Little Mario's Pizzeria (駱駝漆大廈) (Closed)

觀塘工廈有一家外賣的PIZZA店，不過都有堂食。想飲咩都可以自己拎*意式煙燻火腿沙律 ($70)沙律菜新鮮爽脆，中間夾雜少量的火箭菜；有幾片巴馬火腿，再灑上了芝士碎；油醋另上，自行添加。*雞翼 ($65)雞翼帶點微微辣；外表不算脆，但煮得頗入味的。*黑松露意粉($80)黑松露很香，意粉熟度適中，不過不失。*Margarita fungi prosciutto pizza 8" ($80)薄批底，所以不會太飽濟；配料有磨菇、巴馬火腿和芝士，份量很充足，味道不會太咸；夠熱，有拉絲效果。

今日和朋友去觀塘工廈區食pizza。這間餐廳是半自助形式，客人要去收銀處點餐和付款。我和朋友點了2人餐，有薄餅，然後可配意粉或沙律，送飲品。我點了夏威夷薄餅，有火腿，菠蘿，蒜蓉，莫扎里拉芝士。比我想像中好吃，它的餅底很薄身，正好合我口味，芝士很香濃，很夠芝士味，菠蘿和火腿的份量也是剛剛好，而薄餅送上來時還是熱的，不錯。這個薄餅雖然份量多，有14寸，但完全不會覺得很溜，也不會很油，挺好吃。黑松露意粉則比較普通，沒什麼特別，有點油。不過這間畢竟是薄餅專門店，所以對意粉的要求也不會那麼高啦。但由於簿餅已經是麵粉做的了，所以或者較細食的朋友選配沙律會比較好。飲品可以自己直接去取2人餐總共188，有一個14寸薄餅，一個意粉或沙律，再加2樽飲品，都幾抵食。

同朋友兩個人去，嗌咗個二人餐（$188）。個夏威夷pizza好大份，我唔係pizza迷都覺得好好食，塊皮好簿，唔脆，我鍾意d pizza塊皮唔咁脆，如果唔係好熱氣。香濃嘅芝士味（厚芝士）、酸酸甜甜（又唔會太酸）既茄汁，味道岩岩好，我同朋友食晒個pizza 😋至於意粉，味道較淡，但都有好香黑松露味，個汁都唔會太漏。不過黎呢度主要都係為左食個pizza😂😏野飲揀左罐有汽果汁，幾特別～餐廳位於工廈入面，星期六晚上去差唔多坐滿晒，食完仲可以係幢大廈行街消化～如果有個鍾意食pizza嘅朋友我絕對會帶佢嚟呢間食！

好耐都無嚟到觀塘既工廈搵食，呢邊既餐廳小店真係愈開愈多，因為要去駱駝漆買嘢先會行到上嚟，咁啱買完就見呢間，環境好似幾舒服咁，再望埋出面既menu見都唔太貴就二話不說入去食。我地兩個人見兩人餐都係$188，晚餐計返都唔洗$100一個人，就叫咗呢個餐嚟食，兩人餐係包一個14吋既大Pizza、一個意粉/沙律同兩個汽水。佢地既pizza都有好多選擇，第一次嚟食就保守啲叫咗個「Meat肉」款嚟試，嚟到先發現原來pizza係咁大塊，一塊已經好大，成個14吋pizza仲可以分到8份。佢既用薄既餅底，我自己比較鐘意呢種餅底，好容易食同唔會太搶pizza本身既味道，芝士都好多而且配料都好香。而另一樣我地就揀咗一個黑松露意粉，佢既黑松露真係非常之香，微微靠近啲味已經聞到，食落去啲黑松露味都好勁。最後飲品我地就揀咗呢隻第一次見到果汁，朋友揀咗雜莓味，而我就叫咗青提子味，因為本身就好鐘意有汽既果汁，而睇返佢既成份更加係寫無糖無加工，飲落去既水果味都好重。朋友都好鐘意呢間舖頭，話下次都要再嚟，睇返佢menu見佢都有做外賣服務，係觀塘返工既朋友都可以試下！