點心到 MIX·大排檔

Open Now

Now Closed

晚市主要做小炒，適合多啲人嚟開心share。佢價格吾貴，味道都不錯，但我覺得有d餸都偏細碟，例如豉椒炒蜆同埋冰鎮咕嚕肉。大肚婆炒飯- 佢嘅招牌炒飯黎，都炒得好香，同埋好多料，有蝦，蛋，肉等等。豉椒炒蜆- 好多洋蔥但係蜆嘅份量未算好多，而且蜆肉都唔係好夠熱同入味。清官茄子-好似切粒版嘅魚香茄子，惹味，撈飯一流。冰鎮咕嚕肉- 原本以為係凍食嘅，原來只係將熱炒完嘅咕嚕肉放喺冰上面，所以一開始食都係熱嘅，除非擺到最後先食，但係都好好食，佢份量吾多但咕嚕肉好大粒，酸甜味剛好。黃金九肚魚- 鹹蛋黃好香但好濟，炸到又熱又脆好正，魚肉好滑，下面啲炸粉絲都好食😋

夜晚係旺角附近就順便係度醫肚揾間乾乾净净就ok呢間睇落唔錯就入去試下環境舒服 乾淨 闊落 衛生 （擺定洗碗兜兜）花多眼亂得2個人最多點3個菜樣樣都想食最終做出以下選擇黃金九肚魚 $78原本想叫椒鹽，但見有黃金（只係貴幾蚊,當然要黃金啦!）魚比起其他舖頭算大舊，同鹹蛋黃好夾啊 (邪惡指數***)保仔左宗堂雞煲 $88最驚喜係呢個雞煲，佢個名好特別上網search下，發現原來佢係湘菜香港好少餐廳會供應呢道菜個賣相同四川辣子雞有d似但味道完全唔一樣佢個味道係酸甜當中帶有辣味而雞肉非常酥嫩點可以只食肉都要叫D清D 野食balance下羅漢齋扒豆腐 $76粗暴D講份量多 好味包羅萬有~服務方面都好好 隔離檯個媽媽幫個女要一次性手套佢地都有提供通常呢d中式餐廳都要加一呢度唔洗加一，茶芥都只係5蚊一位聽聞午市有點心，揾一日同D朋友屋企人食下下次真係叫多2個人食兩個人真係好難點菜咩都想食 但真係食唔到多(私心)下次要試下冰鎮咕嚕肉