豬屋日本料理

Open Now

Now Closed

以前住大圍，今日收工返左舊居拎野，家姐又呼喚我。原來佢今日都去大圍做野，所以我又有得呃飯食，有姐的孩子像個寶~~~我地叫左黃金香芒三文魚加州卷（$53）賣相唔錯，你睇下我將佢打斜咁揸住都冇散開XD 三文魚片都幾厚且新鮮，配埋香甜芒果做成嘅加州卷，好味到我同家姐都爭住食~~~鹿兒島便當（$82）份量十足，我最愛當中煮得入味又軟綿綿嘅日式汁煮豬軟骨，而鐘意食刺身嘅家姐亦表示便當入面嘅細份刺身夠新鮮。伊賀便當（$71）日式蜜糖烤雞翼食落juicy，雞翼冇雪味。兩個便當都有咖喱飯，係日式甜咖喱，個汁好香濃！另外值得一讚嘅係，所有炸物都係即叫即炸，唔係預先炸完再翻熱！飲品方面，我地就叫左罐裝可樂同蜂蜜雪梨茶（跟餐叫各加$6）平平無奇嘅小店竟然水準咁高，糧尾比較手緊嘅朋友都可以食日式料理XD

賣相一流，整到好似花咁，重話係招牌卷黎。聽聞老闆精心選芒果，唔甜就唔賣。所以今次食到十分甜。三文魚絕對厚切，唔會將貨就價。侍應服務滿意。店鋪衛生情況可以。因去的時候非用餐時段，店裡人不是很多，有點靜。