孖啡

Open Now

Now Closed

平時多數都係行街食飯有d悶⋯專登揀間cafe有得食吓玩吓開心d😌依座大廈都幾多cafe選擇最後揀咗依間貪佢評價幾高嘅熱店潮聖😎餐廳分咗兩邊，我哋被安排到另一邊坐。依邊有電視，地方比較大，而且當時冇乜人，變相我哋包場咁😝有好多唔同種類嘅桌遊玩，唔錯。不過可能地方大職員少，想落單都要行去櫃檯講先有人埋嚟⋯食物質素味道都好好，相對價錢嚟講略嫌份量細咗d😅蜜桃梳打⭐️⭐️⭐️朱古力咖啡⭐️⭐️⭐️⭐️黑松露野菌意大利飯⭐️⭐️⭐️⭐️⭐️香蒜白酒蜆意粉⭐️⭐️⭐️⭐️⭐️

因為想坐低慢慢傾吓計 所以就去咗呢間樓上Cafe🥳雖然環境唔算好靚 但都幾靜坐得都舒服😌仲提供好多board game可以玩😎食物質素都唔錯 又抵食 嚟消磨吓時間都好😝.📌全日早餐 $88平時啲ADB閑閑哋都要一百蚊 呢到都幾抵食🤑雖然價錢平 但都好豐富🤩有牛角酥, 薯餅, 煙三文魚, 炒蛋, 茄汁焗豆, 沙律同好少見嘅兵加腸👀兵加腸其實就係香草豬肉腸 皮脆 肉味都幾濃🌿薯餅炸得好脆卜卜👅牛角酥就麻麻地 淋晒 不過好重牛油味🧈炒蛋好大份 但係就唔算好滑🥺真係勝在佢夠大份 可以滿足吓食ADB嘅心💓.📌煙三文魚意大利烘包 $74呢個真係推介‼️好少食到啲包係烘得咁脆🤩外皮硬脆 但食落唔乾 入面又鬆軟 係我鐘鍾意食包嘅口感❤️個包仲有搽到牛油 所以好香 就咁食包都得🍞內餡係煙三文魚,番茄,青瓜同少少沙律菜🥗個三文魚好厚切 仲有幾多塊吓 咬落去啖啖肉😍再配埋啲蔬菜都幾fresh🥬估唔到佢仲跟沙律同薯條🍟薯條擺咗好耐都仲keep到好脆 完全冇變淋到🤤佢係外脆入面係薯蓉嘅薯條 我都好鍾意🥰.📌黑松露野菌意大利飯 $80Risotto都好好食😋黑松露味好濃 再加埋啲芝士一齊食都唔會蓋過到佢嘅味 仲多咗陣

經OpenRice訂位，一開始話「主餐牌五折」，點知原來lunch set嗰啲全部冇折，係要嗌嘢飲(用原價)，再嗌其他嘢食先有半價，但訂位嘅時候冇講清楚，感覺俾人呃咗上去咁😓最後都係用正價嗌lunch set抵啲，要咗個黑松露野菌意大利飯，個賣相唔係好OK，望落去都.....😓味道就還好嘅，不過好快就食濟(平時食量都正常，今日仲要冇食早餐過去)。個餐仲有一杯嘢飲跟，同朋友嗌左一杯蜂蜜綠茶同埋蜜桃紅茶，飲落去個味同維他嘅蜂蜜綠茶同埋蜜桃茶一模一樣，但呢杯嘢飲單嗌都要$38😵，細Cafe價錢貴啲可以理解嘅，但個味道我覺得可以再做好啲最唔滿意其實係個環境😷可能我坐窗邊位啦，開左窗，由坐低嗰刻開始一路見到好多塵飄下飄下，紙巾盒上面全部都係塵(可能唔係塵，因為一粒粒白色嘅，但一定唔係乾淨野)😷😷本來諗住上去坐下做吓嘢，但一坐低發現座位附近冇插座，所以都係食完野就走。🤦🏻‍♀️體驗麻麻但人均消費都要$88，要我再嚟呢間cafe，不了😵

