Beans the Rambler

Open Now

Now Closed

前嗰排同同事講起先發現竟然有人唔識Beans‼️係我去九龍灣必食嘅飯堂 完全唔明點解會有人唔識‼️難得今次嚟到青衣城分店無人排隊 終於有得食🥺佢地宜家連酒精搓手液都有唔同嘅香味 有各種水果味同花味 好加分✨黃金蟹肉意粉 ($86)賣相吸引 蟹肉都幾多 上面有濃濃嘅蟹膏同咸蛋黃 醬汁都夠creamy 撈埋成碟意粉食 味道一流 意粉彈牙亦好掛汁 值得推薦💛推薦指數：🌟🌟🌟🌟🌟【𝐏𝐫𝐢𝐜𝐞: 4/5 𝐅𝐨𝐨𝐝: 4.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ #siu4mai_私心推薦

文青咖啡店荳子🥕燒豬仔骨(半份)$228一上枱勁大條，有成8條骨，勁多肉，用左慢煮跟住再焗，肉質有d位易咬有d位略鞋，味道正常偏淡，所以有另上bbq汁可以再點黎食。底下墊勁多薯條，大大條，食完都好飽🥕黃金蟹肉意粉$118⭐️⭐️⭐️⭐️⭐️有一隻蟹裝住一隻蛋黃，入面勁多蟹膏，全部撈埋一齊再倒落意粉度再撈埋一齊食，成件勁正勁邪惡，醬汁勁creamy ，細細碟食落都好飽。🥕千島醬蟹棒蟹子帆立貝薄餅$86⭐️⭐️⭐️⭐️⭐️有原粒帆立貝，配搭在pizza度都幾特別，粒帆立貝就咁拮黎食，個pizza底比較鬆軟，就好像吃緊麵包一樣。🥕黑松露薯條 跟餐+$28⭐️⭐️⭐️⭐️⭐️薯條夠粗夠大條，炸得十分香脆可口，再點埋勁濃郁既黑松露醬，完全食到停5到口。🥕Autumn Breeze$⭐️⭐️⭐️⭐️☆表面放左粒栗子，好多栗子蓉，栗子蓉既味道清淡清香，中間有cream，再配上撻底，整體不錯。🥕Tiramisu 跟餐+$28⭐️⭐️⭐️⭐️☆濃郁咖啡香，夠creamy，忌廉芝士同cream既比例剛好，所以食完都不會太膩。🥕特濃朱古力(熱)$42表面多種朱古力真係睇見都好邪惡，仲撒上左可可粉，飲落微苦好香朱古力味，完全不會甜。🥕榛子拿鐵(凍)$39

平時繁忙時間一般要排隊，見今次有位可以直入即刻試下。環境裝修非常乾淨舒適，落地大玻璃出面係平台公園，好悠閒零靜幽雅，一家幾口或同幾個朋友一齊黎食野傾計一流。之前亦有食過其他分店，覺得水準都係差唔多，服務員態度亦可以，有禮貌。推薦：黑鬆露軟殼蟹意粉醬汁及菇味濃郁惹味，意粉軟硬適中，夠彈牙很唔錯，每一啖都回味無窮其他食物賣相亦非常靚，Pizza亦值得推介，整體食物水準都高，份量正常，飲品及甜品亦好出色，唔會太甜，價錢合理，絕對可以有下次。

知道青衣城新開左間Beans，急不及待過嚟試食，食咗三次都好滿意，推薦一下。今日食午飯，Encore手撕豬仔骨漢堡，這個一定要推薦，次次食到咁好味，跟午餐仲可以有一杯免費咖啡👍老公點黃金蟹肉意粉，蟹肉份量好多， $82個午餐真係好抵食，仲包一杯美式咖啡我們都追加了羽衣甘藍沙律， $28一份，份量都唔細， 香醋調配剛剛好，不會過酸加$28有一件蛋糕，今日要了朱古力蛋糕及raspberry Lover, 價錢合適，味道中規中矩，沒有芒果及柚子伯爵茶蛋糕那樣驚喜，也推薦一試