添好運點心專門店 (Closed)

添好運係我由佢未攞米芝蓮已經食過當年喺九龍塘讀書，爸爸成日帶我放學後去深水埗分店食真係我嘅童年回憶-宜家連紐約都有分店，我就同一家人去北角分店食我地點左黃沙豬潤腸、鳳爪排骨飯、鮮蝦燒賣、豉汁鳳爪、叉燒包-黃沙豬潤腸：比起我地好多年前食嘅相當地差左好多豬潤明顯少左，不過依然係皮薄，豬潤好滑而唔係乾淨淨同熟到透曬-鳳爪排骨飯：都係嗰句，portion細左但排骨依然滑身，配搭甜甜地嘅煲仔飯豉油-鮮蝦燒賣：蝦大大粒，好脆口最特別係上面舖左啲杞子，賣相靚左-叉燒包：唔洗多講，叉燒包係添好運嘅招牌菜式叉燒包個皮脆脆地，又好鬆軟綿密入面嘅蜜汁叉燒肥瘦均勻，不過好似份量少過以前⋯⋯-總括而言，添好運依然好好食啊但份量真係細左，慶幸係相隔咁多年價錢都無點貴過👍🏻

聽聞「添好運」係北角開咗分店, 另一半好雀躍, 要第一時間去試下...10點幾去到, 唔使等位, 直入... 門外有一排櫈比排隊嘅人坐, 我地今次用唔著...快餐店格局, 光潔鮮明, 招牌開放式廚房, 坐得近嘅客, 唔知會唔會覺得好熱嘅呢... 座位都相當迷你, 叫多幾個點心都放唔落...酥皮焗叉燒包 -- 必吃招牌菜!!! 脆脆嘅外皮, 包住甜美嘅叉燒餡料, Yummy~ 可惜餡料太少, 薄薄的一層, 有點美中不足...香滑馬拉糕 -- 招牌菜, 味道甘甜, 鬆化可口, 正!!!潮州蒸粉果 -- 招牌菜, 同出面d酒樓比較, 呢個點心嘅分別最明顯, 能夠明顯食得出切成方塊狀嘅白蘿蔔西芹花生, 真真正正有芹菜味, 餡料唔係一舊糊咁, 好味!!! 比個讚你!!!鮮蝦燒賣皇 -- 招牌菜, 蝦肉爽口, 豬肉鮮味, 以杞子點綴, 感覺好養生, 好味~黃沙豬潤腸 -- 同樣係招牌菜, 比之前幾款失色好多, 豬潤很少, 硬而無味... 好記得上次係深水埗包VIP房食私房點心, 一嚐佢嘅招牌菜黃沙豬潤腸, 非常美味, 質數拍得住西苑... 可惜今日滋味不再~問到職員呢度有冇提供私房點心嘅VIP房

6月24日, 平民米芝蓮港式點心添好運真係好巴閉~ 預咗起碼要等一個鐘以上先食到, 但試過拜會旺角總店卻於下午4點已經宣佈派晒籌, 連等位嘅資格都無! 自此之後每次經過佢門口都無不被那大批人潮嚇親… 深水埗同中環店都唔就腳… 等呀等卒之等到北角店開張~ 決定要神心地約埋媽媽同妹妹一行四人嚟排隊飛! 今次, 終於等到喇!::: 酥皮焗叉燒包 ::: $17嚟呢度唔食過佢嘅鎮店名物酥皮焗叉燒包真係唔好話食過添好運! 基本上每枱食客都一定會叫一客, 亦因為咁所以店方一早嚴陣以待, 酥皮叉包供貨量極之充足, 可謂長叫長有, 源源不絕新鮮出爐~ 不過可能製作模式已經太系統化而忽略品質檢定, 有d包個酥皮都未上好色, 白雪雪咁都照上碟, 賣相扣咗少少分. 不過新鮮出爐, 豈有難食之理? 面層酥皮焗得香脆, 包身鬆軟, 叉燒餡肉汁豐腴, 鹹香有致甜度適中, 認真皮薄餡靚~ 果然名不虛傳!::: 晶瑩鮮蝦餃 ::: $22蝦餃都幾細粒, 但皮夠薄, 除咗望落夠晶瑩透出粉紅蝦肉外, 亦意味餡料亦不孤寒~ 煙韌粉皮內係粒粒爽口彈牙嘅鮮蝦! 成粒食一口咬下爆出鮮蝦肉汁, 真係好食!::: 陳皮牛肉球 ::