The Mafe Cafe (Closed)

旺角區的樓上CAFE多不勝數，裝修格調大同少異，一般都是以悠閒舒適為主，今日試了旺角彌敦道577號高氏大廈3樓的 The Mafe Cafe，感覺最具特色就是玻璃窗的剪影圖案，很美、很有藝術感。除玻璃窗外，餐牌上也印有剪影圖案。餐廳室內環境很舒適，放置了不少綠色小盆栽，另人心曠神怡，除美觀之外，更可以淨化空氣。2人點了兩個午市套餐，焗吞拿魚天使麵$58和黑松露意大利飯$$68，價錢合理，天使麵很細滑，吞拿魚份量也算多，味道適中，不會太咸；黑松露+野菌香氣四溢，飯夠焾身，忌廉汁令整個飯更加Creamy，超正。午市套餐包一杯$38飲品，若過$38只補差價。特濃朱古力原價$45，跟餐加$7。熱朱古力咖啡原價$44，跟餐加$6。甜品芝士蛋糕，跟餐加$28，芝士味道濃郁，質感厚實，美味！

今晚約左幾個朋友食飯，又要就腳又要好食，睇到The Mafe Cafe 啲食評唔錯就上嚟試試，首先地方都幾大，坐位闊落，有兩張各自坐10人的大枱，都見兩班人玩得好開心。可能係Cafe關係，所以飲品選擇超多，有成60款，我地揀左兩款熱飲兩款凍飲，花茶係成壺上，所以幾抵飲，一路傾計一路飲到尾。主菜叫左個黑松露意大利飯，好食又勁香黑松露味，忌廉味都無被搶，啲飯又唔會太稔，好食。日式黑椒牛柳飯賣相唔太吸引，感覺有啲中式，但味道好好食，入哂味，加上牛柳粒又大粒又有肉味，個個都大讚估唔正咁好食。煙三文魚天使麵，個煙三文魚砌到好似朶玫瑰花咁好靚，食落仲有好多磨菇，好食。另外意粉又點少得卡邦尼意粉呢…忌廉好滑又香濃，仲有大量煙肉碎。小食嗌左個炸洋蔥圈，好食又唔油膩，不錯。最後甜品嗌左朱古力心太軟配自選雪糕，心太軟用心製作，用左30分鐘，心太軟外脆內軟朱古力漿緩緩流出，唔甜好食。

與幾位友人在西洋菜街血拼完畢, 因為有未完的話題, 唔想逼係女人街D 小鋪坐唔得耐, 就過左黎高氏大廈轉戰樓上cafe, 而Mafe Cafe 係我第一次黎。第一次黎感覺都幾溫馨, 尤其係果幾張大梳化, 如果多D friends 黎坐到果張好似大爺gam 坐係到嘆住食都幾梳孚~食物方面, 初頭以為cafe的食物只係普普通通, 但食食下發覺其實都幾唔錯吃, 係有誠意的~~前菜, 我們叫左個凱撒沙律($88, 連飲品)。雖然Cafe 可能番貨量唔多, 但羅馬生菜仍然係新鮮爽脆的, 麵包粒、煙肉粒和巴馬臣芝士份量也足, 唯一美中不足的是: 蕃茄不應放在凱撒沙律裡。另外又叫了特色拼盤($78)特色拼盤來到時, 第一眼感覺餐人回到以前兒時開party , 很開心~裡頭食物種類很多, 有薯角, 雞翼, 蟹子丸, 炸魚, 炸春卷, 咖哩角,每款也有3數件, 並配上蕃茄醬和沙律醬, 讓人不知不覺一口又一口的吃,真的很香口啊~~主食我們叫了黑松露意大利飯($108)連飲品, 這意大利飯飯的軟硬度適中, 不過硬不過軟, OK,而黑松露味也夠香, 讓人感覺滿足飲品方面我們叫了花茶, 是薰衣草+茉莉+檸檬馬b

約朋友去cafe我鍾意約地點方便、服務好、食物好食，仲有一點好重要，要坐得舒服唔好太嘈！呢間新開MAFE Cafe就符合以上幾點！首先，呢度位於旺角地鐵出口，方便到爆！而且呢度夠光猛，用白色為主調，有情調又乾淨！呢度仲有幾張大檯，鍾意一班人gathering就最適合！而且呢度好多game玩，裝到全個櫃都係啊! 去cafe食飯，通常人多，經常出現食物唔夠，但呢度食物超大件，份量充足！我男朋友見到個芝士焗薯條超級興奮！芝士粉超級多，拉絲薯條超好食！而我對呢個黑松錄意大利飯情有獨鍾。意大利飯要淋得黎有口感先最好食…呢度做得唔錯，口感好好！呢個顏色豐富嘅日式黑椒牛柳粒飯成功取得男朋友歡心！未食已經比顏色吸引喇！三色椒好睇又好食！牛柳超級嫩，無根而且真材實料，超多牛柳啊！甜品食心太軟真係無得輸，大家一定要叫！一切開就好似火山熔岩流出來一樣，而且係熱架！配合朱古力雪糕去食，有冰火感覺~ 我一個人獨享！食物質素唔錯，價錢合理，朋友聚會一流！