禮 (天光道) (Closed)

生日飯想搵個地方跟家人吃好一點於是預約這家裝修不錯、評語100%正評的餐廳價格已知道是比較中上的一家小店從餐點、服務的方面都不太滿意第一、餐牌上 有前菜、刺身、壽司、鍋物、天富羅、麵飯等我們約6:30準時到達，招待的店員沒有告知哪樣食材缺貨，落單先知....尷尬！當中不少餐點有海膽、蝦，所以一律有海膽、蝦的食材的餐點沒有！還要落力推銷，今日有秋刀魚$188，生蠔等等等等其間 加茶的速度是每一次都要舉手提醒....盡量在餐牌中點會吃的壽司吧賣單$15xx/3位總結，以我的經驗來說是「不值」而且是「不愉快」用餐經驗

放工同朋友食日本菜慶生，揀咗位於土瓜灣嘅呢間日式居酒屋，位於天光道同馬頭圍道交界附近，唔算顯眼，但精緻嘅門面滲透住一種謐靜和暖嘅感覺。點餐後店員為我哋送上精緻前菜，涼菜配上胡麻醬同海苔，清新開胃。兵庫縣室津生蠔係店員嘅推介，生蠔新鮮空運到港，肉質肥美而且蠔味澎湃，混合住淡淡嘅海水味，令成個口腔都充斥住鮮甜嘅滋味。八貫手握壽司盛用上珍寶牡丹蝦頭做裝飾，擺盤加上鮮花同金箔點綴，格外精緻。師傅挑選新鮮時令刺身組成八貫壽司盛，件件望落都咁飽滿，非常吸引。帆立貝厚實肥美，味道鮮甜，加上黑松露令鮮味更突出，一啖放哂入口係滿滿嘅幸福感！赤身脂肪量較少，口感清爽，更突顯出吞拿魚嘅鮮甜。拖羅油脂非常豐富，口感綿密而且冇筋，近乎入口即化。除咗生蠔同壽司之外，當然唔少得我至愛嘅玉子燒，有高湯、蟹羔同芝士三款選擇，我哋揀咗比較少見嘅蟹羔玉子燒，蟹羔鮮甜濃郁，混入一絲絲嘅蟹肉增加口感，配上脆卜卜嘅飛魚子同鬆軟香甜嘅玉子，絕對係人間美味。和牛三文治用上優質A5和牛，加上黑松露同金箔做點綴，感覺份外矜貴。厚切和牛沾上麵包糠炸成金黃色，用烘得香脆嘅薄多士夾住，咬落除咗香濃嘅牛味同淡淡嘅松露香之外，仲有滿口嘅油脂甘香，