Video
Read full review
2018-07-03
315 views
見係超蓮開既牛肉麵店，又幾近公司，決定同同事lunch time黎試下。餐廳唔算好大，有五、六張枱到，每張約坐到4至8人不等。裝修幾簡撲，但幾有新派台灣feel。環境就唔算靜，食碗麵係ok既，但如果諗住同朋友坐底好悠閒咁吹水就未必得。Weekday大約12點20分黎到，餐廳坐位約6到7成滿，唔洗排隊，不過坐位既安排就係擺明要撘枱果種。坐底好快就有店員俾餐牌你點餸，係好似tick點心紙果種。不過張點菜紙係可以recycle既，環保，值得讚。主食叫左三合一招牌拌麵，朋友叫左麻辣牛肉麵。麵有得揀軟或硬，咁當然我地都係揀左硬。小食就叫左$38蚊雙拼滷豬血糕、滷豬耳，同埋麻辣臭豆腐。落單唔夠三分鐘，竟然係拌麵就即刻上碟，過多一分鐘牛肉麵都黎埋。反而小食就遲少少上菜，都要七到十分鐘。先講三合一招牌拌麵: 份量幾多，男仔食應該夠飽。三合一姐係有牛腩、牛肚同牛筋。牛腩有四舊、牛肚有六、七細條、牛筋都有四舊，仲有波菜添。牛腩做得幾淋，唔會太肥，一食落去唔會太咸，食得出係真係冇加味精。牛筋幾唔錯，入味又淋，三樣覺得最好食係牛筋。反而牛肚就冇咩特別，有啲切得太幼太細條。辣度就一般般，小辣，唔食辣既人都應該一
餐廳唔算好大，有五、六張枱到，每張約坐到4至8人不等。裝修幾簡撲，但幾有新派台灣feel。環境就唔算靜，食碗麵係ok既，但如果諗住同朋友坐底好悠閒咁吹水就未必得。
Weekday大約12點20分黎到，餐廳坐位約6到7成滿，唔洗排隊，不過坐位既安排就係擺明要撘枱果種。坐底好快就有店員俾餐牌你點餸，係好似tick點心紙果種。不過張點菜紙係可以recycle既，環保，值得讚。
主食叫左三合一招牌拌麵，朋友叫左麻辣牛肉麵。麵有得揀軟或硬，咁當然我地都係揀左硬。小食就叫左$38蚊雙拼滷豬血糕、滷豬耳，同埋麻辣臭豆腐。
落單唔夠三分鐘，竟然係拌麵就即刻上碟，過多一分鐘牛肉麵都黎埋。反而小食就遲少少上菜，都要七到十分鐘。
先講三合一招牌拌麵: 份量幾多，男仔食應該夠飽。三合一姐係有牛腩、牛肚同牛筋。牛腩有四舊、牛肚有六、七細條、牛筋都有四舊，仲有波菜添。牛腩做得幾淋，唔會太肥，一食落去唔會太咸，食得出係真係冇加味精。牛筋幾唔錯，入味又淋，三樣覺得最好食係牛筋。反而牛肚就冇咩特別，有啲切得太幼太細條。辣度就一般般，小辣，唔食辣既人都應該一定食到。可惜既係拌麵既醬汁唔係好多，汁都唔夠濃，只係剛剛好夠令到碗麵有咸味。
三合一招牌拌麵
$95
19 views
1 likes
0 comments
麻辣牛肉麵我就冇食啦，不過試左個湯，唔會太咸，但都唔係好麻辣。朋友話都ok，牛肉同麵既份量都好夠。總體黎講好過太興集團果間連鎖台灣野既牛肉麵。
麻辣牛肉麵
$78
29 views
0 likes
0 comments
至於小食，雙拼滷豬血糕同豬耳，豬耳幾淋，正常味。滷豬血糕就幾特別，入面一粒粒係糯米，不過食到既係糯米比較多，冇咩豬血味。反而小碟上個醬汁幾好食，咸咸地，幾吊味又開胃。
滷豬血糕、豬耳
$38
14 views
0 likes
0 comments
另外一個小食，麻辣臭豆腐就真係幾好食，臭得黎唔算太臭，豆腐唔係炸過既。個汁似係胡椒湯咖辣油，唔錯。
麻辣臭豆腐
$32
49 views
0 likes
0 comments
總體黎講呢間餐廳係比較啖口味既。如果你係想食好香又重口味既就未必岩你，但如果你係想食碗牛肉麵，唔想食味精既，呢間係唔錯既選擇。雖然價錢唔算平，但份量係幾夠既，牛肉質素都唔錯。
見係明星開既小鋪就去觀摩下，有興趣既試一試都無妨。
Post
