上海婆婆336 (荃新天地) (Closed)

四月二十號我女友生日!系荃新天地睇完戲路過上海婆婆~卑一幅幅大頭相吸引~!我和女友決定提前慶祝日生在上海婆婆渡過晚飯~!去到門口等左廿零分鐘~!知客安排我地入座~!員工們都好忙碌~!幫我們加茶仲要熱情地用非流利廣東話介紹左幾道菜式: ~雖然我唔系食家~但我地覺得食物都幾滿意~!我地仲發覺店內的服務員都識得講普通話~!我女友系北京人~!黎到上海婆婆有種返在老家的感覺~!!唔錯~!唔錯~!有機會下次再黎~~!

上星期日未夠7點就去攞位，等左45分鐘左右，先至可以入坐。本來唔洗等咁耐架，因為個支客好似發緊夢咁，跳左我個號碼，我去問佢點解，佢仲話係你聽唔到之麻…(我之前係企響佢前面架，聽唔到…xy#%@)，費事同佢理論，橫掂見我個皇太后都未見人…算!不過你都唔好咁樣應D客嘛~我地3個人，叫左小籠包，担担麵，素鵝，鱔糊粗炒，黃金四季豆，黑醋排骨… 食物亦好快送黎。小籠包 – 小籠包賣相還可以，皮好薄，不過一夾就穿，食落就覺得D皮唔夠靱性；肉餡好削，有一大泡肉汁，不過唔香。担担麵 – 個湯好稀，但係都仍然有花生啲香味；但係個麵又出其地有質感，所以都算OK。素鵝 – 一般水準。鱔糊粗炒 – 我知道要炒鱔糊要好多油，不過唔好多成咁…D鱔又唔新鮮，梅梅地，呢個唔好食。黃金四季豆 – D鹹蛋黃起晒沙，味道唔錯。黑醋排骨 – 肉質幾腍，有肉味，食落覺得醋味香濃但唔覺太酸，都幾開胃惹味。環境方面，地方頗清潔，但略為嘈左少少，而且焗…(冬天都覺得焗? 夏天咪…唔洗志意涼啦~)，食物中規中矩， 但冇驚喜囉。