Video
Read full review
2021-04-05
3094 views
倫哥嘅火鍋放題出名抵食性價比高，見終於開返四人晚市堂食，就同屋企人近近地黎打返個邊爐。雞煲放題$198/位，免醬料費同冇限時，兩人或以上仲有海鮮拼盤送，所以就算平日都好多人食。雖然免醬料費，但醬料選擇一啲都唔少，除左常見嘅蒜蓉辣椒芫荽花花之外，連胡麻醬、泰式辣醬、黃燈籠辣椒醬同香醋都有。火鍋料全部都喺自助區自取，丸類、餃類、肉類、肥牛、蔬菜同麵食都有。飲品方面，果汁、涼茶同汽水都有，仲有韓牌Lotte。打邊爐必食嘅炸響鈴同炸魚皮當時亦唔少得。最後亦有炒飯麵、例湯同糖水。一坐低例牌每人拎罐野飲先。涼拌木耳酸酸地好開胃。雞煲由無辣BB辣大中小辣都有，因為屋企人有人唔係好食辣，就揀左BB辣。BB辣其實唔係好食得倒辣味，不過花椒鹹香味都幾突出，所以都幾惹味。雞肉唔會太鞋，唔夠喉仲可以無限添加。海鮮拼盤係一次性，兩位起就有得送，入面有青口、中蝦、帶子、蠔、蜆、脆骨腩同鯇魚片，海鮮都厚肉唔係細細件冇肉食，我特別鍾意個脆骨腩，好結實爽弾。肥牛同黑豚肉雖然只係平價貨色，不過都幾厚身有咬口。唔同嘅餃同丸都拎左啲試下，丸類方面雖然唔係手打，不過款式都特別，好多中間都有餡料，好似年糕丸、醬爆沙律丸、牛骨清湯
雞煲放題$198/位，免醬料費同冇限時，兩人或以上仲有海鮮拼盤送，所以就算平日都好多人食。
雖然免醬料費，但醬料選擇一啲都唔少，除左常見嘅蒜蓉辣椒芫荽花花之外，連胡麻醬、泰式辣醬、黃燈籠辣椒醬同香醋都有。
火鍋料全部都喺自助區自取，丸類、餃類、肉類、肥牛、蔬菜同麵食都有。
飲品方面，果汁、涼茶同汽水都有，仲有韓牌Lotte。
打邊爐必食嘅炸響鈴同炸魚皮當時亦唔少得。
最後亦有炒飯麵、例湯同糖水。
一坐低例牌每人拎罐野飲先。
涼拌木耳酸酸地好開胃。
涼拌木耳
40 views
0 likes
0 comments
雞煲由無辣BB辣大中小辣都有，因為屋企人有人唔係好食辣，就揀左BB辣。
麻辣雞煲
15 views
0 likes
0 comments
BB辣其實唔係好食得倒辣味，不過花椒鹹香味都幾突出，所以都幾惹味。雞肉唔會太鞋，唔夠喉仲可以無限添加。
麻辣雞煲
31 views
0 likes
0 comments
海鮮拼盤係一次性，兩位起就有得送，入面有青口、中蝦、帶子、蠔、蜆、脆骨腩同鯇魚片，海鮮都厚肉唔係細細件冇肉食，我特別鍾意個脆骨腩，好結實爽弾。
海鮮拼盤
18 views
0 likes
0 comments
肥牛同黑豚肉雖然只係平價貨色，不過都幾厚身有咬口。
手切肥牛 & 黑豚肉
15 views
0 likes
0 comments
唔同嘅餃同丸都拎左啲試下，丸類方面雖然唔係手打，不過款式都特別，好多中間都有餡料，好似年糕丸、醬爆沙律丸、牛骨清湯丸、豬骨濃汁丸、芋泥包心貢丸、松露小籠包......等等，睇得出餐廳喺揀食材方面都有花過花思。
餃類都有四款，每款都比較大隻，如果每款試勻都幾飽肚，所以我會建議細食嘅朋友先揀兩款自己想試嘅，寧願留返啲肚量食其他野。
鵝腸好爽口，因為唔係個個啱食，所以平時同朋友或者屋企人出去打邊爐都未必會叫，哩度係自己食幾多夾幾多就唔怕。
鵝腸
9 views
0 likes
0 comments
炸魚皮
8 views
0 likes
0 comments
是日糖水係紫米露，唔會太甜，不過如果多啲紫米更好。
紫米露
36 views
1 likes
0 comments
總結，野食方面因為將貨就價都唔可以有太高要求，但質素都可以接受，一次性嘅海鮮拼盤質素唔錯，絕對係回本位，餐枱夠大就算拎左好多野食返黎都夠位擺，侍應收碟速度都快，想平平地打個邊爐倫哥都係唔錯嘅選擇，唔會有投訴。
Post
