Fifty Fifty (Closed)

同男友拍拖四週年紀念日，見Fifty fifty都幾多好評，就一於試吓。我係即日OpenRice訂枱既，㩒完之後幾分鐘就收到電話同我確認訂枱，仲好細心問需唔需要喺甜品度寫字，好有效率兼有心！我地當晚準時去到，都有7成滿座。我揀咗近門口既枱，貪佢有幅紅磚牆影相靚D我地覺得食物水準都好好，服務亦不錯，侍應哥哥好熱心幫我地影相。最後埋單亦只係3百幾蚊，見到張單既時候我呆咗，兩個套餐再加錢轉埋飲品、甜品寫埋字、食物好食，都只係呢個價錢總括來說，真係好推介呢間餐廳！希望小店加油！

今日嚟到長沙灣搵好食！見到呢間fifty fifty咁多人推介就嚟試一試😋平日晚上嚟到都唔少人，好彩有book枱，兩個人佢比咗四人枱我哋，夠晒闊落、亦有空間同朋友傾計。叫咗一個香煎鵝肝雜菌意大利飯，鵝肝整得啱啱好，好香好滑，加上入味嘅意大利飯，出色！另一個主菜就係黑松露醬日本帶子野菌天使麵，有兩塊大帶子，有多黑松露，好香口😇小食叫咗蜜糖單骨雞翼，份量多，烤得好甜！其中一個主菜跟咗set，加錢轉咗飲品同甜品，飲品係茉莉花茶，甜品就叫咗甜品四重奏。甜品一碟有晒芝士蛋糕、tiramisu、泡芙同埋芝麻雪糕，一次過有咁多甜品好滿足！同朋友食到捧住個肚，每人埋單$200又坐得舒服！

約左朋友去長沙灣買野~完成任務之後就要搵食😝行下行下發現左一間係小街中嘅西餐, 比佢嘅裝飾吸引住😛門口除左一棵大大嘅聖誕樹同大雪人之外~裡面都充滿聖誕氣氛, 要唱下: 又到聖誕~🎅餐單方面, 有沙律, 小食, 肉類, 魚, 意大利飯意粉同甜品~仲有酒類同咖啡或冇酒精飲品選擇都好多, 而我地就每人叫左一道主茶再加個餐~先黎左餐湯, 餐湯係蔬菜海鮮湯, 微微嘅酸味令人開胃, 份量又剛剛好主菜黎啦~炭燒美國安格斯西冷扒(5成熟), 有時出街食扒最怕 overcook, 而呢度絕對唔會, 外面燒得剛剛好而裡面又鎖住肉汁! 肉夠厚, 份量十足! 薯條亦都好香脆同沙律配合好好食❤之後係另一個主菜黑松露醬日本帶子野菌天使麵, 一上菜, 就飄黎好香濃嘅黑松露味~野菌又好多, 唔同種類味道好豐富~帶子亦都好鮮, 完全冇雪味! 非常好~飲品另外加錢要左焦糖咖啡, 就算係焦糖都唔會太甜, 非常好❤而另外加錢嘅薄脆朱古力好有驚喜, 唔單止唔會太甜, 濃濃嘅朱古力味令人忍唔住一飲再飲最後係甜品, 個餐本身有是日蛋糕, 今日係朱古力芝士餅, 又滑又有朱古力香味😍而且隻碟好靚😂另一件係加左5蚊食嘅 Tiramisu

星期一的晚上，同一班教會好友聚舊食飯。預先在 openrice訂枱有沙律送。送嘅沙律算大碟，酸酸甜甜，好好味，蔬菜好新鮮爽口，阿女最鍾意食車厘茄。加 $20可轉套餐包餐湯，餐飲同甜品，好抵。所以我們全部轉套餐。餐湯忌廉雜菜湯，好飲。跟餐甜品係芒果芝士蛋糕，芝士同忌廉味超香濃，口感幼滑，原先以為芒果放面，原來將芒果切粒，混喺蛋糕中間，幾特別！另外，跟餐加 $8可以加多一碟齋意粉或飯，若果胃口大嘅朋友就啱晒😁我們叫了五個主菜，兩個黑松露醬日本帶子野菌天使麵，一個炭燒阿根廷天使粉紅蝦闊條麵，一個法式油封鴨髀配焦糖熱情果汁，一個法式燒春雞配巴黎牛油汁。法式春雞一般，煮嘅時間太長，雞肉太老，難入囗。醬汁平平，無特別。但加左少許鬼佬豆苗同紅椒，賣相算 ok。$108當喺個 menu見到天使麵，我其中兩個朋友好開心，話宜家越黎越少餐廳可以食到天使麵，又真係幾好食！麵身幼，易入口，兼彈牙。日本帶子有幾粒，兩粒大，幾粒細，鮮甜彈牙，配埋黑松露醬，真係好正！$108天使粉紅蝦闊條麵賣相好靚，兩隻炭燒蝦新鮮，亦好有 BBQ味道😋闊條麵軟硬度剛好！醬汁香濃，好 creamy! $108最好食係鴨髀，髀肉很嫩，