老川皇

Open Now

Now Closed

咁岩又去開油麻地做野，2點提早收工當然食下辣野慶祝下，一諗就諗起當然去老川皇之前幫襯都係地鋪，不過位置冇咁舒服，佢係對面商場開多間，當然上去舒服食佢有好多款午餐選擇，大約40至50都幾抵食一行2人就叫個涼拌同2個小菜午餐涼伴就叫左香辣伴海蜇，食落好爽口，而且辣辣地，十分開胃小食當然叫小編中意既麻辣雞煲，雞肉食落唔會鞋口，醬汁濃郁仲麻而香辣，十分惹味午餐份量都唔少，一個人都夠飽友人就叫左個水煮田雞，田雞煮得爽嫩，而且加埋水煮既湯底，唔會太熗口，愈食愈惹味小編仲未夠喉，見到隔離食緊酸辣粉，當然唔土卜執輸咁叫一碗肥腸酸辣粉小編好欣賞呢到既紅薯粉，唔會煮得太軟身或太煙韌，岩岩好湯底以酸為主，即使中辣都唔會好辣，肥腸唔會太肥，同紅薯粉一樣唔哂湯既精華，好滋味食辣野最好就飲酒，不過小編唔太中意下午飲小編就叫左杯雪梨汁，飲落唔會太甜仲有d果肉，清熱解渴總括黎講：食物味道不錯，款式多，價錢得宜，坐得舒服🍳🍴味道: 7.5/10👩👨服務: 7.5/10🏠💺環境: 7.5/10💰💸抵食: 7.5/10總消費: $236 (2人)人均消費: HK$120.00 (午餐)

係旺角揾食，見到呢間川菜店食評幾唔錯就去試下，原來佢樓下附近就係第一間店，生意好所以租埋呢個要行兩層樓梯既鋪，再係佐敦都有間分店嘩，做川菜做到你咁巴閉有三間分店，真係幾唔錯喎唔揀去老店行兩層樓梯上黎呢間分店，因為地方大啲、裝修新淨啲，坐得舒服啲，上到黎既時候係5：45pm，啲阿姐圍埋食緊晚飯（餐廳無落場時間），所以啲食物上得好慢，開茶20分鐘、食物30分鐘先上涼拌茄子：一般啦，雖然明知係涼拌，但都係覺得凍咗少少，啱啱係雪櫃攞出黎無耐，啲麻辣醬汁唔入味麻辣雞煲：好惹味，一大堆辣椒、青椒、胡椒、洋蔥等，啲雞爆到好香口又入味，食到「雪雪」聲（因為辣）但又停唔到口樟茶鴨：可能係我食過最好食既樟茶鴨，好香茶葉既煙燻味，燻到鴨皮好脆身，鴨肶部分啲皮食落卜卜聲總結：正呀～好惹味好送飯既一餐

近排有點忙太久沒約朋友出來吃飯了，今次朋友約我們一起吃雞煲當然二話不說就來了。今次來到這家位置旺角的(老川皇)。餐廳內很多人，好在朋友一早就已經訂枱了，唔係就真係有排等了,,,,,,這裡真的很多唔同的食物，有雞煲,小菜,串燒等等...每一樣都很吸引呀，但我們只得三個女仔吃不了這麼多，只好選擇我們最相吃的吃。最後我們就點了半隻雞煲,酸菜魚和小量的串燒......首先上的當然是我期待已久的雞煲，雖然我們點的是麻辣雞煲，但因為我不是太能吃辣所以朋友點的是小辣。雞煲一上已經傳來勁香的味道，這個雞肉很滑很入味，小小麻辣係我可以接受的辣味，所以半隻雞很快就俾我地吃完了。而另一樣酸菜魚我們都估不到這麼一大盤，勁多酸菜勁多魚，魚很滑一點都不多骨好好味，特別係這個酸菜湯非常好味，酸酸的很令人開胃，單單這個湯我已經飲了三碗。最後就點了小小串燒食，串燒很入味很好味，特別是魷魚須我覺得最好味。

好愛食竦野, 但朋友又唔係個個都食得。而呢間就有辣同不辣的食物俾我地呢D人選我地三行人叫左個一碟蒜泥白肉, 因為川菜必食的!!!另外就叫左雞煲, 因為我地三個女仔唔係大食的人所以只要左半隻雞另外叫左肥牛, 墨魚滑, 生菜同蟲草花呢到有蟲草花!!!我至愛麻辣雞煲叫左少辣, 但徹辣得黎連平時唔食辣既朋友都話好野味而且d汁渗入左d雞到,  而雞又唔會好肥, 所以食落好嫩另外蒜泥白肉鋪上厚厚的蒜蓉, 好香, 而且食落一點也不肥膩而食到底下係越食越辣的!!!岩晒鍾意我呢d食辣野既人....之後我叫左杯紅蘿白檸檬汁, 食完辣野後用黎降下火同清熱氣一流~而且係即叫即鮮搾的~