髀魔-雞髀第一店 (福民路) (Closed)

「今天雞髀今天吃 明天減肥明天算」😈邪惡嘅金句印左係佢提供嘅手套+紙巾度😈引誘大家盡情食佢嘅雞髀🤤 大過我塊面嘅雞髀實在太吸引😍雖然佢最出名係黃金魔髀$45（鹹蛋黃醬）但係我麻麻地食鹹蛋黃隻味，所以最後揀左火焰魔髀$40（麻辣）🤤我隻火焰魔髀集「香、脆、辣」於一身🤤真係好想食先過相機😂不過咁大隻髀點都影下相留念啦😃仲同朋友分享埋經典魷魚鬚$38（椒鹽）😍 夠脆夠咸香‼️好想一個人食哂成兜‼️全部都新鮮滾熱辣炸起😍下次再去實試埋雞軟骨😍仲可以先whatsapp下單，唔洗排咁耐門口一張檯，夠兩個人撐檯腳

黎西貢碼頭搵食🥢搵到呢間藏身係冷巷中既魔脾👿下午茶時間吔炸脾，仲要黃金魔脾，成件事真係邪惡核心既內圍😈😈 週六下午，未有好多人等，落單後10分鐘唔到已經有貨拿👏👏小巷就無位你食架喇，舖頭亦提番排隊唔好阻住條街😏 走番出碼頭望海來咬🌊包裝已經顯出小店心思，紙盒有😃雕花，氹你高興，又可以透氣唔好變淋，仲要跟埋個紅色小包比你（開頭以為係辣粉🌶️🌶️） 入面有手套，紙巾，牙纖，真係想你所想🤗🤗魔脾先生賣相都正，表面一大堆金平均散落，皮都炸到金黃色🍗🍗 一啖咬落去，咸蛋黃既香氣強攻口腔，同呢家港珠澳大橋過關情勢一樣，成陣烤過既濃香，佔據晒每一吋雞皮😁😁 咬入到雞肉，下午茶時光既幸福湧上心頭💓💓皮炸得香脆下，肉汁既甜美仍然鎖住，入到骨都係咁，亦無生肉😃😃 成隻脾都真係堅大，食量細啲都完成吾到😓 小彈一下係，蛋黃咸香真係好搶，好快會有膩口感😕 40幾蚊價錢，平貴見仁見智，以小店既心思，我覺得價錢可接受

早兩日某報紙介紹這間在西貢新開的炸髀店，朋友見到報導都問我試過未。剛好今日早收工，就決定在回家前買一隻來做下午茶。店鋪很細小，不設堂食，只有外賣。考慮了一陣，都係決定試食佢的招牌菜-「黃金魔髀」。落單時職員提示要等10-15分鐘，反正我已經收左工，無咩所謂可以慢慢等。不過，我見佢有寫可以whatsapp落單然後自取，咁我下次都可以用這個服務，方便省時。炸髀的包裝都唔錯，用紙盒而唔係膠袋，唔怕焗住水氣令到雞髀淋晒。我拿住盒雞髀去搭小巴，花15分鐘才回到家，但隻雞髀望落去都無走樣，仲幾新鮮。雞髀的尺寸真係好大隻，很厚肉，表面撒了一些咸蛋黃醬，食的時候雞皮脆脆地又有咸蛋黃香味，係一個唔錯的配搭。雖然肉很厚，但雞髀炸得夠熟之餘又唔會乾柴柴，咬落啖啖都有肉汁，做得很好。「黃金魔髀」屬於係XL的炸髀，份量十足，很飽肚細食的女士，建議食「黃金髀」，都一樣係咸蛋黃醬炸髀，不過會細隻少許。