百味川 (Closed)

過開黎掃平野，梗係唔好miss左葵廣出名嘅川味魚淮山麵，叫番兩個唔同味嘅滿足哂！天氣咁熱，個個都想歎下冷氣坐低食，好在佢地有幾個舖位，座位算係葵廣坐得較舒服嘅食肆。麻辣魚淮山麵、番茄魚淮山麵，麻辣少辣不失麻香，刺激味蕾，魚肉份量又多；番茄魚超濃番茄湯，係番茄控老婆必選，淮山麵夠爽，又低卡好味，岩哂！呢度嘅川辣雲耳，醋味濃麻夠香辣味少，雲耳爽口，好鬼開胃。仲有麻辣手撕雞都唔錯，食完口渴唔洗驚，飲埋餐飲夠哂飽。快靚正之選。

今日約咗朋友去葵廣行街同掃街晚餐就想坐低食返餐川菜見門口都幾多人排隊等外賣就決定試吓呢間-平時川菜最鍾意嘅就係食酸菜魚呢個酸菜魚配埋飯都只係$58 價錢極抵！唯一失望嘅係呢個酸菜魚湯底唔太酸亦唔辣只有魚湯嘅味不過啲魚口感爽滑如果湯底再酸啲同辣啲就會更夾呢個價錢都唔會要求太多了-麻辣手撕雞就唔錯充滿麻辣香味 同青瓜味好夾都幾辣下 食到底嘅時候條脷開始麻痹最後埋單每人都係$100樓下呢個價錢CP值極高 不過如果想食正宗酸菜魚嘅呢間就可能唔太啱你喇-整體評分：3.5/5

葵廣嘅美食可以用百花齊放嚟形容，加完班買唔切餸，喺到兜一圈都絕對可以搵到啱心水嘅餐廳。行過見到百味川門口見有好幾個人等緊外賣，好一陣子冇行入葵廣嘅我都冇為意到呢個位置幾時開咗間餐廳，六點後外賣自取仲有八折，相當吸引。一睇menu有我最愛嘅酸菜魚同先生至愛嘅牛三寶，二話不說即刻落單。除咗非常有特色嘅米線之外，仲有唔少小食選擇，飲品方面選擇亦算多，仲有幾款少見嘅特飲。酸菜魚米線份量唔細，店員好細心為我哋分好湯，返到屋企依然食到口感剛好嘅米線，湯底鮮香濃郁，酸菜味好重。魚片方面唔係一般食到嘅薄魚片，而係比較厚身嘅龍脷柳，份量亦頗多，口感軟嫩。麻辣牛魔王米線份量同樣足，材料豐富，除咗牛腩、牛筋同牛肚，仲有大量酸菜，中和咗牛三寶嘅油膩感，亦令到湯底層次更豐富。三款配料之中我最鍾意牛肚，口感夠軟腍之餘好索汁，零舍入味。牛筋亦唔錯，口感軟嫩但又唔會太腍。手撕雞麻香同辣味平衡，加上青瓜絲增強口感，越食越開胃。蒜泥白肉好有特色，蒜香加上白芝麻相當誘人。白肉半肥瘦，配上蒜泥毫無油膩感，食多幾件都唔怕滯。冰鎮奶茶入口夠香夠濃，味道偏甜少少，解辣必備，凍檸茶亦唔錯。餐廳食物質素平均，加上晚市外賣八折實在係非常

因為肺炎嘅關係，我好耐都冇出街買過衫啦。日日返工都係著得嗰幾件衫，網店啲優惠期又已經過曬咁濟，今日終於約咗朋友黎行吓葵廣同新都城。行咗幾個鐘，大家都又渴又餓，就落返葵廣地下揾吓嘢食。見到呢間百味川門口貼咗醫護人員有八折優惠，就決定入去「懲罰」吓佢～😆麻辣牛魔王 （$58）✨呢度有一啲配好嘅麵同餸，同一啲可以自己配搭嘅餐可以揀。因為我覺得餐廰配好嘅通常都好食啲，就揀咗餐廳配好嘅一個米粉（都可以轉其他麵底咖）——麻辣牛魔牛😈呢個麵入面係有牛腩、牛筯、牛肚，仲有微辣至特辣，五種辣度可以揀，我揀咗最少嘅微辣。落單後唔洗一分鐘就上菜啦，每款餸都最少有三四舊，份量都算多。另仲有啲芽菜、芫茜等等，湯底都好香，下次我要揀辣啲挑戰吓！😤自選米線 （$53）✨朋友揀咗個自選米線，揀咗娃娃菜、芥末沙律球、響鈴，麵底揀咗准山麵，蕃茄湯。上菜見到佢嗰個好清好健康咁，准山線係比米線糼身啲嘅，但好彈牙。響鈴雖然已經係另上，但唔係好脆。朋友仲不停強調芥末沙律球真係好好食，下次我又要試吓先得！🤪口水雞翼 （$18）✨口水雞翼好貼心，每隻都分開咗一半，只有一條骨，好方便食。呢個口水雞翼係冷盤，好開胃。加埋啲辣油、芝麻、芫