！

原來都有一段時間無去餐廳食飯🥺因為疫情關係 我都儘量少出街🙊通常篩選一下 幾星期先去一間想去嘅餐廳🍴今次揀嘅呢個餐聽都幾特別✨除左餐廳名好獨特 (等等hea) 💥店入面有好多打卡位💛可以同朋友邊享受台式料理🤤 邊打卡📸-因為太掛住台灣菜所以上次同朋友去嘅時候點多咗幾款小食🥰*傳統手工魯肉飯伴台式烤腸及溏心蛋套餐*魯肉飯好正宗💛 味道同台灣食到嘅好相似肉粒大細適中 而且肥瘦適中😋保留到肉類嘅微粗糙感同埋順滑感飯粒粒分明 硬中帶軟🍚同醬汁撈埋一齊食更加開胃🤤不過醬汁我覺得可以更加濃味🙊溏心蛋半熟 而且有少少流心嘅感覺*等等三杯雞套餐 配魯肉飯*其實我唔係好知三杯雞係代表啲咩🙈所以就上網search一search原來三杯係指一杯米酒 一杯麻油 一杯醬油😹雞塊細細舊 一兩口就食完一塊✌🏻而且雞塊好入味 甜鹹度適中醬油味 麻油味 同埋九層塔嘅味道 好濃烈*台式鹵水小拼盤(豬耳/雞翼/鹵豆腐)*雖然經過滷水熬製但係口感唔會下降🧡豬耳依然保持爽口彈牙再軟身少少會更加好🥳雞翼嘅肉質唔會散爛豆腐嘅口感稍為變得硬左少少但係豆腐juic

收完工甘岩見到開左間新既台式嘢咪試下每人叫左碗牛肉麵個湯底藥材味濃 我本人ok 男朋友唔太好藥材味😂記得好似叫左一個台式紅燒牛肉陽春麵送前菜一個台式牛筋牛肚陽春麵送前菜其實原本諗住叫刀削麵但係咁岩冇曬另外叫左份鹽酥雞 都ok叫餐佢會俾個QR code你 自己order可能嗰陣仲係新開張啲嘢有啲亂店員都唔係好清楚啲嘢擺邊前菜係我哋問佢先記得比 😣環境ok 都舒服 唔算太貴

返舊屋攞返啲嘢，所以今晚就去咗九龍城啦！經過福佬村道見到開咗一間新嘅台式餐廳，咁啱呢段時間係有諗過去台灣的，而且見個裝修都幾特別，順理成章就去咗呢度食啦！一行二人叫咗一個等等蚵仔魯肉飯配前菜三小碟（HK$88）、口水雞配魯肉飯（HK$93 ）、鹽酥雞（HK$48) 、黑糖珍珠奶茶（HK$30)同古早珍珠奶茶(HK$30)！個蚵仔魯肉飯真係堅好食，鹽酥雞又夠香脆可口，成餐飯都比到好有係台灣食嘅感覺，簡簡單單而且價錢又經濟又好食，冇揀錯呀！走時仲買咗支冷泡高山翠綠茶，個茶嘅味道好特別，感覺非常之香醇！簡直難以用文字來表達有幾好飲！下次一定會再幫襯！