班朋友Book 咗Cafe 見面，孖啡近住油麻地 ☕高氏大樓有好多餐廳 到地下見到有人龍等上去入到去餐廳都幾大同好多boardgame🎮，不過傾計有啲辛苦，人太多同枱同枱之間都算幾近，有環迴立體聲，有啲嘈難傾計嗌咗幾個set，款式唔算太多份量全部都比較細份，黑松露野菌意大利飯🍴Risotto 唔算太硬身，入口有陣黑松露野菌好細粒軟殼蟹黑松露意粉黑松露今次配意粉，有原隻軟殼蟹再配少少沙律菜黑松露意粉同Risotto 接近一樣味道意粉幾爽口充滿黑松露味芝士吞拿魚天使麵整碟都充滿芝士同白汁，吞拿魚舖面整個天使麵上，焗完有少少焦面都幾好食食落有啲膩卡邦尼煙肉意粉個意粉Creamy，每一條意粉都充滿芝士同白汁，味道偏咸鮮茄焗豬扒飯好大塊豬扒同芝士舖左喺面，焗得有少少焦面肉質比較軟身，正常嘅焗豬面頭好多芝士，豬扒用冇骨的還碎上。肉質比較軟身，茄汁普通飯沒有炒底(即炒飯)黑松露薯條薯條有茄汁之餘仲有黑松露醬都算炸得幾脆同夠熱自己叫左Rose Latte，味道偏甜但都有少少玫瑰嘅香味整體食物款式唔算多，味道都正常如玩boardgame 都可以一試，不過如想要靜啲環境傾計就未切咁啱 🙈

最怕食飯嘅時候要急急忙咁趕住走，人大個咗之後每一次與朋友相聚都是難得的時刻，所以間中都會比較喜歡去幫襯一些樓上鋪，人流唔算太多又可以同朋友傾計傾得耐啲。今次去到位於油麻地地鐵站附近的「孖啡」，三個女仔點左三道菜式：-魚柳意大利拱包-卡邦尼意粉🍝-黑松露野菌意大利飯飲品：榛子Latte 、泡沫咖啡☕️、鹹柑橘蜜三道菜味道都唔錯，魚柳意大利拱包感覺健康，雖然有好多炸薯條但係又有沙律菜平衡返個營養金字塔，卡邦尼意粉和黑松露野菌意大利飯不過不失。餐廳內還有一些小遊戲借用，一大班朋友上去都唔怕悶。 碰啱我哋嚟到嘅時候做緊個別半價優惠，成為$289 三位😁

到旺角接朋友下班 順道吃個便飯 想聊聊天 便找到這間樓上cafe 需要走幾步樓梯才到電梯位當日人不多 環境燈光昏暗 氣氛不錯 有最低消費為每人一杯飲料/食品《黑松露野菌意大利飯》這意大利飯十分稠杰 黑松露味亦十分濃郁 是喜愛的煮法 野菌亦挺多的 吃完挺有飽肚感不錯《薄荷朱古力》跟餐補差價（本身包$38或以下飲料）表面空氣感滿分的奶油 加上糖醬 十分邪惡 當中的朱古力味都充滿了薄荷味 挺好的最後個人消費了$140 聊了幾小時 不催趕 感覺舒服

見openrice人氣不錯就來試試! 首先，如果你選擇到cafe和朋友聚聚或開小會議，就當然希望他們不限時任你坐，星期五我們坐了3個多小時都沒有趕我們走，所以這一點他們能夠滿足你。我們3個女仔點了3個餐，但都食唔曬，黑松露野菌意大利飯是必嗌的，不過建議和朋友share一齊食，佢雖然好好食，但非常邪惡及油膩，本來喉嚨較弱者就不要一個人吃一碟了!小食方便其實都很不錯，都生鮮炸起，碟碟都熱辣辣上檯! 龍虾湯是全晚最失望的一道菜，苦味，飲完仲有好口乾!至於飲品，點了 兩壺花茶和一杯隱者，都是普通野就唔多說了。

店名好得意，孖住喝咖啡， 諧音又似嗎啡，見openrice 訂座主菜半價，所以相约友人去食，樓上店裝修得不錯，牆身貼滿貼纸， 閨蜜聚腳打卡一流，店内亦有不同board game 以供遊玩，我今次無玩而已。食物方面，黑松露野菌意大利飯口感一流，軟度適中，不油膩，黑松露味濃，最欣賞是飯面的芝士，攪伴後芝士溶化，味道更香更美味。蒜香白酒硯肉意粉餸料超多，多過意粉，硯肉鲜味，沒有沙，意粉乾濕度適中。我叫了果茶和花茶各一壺，我比較喜歡花茶，因有薰衣草和馬鞭草，不是用普通玖瑰，沖了幾次都仲有味，果茶就不可以了。服務都算不錯，只是人多就會嘈D，不過無問題，朋友聚會就是要講嘢㗎啦，因為嘈，講是非都無人聽到

