唐宮小聚 (新城市廣場三期)

Open Now

Now Closed

好有特色嘅點心無諗過新城市有呢啲咁特色嘅”酒樓”。今日嘅唯一一個扣分位就係佢嗰茶無得揀，亦無茶擔，好似普通裝水拎俾你飲，未必啱個人口味。但佢嗰煙三文魚燻蛋真係好好食！不過如果叫飯類，就要預多啲時間，起碼20分鐘！所以如果心急叫點心好了！同埋記得download佢嗰app，有得儲分有優惠架。拎位就可以係The GULU 到坽定先，不過有時都壞壞地拎唔到，拎唔到可以直接打去booking，但去到都係要等一陣！

上次特登晚市嚟買外賣，點知堂食先有優惠；今次專登約朋友嚟食，好香濃花調酒味😋不過蟹實在有點細，基本上無乜蟹肉食雖然$79唔貴，不過下次唔再試由於蟹太細，又浸左酒唔知新鮮程度🤷🏻‍♀️不過味道係唔錯，喜歡食蟹可以試試麻辣乳鴿$39/隻，新品😋值得試吓燒乳鴿$39/隻，香脆可口。值得一試👍🏻麻辣春卷$59=3條，非常香脆可口，炸得剛好絕對唔會過火，不過食時要份外小心；內部之麻辣醬超級熱🔥除咗麻辣醬，無乜餡料....🤦🏻‍♀️寧願食山竹、和牛啤梨另外點左一個煲仔飯$68，臘腸好味；不過好細煲。

沙田係一個大家都熟悉既地方, 間中都會去一去, 但每次去到都一定好多人, 一般過到去都會搵下有咩食, 不過睇來睇去都唔係太多岩食, 最後都係來返 呢度, 一直都有食開呢間點都有 D 保證既, 而沙田呢間就應該係第二次來, 可能依家因疫情關係無左晚市, 所以午市都比較多人, 好彩有 GULU 呢個 app 可以搖距攞飛先, 去到都係等幾分鐘就有位, 基於二人限聚令關係, 每張枱既距離遠左, 感覺舒服左,  有禮貌既服務員仲埋來先介紹一下新出既凍食麻辣乳鴿, 問佢點解唔係熱食, 佢話凍食唔會咁辣, 但又食到麻辣既味道, 既然有咁既新嘗試, 梗係要試試啦, 點好咩食物, 大概等 15分鐘左右, 食物都開始分批咁上來, 第一次試食凍麻辣乳鴿, 感覺真係唔太辣, 亦保持到麻辣味, 只係因為天氣冷, 始終食凍野感覺一般般, 而且凍左既乳鴿 D 肉會比較實同煙韌 ! 其實食物都係不過不失, 始終大型連鎖店既出品都係會保持一定既水準, 加上好多時出來食野, 除左食物之外, 當然都係服務, 去過佢地 3間既分店, 總括來講服務都唔錯

一年又過去了，前幾日就來到位於沙田新城市的唐宮小聚吃一頓好意頭的新年盆菜，象徵豐衣足食迎接新開始。沙田分店裝修風格還原舊香港面貌，鳥籠高掛充滿復古特色，卡位坐得寬敞舒服。內裡散發港式懷舊的東方韻味，卻又不落俗套，引進午間柔和的陽光，帶來溫暖樸實的氛圍。門口設有零售區，食客可選購餐廳的特色產品及觀看師傅製作點心。架上陳設了各款公仔包，造型萌爆，充滿玩味童心。入冬後天氣嚴寒，堂食菜式最新推出冬季暖笠笠首選- 臘味煲仔飯及迷你聚寶盆。下載「唐宮小聚」APP成功登記會員有超過$200優惠劵，會員消費即送年曆一本，內含全年優惠劵。會員有尊享優惠，迷你聚寶盆、臘味煲仔飯及非酒精飲品2杯可享會員價$249， 原價$303。餐單款式齊全，點心、小吃、小菜、主食全都一應俱全。一般坊間供應的盆菜都是重量級份量，兩口子肯定吃不完，迷你聚寶盆則是二人份量，想不到原來撐枱腳都可吃盆菜呢！迷你聚寶盆 $188雖然只是二人份量的盆菜，但依然舖得盆滿缽滿，材料豐富，集多種矜貴食材於一盆。原隻鮑魚鼓壯飽滿，口感緊緻，封存海中鮮味。其他食材還有花膠、冬菇、瑤柱、蝦、豬手、切雞等等，裡面還有大量蘿蔔蔬菜墊底，盡吸醬汁精華。