至尊滿屋日本料理 (Closed)

尖沙咀放題食得多, 今次同朋友去旺角食, 未知味道如何? 上到餐廳好快可以入座, 午市放題都好多人, 大半滿既客人.有2大本點餐單, 款式都算多.自助飲品櫃有2大個, 汽水, 綠茶, 柑桔飲品, 烏龍茶, 檸檬茶......選擇頗多.另一個櫃有橙汁, 提子飲品同啤酒.我就揀左大路既橙汁同柑桔飲品.甜品櫃有5款甜品, 我只揀左杯裝的3款來黎.刺身好新鮮, 三文魚好肥美, 油甘魚油脂豐盛好爽口甘香. 鱆紅魚滑溜冇筋.甜蝦隻隻都好大隻又鮮甜, 赤貝雖然好細塊, 但好爽口彈牙. 帶子唔腥好幼嫩.比較普通既係北寄貝唔夠爽口, 鮑魚片太軟淋同太甜味.小食芝麻八爪魚, 因為太耐猜食所以點來食, 味道正常, 如常濃味.卷身點了4款, 火炙三文魚親子卷, 雖然個賣相同實物唔同, 但一樣好看, 味道也好食. 三文魚子爆開鹹鮮與三文魚油香好夾.芝士軟殼蟹, 芝士半溶好夾軟殼蟹, 味道好好, 不用沾醬油已經好好食.至尊滿屋海龍卷, 個名以為好豐富, 只係蛋, 青瓜的卷物, 普通左少少, 但味道唔差.花之戀反而不太吸食, 沙律醬太少, 又不夾沾醬油, 食到冇咩味既魚油味.金目鯛壽司及池魚王壽司都比較軟身. 黑松

最近戀上放題，喜歡放題食品選擇多，食到盡。今次目標是旺角瓊華中心 7 樓的至尊滿屋日本料理，此店地方寬敞，不同時段入座，收不同價錢，每段2個半小時，由入座起計。食品款式應有盡有，除有點心紙自選食品外，也有各式飲品凍櫃、雪糕櫃，還有啤酒和熱飲。點心紙有刺身、壽司、手卷、軍艦、燒物、天婦羅、鐵板燒、一品料理、烏冬/飯/麵/粥等。刺身款式很多，逐樣點，先叫了三文魚、鮑魚片、北寄貝和甜蝦等。三文魚入口新鮮嫩滑、鮑魚片和北寄貝肉質爽脆、甜蝦肉鮮味甜，整體刺身水準不錯。燒物叫了鹽燒牛舌、鹽燒雞中翼、蒲燒鰻魚和焗廣島蠔。鹽燒牛舌，舌肉燒得剛好，配上醬汁，十分好味。鹽燒雞中翼，肉嫩多汁，好惹味。蒲燒鰻魚，鰻魚肉身夠厚，燒得皮脆肉鮮。焗廣島蠔，烤焗得好香，蠔味濃郁。再吃沙律，清清腸胃，點了黑松露鮮蝦沙律和牛油果海鮮沙律。黑松露鮮蝦沙律，蝦肉鮮甜爽口，再配黑松露醬，口味新鮮，有特色。至於牛油果海鮮沙律，切粒三文魚加沙律醬配牛油果，好味開胃。熱食叫了雪花牛肉鍋和粥，雪花牛肉鍋除肥牛新鮮嫩滑和份量十足外，配料也非常豐富，有水晶粉、金菇、冬菇、豆腐和紹菜，上面再加窩蛋一隻，絕不欺客，值得一讚。至於熱粥就普普通通

朋友早幾日話想食放題，於是我叫佢自己睇下食邊間之後訂位啦！最後佢揀咗呢間至尊滿屋，我哋7點半去到，已經有好多人！不過我哋有訂位，所以唔駛等，侍應都好快安排我哋入座！一坐低當然即刻睇下有咩野食，見枱面有2本好厚嘅簿，初時以為2本係一樣的，但劃劃下覺得唔對路，點解有D野好似冇咁嘅，之後才發現原來2本係唔一樣嘅！單係食物紙就已經有14張咁多，有成過百樣野可以揀！2-4人的話另外仲可以揀多一款指定刺身，我哋最後叫咗牡丹蝦。叫咗第一輪野之後，當然要睇下有咩野飲啦！呢度D飲品都係自選嘅，自己出去飲品區度攞！選擇都唔少，芒果汁、蘋果汁、橙汁、汽水、忌廉鮮奶、茶，連啤酒都有！仲要一大大罐同大大支俾大家攞！但係最吸引係旁邊個MOVENPICK雪糕櫃！不過呢個係要店員攞嘅！唔可以自取，仲只係每人限一盒！最先嚟到嘅係刺身！超開心，我哋叫咗咁多真係俾足咁多我哋！有時有D食店會睇住人數自己減份量！我哋叫咗三文魚、油甘魚、劍魚腩、北寄貝、甜蝦、赤貝，仲有帶子。全部都好新鮮，最重要係我鐘意嘅劍魚腩唔係度度都有而且仲好鮮甜！黑松露鮮蝦沙律;黑松露味道很濃、很香，鮮蝦亦很新鮮、爽口彈牙，沙律菜亦很新鮮。火炙左口魚邊壽司

太座在端午節給我安排的節目就是行山，從烏蛟騰，新娘潭行至鹿頸，回到市區已是晚上八時多，正想找個地方大吃一頓，以補充今天失去的體力和汗水，街上有人遞來宣傳單張，接過來一看，是日式放題店新開張，以前在銅鑼灣有一間，因見晚晚要在樓下排大隊，所以沒有試過，而這間是其升級版，見人龍不多便加入排隊行列，等第二場開始。在樓下排了約十分鐘，人龍便陸續安排到樓上去，餐廳走廊放滿恭賀的花籃，餐廳地方頗大，有卡座，氣氛熱鬧。每位二百多元消費，可由6:00pm 吃到 8:30pm 或是 8:45 pm 吃至11:15pm，除放題外，每兩位又可選擇海膽，鮑魚或牡丹蝦其中一款，太座選了海膽。以紫菜和青瓜包著吃，甘香爽甜，正到無朋友。飲品是自助形式，有熱茶，啤酒，百事，七喜，果汁先生等任飲，而食物種類有刺身，沙律，壽司，火炙壽司，卷物，手卷，軍艦，單品料理，炸物，燒物，主食，甜品等，有兩大本 order 紙隨你剔，好興奮啊！雖然食物種類繁多，我們只點了其中一部份較為喜歡吃和返本的，但已滿腹又滿足，走不動了。黑松露鮮蝦沙律，很大pat 的黑松露醬放在蝦沙律上，芳香無比，我最喜愛，開餐前吃清爽沙律最愜意，食慾頓開。三文