上野酵素麵包生活館

Open Now

Now Closed

🌱 竹碳亞麻籽乳酪包 $17⏩ 竹碳皮、亞麻籽、牛奶醬💯 評分：🌕🌕🌕🌕🌑 (4/5)💬 面頭有好多香濃嘅竹碳粉，亞麻籽脆卜卜，果仁味都夠重。乳酪餡口感一絲絲，食落甜而不膩，包包亦稱得上鬆軟。😋🍫 黑帝斯 $19⏩ 忌廉芝士、Oreo餅乾碎💯 評分：🌕🌕🌕🌕🌗 (4.5/5)💬 Oreo餅乾碎落得毫不手軟，酥脆嘅口感令層次豐富。加上香濃幼滑嘅忌廉芝士，足料程度每一啖都食到滿滿嘅內餡，包包亦做到外脆內軟。🤤🪵 臺灣神木 $22⏩ 竹碳麵包、朱古力、核桃💯 評分：🌕🌕🌕🌗🌑 (3.5/5)💬 竹碳麵包做成樹幹嘅造型，外層煙韌內裡軟熟。朱古力醬香味不俗夠濃郁，味道拍得住Nutella。核桃粒粒分明，質感爽脆有咬口，層次感相當之豐富。😍

好中意食佢個「玫瑰洛神」，所以會想試埋其他，一出開旺角都要特登行去太子買，之前試過幾款，但有一款一直未試，就係OREO麵包！！黑帝斯   $18同友人19:00後先去買，一齊買３件有85折～平幾蚊雞，咁夜去，所以得返最後一件！好期待，不過少少失望，同樣入面既餡都係cream cheese，同「玫瑰洛神」入面係一樣，雖然面頭同包底都有oreo碎，但唔夠多，冇乜食到oreo味，只係成口cream cheese，縱使佢個cream cheese係好正，但我會想食到多啲oreo！如果加oreo碎入個餡會正好多試過幾款，好似都係得「玫瑰洛神」係我會再幫襯既一款……

去親太子都會去上野酵素麵包生活館買麵包佢地既麵包仲加入酵素 令身體更好消化 食完都吾滯！款款麵包都各有特色，超吸引！我就最中意依個已經昇華做甜品既麵包 — 黑帝斯 $17聽個名就知霸氣兩大邪惡既組合Oreo 與 Cream cheese = 無敵完全係Oreo Cheesecake既麵包版雖然同玫瑰洛神一樣有滿滿既忌廉芝士，但佢比玫瑰洛神更得我心！已成為我心目中no.1既麵包!!!!太正喇除左個底係由Oreo整成，入面既cream cheese 都混合左Oreo!OMG一食就不能自拔！外脆內鬆軟既口感忌廉芝士仲要少少硬身，吾係軟淋淋個種真心推薦！必買！滿足曬中意食甜品又中意食麵包既人$17食到高質素麵包 好開心ah!!上野酵素麵包生活館 (太子)地址: 太子彌敦道785A號地下B