約左朋友打機，當然要搵間靜靜地又要坐得舒服既樓上cafe，依間之前去過位置都幾方便，係正信和對面馬路，啱晒行到攰攰地就上去食小小野加打下機輕鬆下。叫咗個set，黑松露野菌意大利飯連嘢飲，另外再加多$18配埋龍蝦湯。龍蝦湯，賣相有心思，有個忌廉拉花同香草伴碟，亦都比我想像中大碗。口味濃郁，淡淡既龍蝦味，足料！黑松露野菌意大利飯，個飯有好濃郁既忌廉味，濕濕地易入口，粒粒意大利飯有口感，食完夠飽肚！另外叫多咗個小食拼盤，有雞翼、薯角、春卷、炸魷魚圈、炸洋蔥圈，份量好大碟兩個人真係食唔晒。新鮮炸起熱辣辣，食乜都好食。價錢都算合理。飲品方面，叫咗杯好特別嘅飲品—節制，顏色係紅黃藍嘅漸變色，好靚。原來係西柚汁溝菠蘿汁，有氣得來酸酸甜甜好開胃，配埋唔同顏色嘅椰果喺底，夠晒吸睛搶眼呀。其他飲品名同賣相都好特別，下次有機會要試下其他。溫馨提示！原來繁忙時間每位客人嘅最低消費係需要叫一杯飲品，不論大家有冇叫嘢食，依樣大家要留意番！雖然食物款式唔多，但勝在有個地方可以舒舒服服咁打下機，玩下board game。辛苦搵埋自在食，忙碌工作中也要放鬆下！

龍蝦湯($18)(加配價)熱辣辣，充滿濃濃既龍蝦味。(個人口味: 3.1/5)黑松露野菌意大利飯($80)意大利飯剛剛煮起，撈勻d飯後，幾片芝士馬上溶左，形成拉絲狀態，望落非常吸引。雖然拉絲，但食落唔係好覺有芝士味，如果有多d芝士就更好(或者一片片芝士咁食會濃味d?)。意大利飯既軟硬程度剛剛好，好creamy，黑松露味都好香，唯野菌份量相對地少。(個人口味: 3.2/5)香蒜白酒蜆意大利粉($74)蜆有1X隻，幾有蜆味。意粉無乜汁，有少少乾，食到最底有d汁撈埋就好食d。蒜味可以再勁d。(個人口味: 3.7/5)泡沫咖啡(補$6差價)咖啡唔夠熱，味道一般。(個人口味: 3.3/5)蜂蜜綠茶味道偏淡，好少蜂蜜，唔太岩我口味。(個人口味: 2.9/5)整體而言，環境都幾闊落，坐得舒服，食物屬正常水準。lunch時間唔算好嘈，都適合同朋友聚會傾計(如果lunch免加一會更吸引)。午市同晚餐既餐牌係一樣，但價錢相差$2X-3X，未必會幫襯晚市。

每一區都有自己的特色，而旺角則有很多樓上cafe，自己也去過數間，主要是給年輕一輩的客人聚會，又可以玩玩board game，確實是不錯的聚會地方。在旺角有一座大廈叫高氏大樓，很久之前已經去過，還未翻新前是一座很舊的大廈，還用要自己推門的那種升降機，給今看來外型美觀好了很多。裡面的環境就是一般的cafe，快將新年，餐廳更添加了燈籠作裝飾。要不是去洗手間，也沒有發現到原來餐廳還有另外一邊的area，那邊比第一張圖那邊少很多人，安靜得多。餐廳亦提供少量的board game。Dinner set的價錢算是正常，由最便宜的$88-最昂貴的$138，有些cafe也許最便宜的菜式都需要百多元，所以這間的價錢算是合理，最後和朋友分別點了兩個set。小食的價錢倒是昂貴一點。首先來了一個卡邦尼煙肉意大利粉，有數片芝士片和生菜在上面作為點綴，吃卡邦尼的時候配上一些芝士片更為芝味。意粉裡有很多煙肉，煙肉偏向厚身，而且比一般的大片，不是碎碎的。意粉有很豐富的忌廉味，質感稠身，但由於缺乏汁水，有點兒過於稠身，即不夠水潤。另外點了一個黑松露野菌意大利飯，外型並不討好，像是泥漿摔角😂 但味道原來不錯。黑松露味十分

