天園餃子 (華發大廈) (Closed)

🏠天園餃子 係通菜街最近開左間新嘅餃子店，本身淨係會去食甜記餃子，而家有新選擇啦~ 天園餃子我就食過土瓜灣分店嘅外賣，印象中都唔差😋 🥟蕃茄蛋素湯餃 (5隻) $28 我本身都好中意食蕃茄炒蛋，見到有呢隻素餃覺得好新奇🤩叫左5隻試試，轉埋蕃茄湯底想同甜記個湯底對比下😜 唔知係咪因為係素餃，咬落好散，所以影極都影唔到佢個橫切面🤣🤣 味道上整體而言都 偏淡，不過天氣咁熱就係想食下清清地嘅野，都唔錯👍🏻蕃茄湯有淡淡嘅薑味，而甜記就係蕃茄魚湯，所以中意飲邊隻就睇個人口味啦~ 🥟韮菜豬肉煎餃 (8隻) $38 本人係韮菜餃狂，最想就係試曬所有餃子店嘅韮菜餃🤣講返呢個煎餃，佢煎到非常金黃色，而且好實的的有啲似韓式餃子。佢嘅味道都幾合我胃口，因為我鍾意食啲韭菜餃係韭菜比肉多， 加上餃子皮煎得好脆，推薦👍🏻👍🏻 🍝淨麻辣撈麵 $34 上枱見到佢咁深色以為會好重口味，但食落完全唔同，比較淡同埋油，而麵嘅份量好大，我諗3個女仔食都飽🤣麵質好淋好淋，所以食落有少少一pat野嘅感覺🥹 🐥麻醬雞絲粉皮 $22 呢個值得一讚嘅地方係佢啲青瓜嘅份量好多，雖然雞肉嘅份量比較少， 但又麻醬加粉皮同埋青瓜搭救😜 🍋手工檸

每逢喺旺角唔知想食乜，就會嘗試喺女人街尋寶🥰尤其是而家遊客比較少，可以睇返條街原本嘅風貌其實都幾好行嘅！見到呢一間舖頭，入邊都算多人幫襯，膽粗粗就試吓啦入到去座位有少少迫，不過咁嘅價錢可以接受嘅。好似有一陣浸味可以改善下叫咗一個套餐，小食揀咗雞絲粉皮主食餃子就揀咗椰菜甘筍木耳豬肉餃，拼芹菜木耳豬肉餃(+$5) 雞絲粉皮首先上場，味道正正常常椰菜甘筍木耳豬肉餃 (剛剛合格）味道正常，但係唔算好好食，唔知點解好細隻？ 見到同行朋友嘅韭菜餃大大隻的😂 呢一款個皮都有dd太厚，但可以接受嘅(拼)芹菜木耳豬肉餃（唔合格）呢一款就出事啦，唔知點解個餡好甜🥲🥲🥲而且啲餡好少好少，完全食唔出芹菜的味道，亦都食唔到木耳嘅口感搞到個皮好厚好厚。。。中間仲好似食到啲皮唔熟添😅最後哩一款全部冇食韭菜餃（中上）比其他兩款大只，而且味道幾好！！好足料，韭菜味好出總括來講，試咗三款餃子合格，唔合格，中上咁樣嘅質素比較飄忽☹️