為食龍 (Closed)

今日收工之後想食埋晚餐先走，去左早排黎過既為食龍，餐廳位於中環Soho區，入口係地下。餐廳係兩層高，地下係廚房同立食區，一樓有位坐。門口店員俾個數字牌我，自己上樓梯之後由店員帶位。餐廳播放住輕鬆西方pop music。為食龍主打日式腐皮壽司，一共有25款揀，逐件逐件叫，每件價錢由$29到$64不等。除左日式腐皮壽司，呢度仲有沙律，飯團，炸物，小食，芝士，飯及烏冬，甜品，同飲品。用餐時間90分鐘。辣吞拿魚拖羅蓉丼 $168 另加一辣吞拿魚拖羅蓉丼大大碗，吞拿魚拖羅蓉份量唔少，打得超滑溜，味道上真係幾辣，送飯食好味，唔洗再點豉油。我鍾意佢喺丼飯上面灑上黑白芝麻粒，蔥花同香脆紫菜絲，增添味道同口感。飯面仲有三片爽脆蘿蔔漬物同酸薑。價錢唔平不過質素唔錯。黃金吉列蠔 $69 另加一黃金吉列蠔一客四件，份量好足。炸得皮脆肉多汁，面頭灑上香草，好味道。另配撒上黑白芝麻粒既沙律醬俾你點。炸雞軟骨配七味蛋黃醬 $64 另加一炸雞軟骨份量超多，炸得皮好香脆，粒粒脆口，上面灑上香草，略嫌唔夠大粒。另配灑上七味粉嘅蛋黃醬，點左一齊食脆中帶滑，更邪惡。鹽燒三文魚鰭 $64 另加一鹽燒三文魚鰭一客兩大條三文魚鰭，

人氣腐皮壽司－由銅鑼灣小店搬到嚟中環SoHo樓高兩層嘅大店，食物款式更多、設計更有心思，周圍都有綠色植物裝飾同得意嘅恐龍仔，無論食物定環境都好吸引！每件腐皮壽司都好大件又足料，腐皮嘅甜味幾突出，配味道濃啲嘅刺身會更正。三文魚好肥美，撈明太子或者拼牛油果味道都好豐富；海膽三文魚子係我最鍾意嘅配搭，不過矜貴嘅材料就由價錢反映番lu🙈蟹膏好夠鮮味，少許蓋過咗甜蝦嘅味道。辣味三文魚食得多，今次就試試辣味呑拿魚－拖蘿蓉口感好綿滑，加咗辣更惹味，紫菜好重麻油香，仲有啲細細粒咬落爽脆嘅醬油蘿蔔漬物，成個組合撈飯一流，兩個share嚟食又唔會覺得好膩。除咗壽司丼物外亦有炸物小食－吉列蠔炸起好酥脆，炸粉比較厚但蠔肉鮮美，點日式蛋黃醬都唔錯。