一心素食 (Closed)

我諗呢一間素食店，我應該已經嚟過10次以上，今次係第一次的起心肝幫佢寫個食評。因為地點真係幾方便，屋企人鍾意食素，再加上佢質素穩定，所以已經成為我家族聚餐嘅飯堂。今次叫咗幾樣野，有賽螃蟹，咖喱牛腩煲，枝竹羊腩煲，一個唔知乜嘢芝士焗飯同埋黑松露秋葵炒蛋。呢間野令我覺得最神奇嘅係佢嘅分子料理，點解明明食落去同睇落去都似係一舊肉，但係其實佢又唔係一舊肉呢。每一次嚟呢間嘢食我都覺得好神奇，喺度諗究竟佢係點樣煉成呢一舊肉架呢。個賽螃蟹幾好食，但係好可惜因為佢嘅味道比較清淡，然後上菜嘅次序係上咗啲濃味嘅嘢先跟住先至出現呢一疊野，結果大家都唔係太食到佢乜嘢味，可惜。芝士焗飯上面有塊唔知乜嘢肉，係我屋企人叫既。果舊肉咁嘅嘢甜甜地都幾好食。每次埋單人頭計都係幾十蚊，可以食到好飽。啲嘢都幾好食。如果屋企有老人家嘅話，不妨一試。

觀塘一心經常去，幾味小菜係必食。今日約到6個好友, 可以試埋佢地嘅藥膳火鍋，好開心。先試一啖湯底，藥材很濃，好過之前喺D2食果間好多。其實之前我地都喺一心打過邊爐, 但記得蔬菜盤都係普通菜同埋素丸豆腐，呢碟野來到，我地全部都呆左一陣好多好奇怪嘅菇類，例如好似珊瑚咁樣嘅鹿茸菇，又有一舊鮮黃色嘅黃耳菇等等，好多見都未見過，雖然食落未必鍾意，但都好新奇，好多質地都唔係想像咁樣，得意。雖然係二人份, 但份量都足, 6個人, 加左5個小菜，同埋兩碟金菇、窩筍，就食到飽飽。除左火鍋，當然唔少得我地嘅幾款至愛小菜黑松露秋葵炒蛋，本身鍾意食秋葵，原來同蛋都好夾。蛋就未必次次都炒得咁靚，要睇師傅心情茄子猴頭菇，濃味撈飯之選咕嚕肉, 好味, 真係好鬼似, 完全唔覺自己食緊齋，除左菠蘿，原來仲有哈蜜瓜，驚喜黃金蝦，咸蛋黃咸香適中，又係正野。炸3菇，呢樣就普通啲，配沙律醬，個醬超酸，同埋冇喼汁加左3個飯同6杯野飲，埋單6百零蚊，OK啦