山下見日式料理 (Closed)

除了新都會和葵芳廣場，原來相約葵芳地鐵站5至10分鐘路程，xx街一帶有很多餐廳小店，山下見就是其中一間。山下見店面樸素，座位不多，一至兩人食客或需要坐吧枱或高枱。因為小店經營，侍應有限，餐牌有溫馨提示，提示食客要預早下單，預留時間給廚房準備食物。意外地食物很快送上枱面，侍應亦非常親切。廚師推介晚市定食，有多款選擇，我選擇角切魚生丼。除丼附送小食及麵豉湯，質素和份量都很不錯。另外單點了一些熱門美食，最滿意是黑松露鯛魚薄切！🐟🌼 份量非常多，鯛魚味道清淡，配上濃郁的黑松露醬，再沾上酸酸的柚子醋，味道有層次和開胃。明太子玉子燒🍳，愛層蛋皮煎得香脆，內層蛋卷香軟。夾在內層的明太子和紫菜，豐富了蛋卷的味道。最後口痕點多了一碟北寄貝壽司🍣，$12兩件，要多幾碟都不肉赤。山下見餐廳雖小，環境衛生企理，菜式種類及質素絕不馬虎🔥，店員由親切細心，價錢💰亦是同類餐廳的一半，性價比極高有驚喜！

今日同閨蜜化身為偽文青去葵涌學Calligraphy ，順道explore下葵涌嘅美食！差唔多七點嚟到呢間小店，排左一陣隊就由熱情嘅姐姐安排我地坐係高枱嘅位置。疫情期間尤其冇左晚市堂食少左機會食壽司同魚生，朝思暮想得好辛苦，九秒九先order個由廚師發板嘅十貫極上壽司！海膽同帶子好新鮮好甜、拖羅肥美、仲有鮑魚，牡丹蝦好有誠意上面仲有海葡萄，盛惠 $168！性價比極高！黑松露鯛魚薄切都好值得推介！上碟個plating 同中間朵魚生花勁靚，根本係幅畫嚟嘅！我地食嘅時候勁斯文因為唔想ruin佢！原本以為黑松露咁重口味會冚過魚生鮮味，但食落又唔係，鯛魚爽口彈牙，仲傳來微微菊花香，喺味覺嘅享受～鐵板牛肉煎鵝肝卷十分香口，加埋炸蒜冇得彈！我哋仲order左蟹子沙律、明太子雞翼同芝士年糕，食完既滿足又感動。本身好想食玉子燒但售罄，咁咪有藉口下次再嚟囉💁🏻‍♀️

山下見嘅嘢食選擇唔算少，當中一啲菜式亦喺同類餐廳中較為罕見，例如黑松露鯛魚薄切 ，鯛魚非常鮮甜，即使同味道重嘅黑松露一齊食都唔會完全失去魚味。常見嘅明太子玉子燒則驚為天人，玉子燒得非常軟嫩完全唔會過熟，每咬一口明太子同蛋汁就係口中爆發，非常滿足！而係每日推介嘅十色刺身丼同燒牛柳粒便當都正評無伏，每款刺身都好新鮮，而燒牛柳粒則熟度剛好，加上香蒜粒惹味到停唔到口，就連便當小菜嘅中華沙律同腐皮都好食，推薦！山下見鋪仔細細人手唔多，但店員服務周到有禮貌，食物質素又高，就算要等都可以體諒啦！

今晚與朋友去慶祝生日，還好有訂位，7點半門外已排滿人，有等位的、等外賣的。先試玉子燒上枱是還有煙，令味道在熱力下踴現。牛肉燒蠔卷絕對令人食完會掛住。食物質素高，價錢合理，絕對值得再食

今日聽同事講有間新開日式餐廳幾好食,於是今日放工就同女朋友去左試下。7點鍾去食,人多到已經塞到爆哂,等左一陣位之後就坐低左。,叫左幾樣野食,黑松露鯛魚薄切,炸蝦特式卷,三文魚親子丼,海膽三文魚籽茶豌蒸。炸蝦卷好特別,菜式賣相很好。黑松露鯛魚薄切真係好好食，魚很新鮮，肉質彈牙結實，下次食會再叫。三文魚好好食，聽師傅講，佢地用係新鮮三文魚，所以味道同口感都比平時食果Ｄ好。海膽三文魚籽茶豌蒸蒸得很好，蛋很滑，加埋海膽同三文魚真係絕配。炸蝦特式卷很特別，好好食。我同女朋友都十分滿意今餐，性價比真是非常非常的高，而且服務水準非常有效率，再加上環境舒適，必定會再來。