牧羊少年咖啡館 (Fashion Walk)

Open Now

Now Closed

滿月節當日早收，於是去咗牧少早少少食完晚餐然後先去四圍逛。當晚點了解黃金鹹蛋苦瓜忌廉雞肉意大利粉及慢煮BBQ醬美國豬仔骨配薯角，今餐著實有驚喜。意大利粉先上，個汁雖然有少少杰，但加埋鹹蛋嘅鹹同苦瓜嘅苦又變咗啱啱好喎，味道又適中都幾好食。豬仔骨後上，BBQ醬惹味，豬仔骨啲肉又唔黐骨，好容易就切到出嚟，味道認真不錯。結賬時，為每位客人送上一件望月流心月餅作為滿月節禮物，真夠窩心！謝謝店主心意， 大家記得支持本土小店！

之前喺唔同地方都幫襯過文青至愛嘅「牧羊少年咖啡館」，原來最近佢仲喺港島區插旗添⛳️。銅鑼灣店位於Fashion Walk商場地下層，即係喺正LOG-ON樓下。星期五晚上嚟到餐廳，預期中要等位先有得食。攞籌嘅方法係自行影低屏幕個預約頁面，到時再顯示比店員睇，慳返啲紙，係一個環保之舉♻️。題外話，呢度嘅店員幾好禮貌，特別係門口嗰位男士。餐廳座位唔算特別多，但感覺似有兩層，因為店內有樓梯級。呢度嘅裝修設計幾靚，行型格路線😎，但印上竹林圖案嘅牆身又帶點小清新嘅味道。由於唔太肚餓，所以就唔係嗌咗好多鹹食🍽。菜式選擇豐富，有沙律、小食、薄餅、意粉同肉扒等，定價算合理，但如果有提供套餐就更佳😬。留意返，有部份食物唔係全日供應㗎。黃金鹹蛋苦瓜忌廉雞肉意大利粉($98)，🍝意粉好大碟，熱辣辣送上。我揀呢款係貪佢夠特別，但出到嚟發現原來唔太啱我味蕾🙈。因為苦瓜偏甘苦，唔似涼伴嗰啲變清爽；而鹹蛋就有流沙嘅質感，但味道偏淡。整體略嫌唔夠鹹同笠身咗啲，不過口味嘅嘢因人而異，可能係我重口味吧😜。照燒汁煎乾蒜牛柳粒($78)，呢個小食一啲都唔小，粗略估計牛柳粒有超過廿粒！🐮牛柳粒配上照燒汁食勁夾，而且仲加埋炸蒜，真係惹

牧羊少年咖啡館 The Alchemist Café 📍 銅鑼灣記利佐治街11-19號Fashion Walk地下17號舖.牧羊少年咖啡館 @thealchemistcafehk 登陸港島銅鑼灣啦❗️佢哋係一間以旅遊為主題嘅咖啡店，亦於各分店推動「旅遊x漂書x未來的信」與文化相關嘅生活態度☺️最近新張開業，憑coupon可於5:30pm前堂食享有9折優惠~ Weekday Lunch Set跟餐湯及飲品，幾抵食😍 餐廳室內以灰tone為主，環境寬敞，坐得舒適👍🏻.🍝 黃金鹹蛋苦瓜忌廉雞肉意大利粉 Chicken & Bitter Gourd Spaghetti in Salted Egg Yolk & Cream Sauce $98: 估唔到呢個combination咁match，苦瓜口感爽脆，面頭有鹹蛋黃碎，鹹蛋嘅鹹香配上苦瓜嘅甘甜，意粉彈牙，配埋忌廉雞肉，食得岀creamy效果，必試👍🏻.🍕 千島香芒牛油果雞肉薄餅 Avocado, Mango, Chicken Pizza $138: 薄薄嘅pizza餅底，非常脆口，配上千島醬、雞肉、牛油果，份外惹味，加上香芒帶岀酸酸甜甜嘅效果，唔會