Zappy (Closed)

同朋友慶祝生日，特登揀咗佢偏好的西餐，最後揀咗呢間樓上cafe。一入去已經覺得餐廳好有情調了，地方雖然唔似普通西餐廳咁大，但係氣氛絕對比得上。餐牌有廚師推介，雖然得兩個女仔，但係我哋怕西餐會比較細碟，所以專登叫多個前菜。我哋叫咗個海膽醬牛油果蟹肉意大利麵，檸檬忌廉汁大蝦意大利麵，前菜就叫咗黑松露煙燻蟹肉三文魚卷。等左大約10分鐘到，上左黑松露煙燻蟹肉三文魚卷，賣相好精緻，入面嘅蟹肉撈左醬，食落好似蟹肉沙律，配煙燻三文魚食味道又幾夾，凍食做前菜都幾開胃。至於海膽醬牛油果蟹肉意大利麵，初嘗海膽醬同牛油果呢個配搭，感覺幾新鮮。一上菜就已經聞到好香濃嘅海膽醬味，意粉粗幼適中，而且煮得啱啱好唔會太硬，食落都有啖啖蟹肉，加咗牛油果有分清新嘅感覺，呢道菜幾好食，令我甚為驚喜。大約15分鐘後，檸檬忌廉汁大蝦意大利麵上菜，大蝦份量好多，忌廉汁都多，可以做到一啖大蝦一啖意大利麵，感覺滿足。而且忌廉汁帶有少許檸檬味，唔會太酸，都幾清新。原來麵嘅數量都唔少，我哋兩個女仔食三碟菜都已經好飽。我哋冇叫野飲，不過呢度嘅侍應好好，會不停幫我地加暖水。👍

這橦大廈很多間餐廳已試過了，今晚來試試這間。多間餐廳集中在一橦大廈確實很方便，唯一complaint是每次等lift都大排長龍。門面非常colourful，未到聖誕已見聖誕花，濃濃的節日色彩。入到餐廳環境預我想像的不同，原以為是colourful的cafe style，原來是走黑灰優雅西餐廳路線，餐廳八成滿，頗熱鬧。Menu: 今晚的我們都不太肚餓，想傾計多過想食，所以少少的只點了一個前菜一個主菜。點了:黑松露蟹肉煙燻三文魚卷 $98黑松露蟹肉意大利燉飯 $168黑松露蟹肉煙燻三文魚卷 $98 賣相精緻，一上枱我們都輕輕驚嘆了一聲。單看賣相就非常吸引，沒想到這裡serve的這樣高質！挾了一件放入口，滿滿驚喜！煙燻三文魚鮮味濃郁，吃很出黑松露獨有的香氣！最有驚喜的是饟在裡面的蟹肉，份量十足，鮮味充斥著整個口腔，大有驚喜，推介！黑松露蟹肉意大利燉飯 $168吃完前菜後我們的期望變得很高，等了一會主菜才上枱。味道是好吃的，燉飯濃郁，濃淡適宜，口感稠密得來不會過膩，剛剛好！驚喜相對沒有前菜的多，不過我們還是一下子就吃清光。😂今晚這餐給我們頗多驚喜，環境舒適食物有質素，適合三五知己來這裡聊天。

姊妹淘飯聚，今晚又一齊試新野❤️之前黎開附近食飯，見到百樂中心成棟都係餐廳，今次就係OP search下，揾到呢間西餐廳。早放工的鳥兒有蟲吃，我地比較早去到餐廳，環境靜靜地，加上裝修得好有情調，可以舒舒服服咁傾下計。來一個黑松露主題之夜🍴Starter揀左黑松露蟹肉煙燻三文魚卷～綿綿的三文魚包著啖啖濃郁鮮味的蟹腳肉，配埋沾有意大利醋的沙律菜，成個配搭好正。肉和菜的比例適中～對於Risotto控的我，來到一個新餐廳，當然要試下Risotto啦！一於試下黑松露蟹肉意大利燉飯☺️原先以為只係得蟹肉配意大利飯啦，點知一上枱發現個意大利配有好多菇架🍄食落啖啖菇同蟹肉～～個人黎講鍾意較硬身嘅飯，但朋友就鍾意較為軟綿綿嘅飯身。今次個飯就岩哂朋友仔口味啦！之後個燒銀鱈魚芥末籽乳酪醬汁，一定要俾5個Like滿分呀👍🏻👍🏻👍🏻👍🏻👍🏻魚肉好嫩滑、剛剛熟，魚皮煎到脆卜卜，配上非常醒胃的乳酪汁，完全將魚的鮮味提升到淋漓盡致。2個人其實已經食飽架啦～但你知啦，女仔有2個胃架ma，而家就開動另一個胃食甜品😋一人揀左一件cake🤣芒果千層蛋糕🍰&雲尼拿千層蛋糕～芒果味有唔少果肉，甜而不膩！雲尼拿味十分香滑😍餐廳雖然身處