講到旺角樓上cafe真係好多，呢間都算就腳又好坐晚既樓上cafe，而且食物質素幾好。裝潢以黑色為主，窗口有剪影裝飾。餐廳有提供boardgame，仲有電視睇，hea又的，傾計玩下又得。其中套餐比較吸引，有主菜同飲品，還可加錢有湯、蛋糕、甜品等等。龍蝦汁海鮮天使麵，上菜時已傳來香味，顏色也吸引，有青口、蝦、魷魚......蝦肉好爽口彈牙，也比一般餐廳的較大隻，好味魷魚亦同樣彈牙。天使麵掛滿醬汁，順滑口感好，幼細的麵條煮得剛好，不會糊且條條分明，龍蝦汁味道濃郁也添加鮮味，整碟意粉都做得好好。黑松露野菌意大利飯，又係香噴噴的味道，呢款更濃更香，因為有黑松露，加上意大利飯夠熱，令松露味更能發揮，散發香味。好creamy的醬汁煮成的意大利飯，入口軟綿，較適合港人口味，野菌份量都幾多，同飯的質感好夾，個飯食完都幾飽，所以別少看份量。我的士多啤梨乳酪味道清新，酸中帶甜的生果香同乳酪味，厚滑泡沫綿綿，飲完唔膩。蜂蜜綠茶味道令人回味，好耐無飲的台式飲品，最近都係珍奶的世代，難得清爽又溫和的味道。芝士蛋糕 $28，花心思用朱古力醬裝飾，好開心。芝士蛋糕質感鬆軟得來幾實在，滑溜濃郁的芝士蛋糕，唔算輕盈，但亦

朋友用左openrice book位, 好方便!去到感覺環境都幾寬闊, 座位都坐得幾舒服.有D 2-3人既卡位, 亦有岩大group朋友既座位~餐廳入面已經有D聖誕佈置~黑松露野菌意大利飯意大利飯口感OK~ 個汁都唔錯, 唔會太膩~芝士焗吞拿魚天使麵面頭佈滿芝士! 而且都有好多吞拿魚鬆.蒜香雞翼雞翼控朋友大讚! 雞翼外皮好脆, 而且唔會太乾.帶有D蒜粒, 好香!薯條份量OK, 而且都夠咸.野飲方面叫左個花茶同杯熱薑蜜~天氣凍左, 飲返D熱野個人舒服哂~

今晚同一班朋友黎到呢間位於旺角鬧市既樓上Cafe，地點非常易找，就係潮流特區的斜對面!預先已經係Openrice訂左位，亦有職員會係食飯當日電話confirm。我們大概7點左右就到Cafe，5個人安排了卡位位置。Cafe除左有電視可以睇，仲有不同的棋類俾大家隨便拎黎玩!我們點了dinner set同埋小食!dinner set包一杯$38的飲品，不過我地全部最後都補錢飲其他野!月亮，是荔枝菠蘿味的沙冰，不過荔枝味較重，不會好甜!審判，這款有青蘋果、菠蘿、檸檬及薄荷味的沙冰，可能太多種味道了，所以飲落個味有點怪，同埋比起月亮較甜!芝士焗薯條，薯條有一些溶了的芝士係面，外脆內軟，鹽度適中，是一個不錯的小食!黑松露野菌意大利飯，黑松露味都幾濃，意大利飯不會太稀，而且上菜時還是熱辣辣的!軟殼蟹黑松露意粉，軟殼蟹脆卜卜，不會太油!意粉應該是炒過的，有點碎，黑松露味唔出，但因為有炒過，所以是有味的!總括黎講，侍應服務都不錯，一叫即到，環境都算舒適，而且不會趕你走，可以慢慢同朋友傾計玩game!食物味道都OK，下次應該會揀party set黎食，好似感覺抵D，因為飲品任飲!係同朋友聚會的不錯選擇!

好友聽到我上次在double cafe食左個好味心太軟, 便嚷著要我陪她再去一次! 第二次吃, 依舊好吃, 皮薄脆, 朱古力漿瀑布式流出, 味道沒有過甜, 卻有濃巧克力味, 正! 完全是視嗅味覺的享受! 我們點了兩個晚餐分享, 有黑松露野菌意大利飯和意式肉丸配天使麵, 兩樣都頂呱呱! 意大利飯軟硬度剛好, 汁濃度高而黑松露味香, 汁量也充足, 食下有厚厚又實在的滿足感。意式肉丸大大粒又軟身, 肉味十足配上濃郁蕃茄醬, 很平衡且味道豐富。天使麵幼小軟滑又充滿口感, 讚! 飲品也要推介, 它的熱鮮奶杏仁霜, 滑而濃杏仁味, 奶成份高, 喝下滿足! 還有薄荷朱古力咖啡, 我形容它為香而不太甜的正貨, 因為它擁有濃薄荷, 濃咖啡, 濃朱古力! 真的高分推介, 值得食完再食!