寶城美食店

Open Now

Now Closed

Treasure City Snack Bar

3.5

75 Reviews

Taste

Decor

Service

Hygiene

Value

5343

Hung Hom

Below $50

Hong Kong Style

黑椒汁炸雞髀飯

2 Recommended

奧志雷

Level4

2.1K

Read full review

人家想食時菜沙薑雞髀飯，排到收銀阿姐先話無，仲堅稱早已賣晒，無掛牌出黎架 ﹗阿姐不如您自己行出去望下門口有掛住，就算係收銀機隔離都有掛住，到底我有幻覺定您有幻覺呀？話口未完轉頭後面有兩個阿叔都中蕉，阿姐重語氣回答都話無掛沙薑雞髀個牌出黎咯﹗

老闆好野喎，寫老香港文字雞肶唔用雞髀，咁就唔會寫錯脾仔個脾啦 ﹗發現檯面放著到會餐牌，茶記真係好罕見喎。當愛情來的時候，心情及情緒總是忐忑不安，始終有點動盪、失落 ﹗點解人地有我無、點解人地有我無、點解人地有我無！

黑椒汁炸雞髀意粉，烚意粉功力不錯，嚥韌彈彈幼條意粉，沒有過腍，沒有變粉口，捲著大量黑椒汁更滑溜更濕潤，大大啖塞得嘴仔脹卜卜，幸福快樂﹗

黑椒汁炸雞髀飯，憶起 5 年前的柴皮雞髀，寶城真係進步神速，非常有誠意 ﹗炸得皮香肉嫩，薄薄脆雞皮，不油不膩十分香口，用刀叉將雞髀撕開，索一聲超感悅耳動聽﹗氣味環繞四周，香噴噴極為震撼﹗馳名中外，紅磡脆皮炸巨髀﹗熱騰騰彈牙香滑肉汁滴滴閃令令，醃味清爽醒腦提神，食完渾身是勁無得彈﹗薄脆雞皮咬到索索聲地悲嗚，一咬一扯撕裂的聲音更加悅耳。雞髀皮鬆化香口，白滑雞肉肉嫩爆汁，純鮮雞肉甜味，醃味清爽，可口得宜。肉結實微滑微彈，少許肉汁不乾鞋食得過﹗大埔三多及 Baby Q，紅磡寶城及萬利來，各具特色各有各長處，別有翻獨門風味！大量特濃深色黑椒汁，索一索有著濃烈香氣，微乎其微的辣度，幾乎沒有辣味，甜味偏重，算合格滿意。

蘑菇汁炸雞髀飯，需要附加費才可享有的蘑菇汁，真的值嗎？有著香濃忌廉蘑菇味，不過味道似足牛肝菌汁喎，味道蠻喜歡。白飯濕濕爛爛，我極度討厭食軟飯，黏著我的嘴仔，硬食半碟放棄。

咸蛋豉油雞髀飯，呎碼依舊巨形好吸睛 ﹗立即狠狠地咬啖，重重豉油味，濃濃的香氣。雞肉滑滑彈牙多汁，雞肉帶雞甜味，完整雞皮沒破損，黏黏滑滑不肥不油膩。咸蛋較為普通，熟得過火硬硬沒黃油，照樣將所有蛋香蛋黃跟豉油撈飯混得平均，準備就緒就可以全力開動 ﹗大大舊靚靚雞髀肉搭細細啖咸蛋豉油撈飯，咸甜鮮混和昇華，滋味無窮正到痺﹗比紅磡時新及巷仔潮食更優質精緻。

茄汁焗豬扒飯，收銀姐姐強調係普通茄汁，並沒有鮮茄汁焗的。無洋蔥無菠蘿無芝士無芝士粉，淨茄汁異常地單調，普通快餐茄汁，悶得我沒精打采。豬扒肥騰騰，肉質鬆軟醃味略咸，食得不開心。白雪雪飯底，唔講唔知係炒飯這是炒飯底？莫非一隻蛋炒十碗飯？只見幾條蛋絲，食來食去都食不到蛋味。跟白飯無分別，發現有幾粒青豆幾粒粟米裝飾。

鮮茄炸雞髀飯，罐頭茄汁掉幾片番茄就當係鮮茄汁，不是吧？大排擋質素好百倍。硬著頭皮試試，甜到糖漿似的，極黏極厚。同樣只有炸雞髀嬴，白飯及醬都輸﹗

芝士焗肉醬意粉，即叫即焗要耐心等候。香噴噴親手送上，聞得到重蒜蓉味道，大注品嚐強蒜特濃少少肉香，茄味已死只覺點點甜酸味點綴，粗粒肉鬆嚥韌有咬口嚼勁。意粉過腍了少少，散碎而短戚戚，想捲起食都十分艱難。撒上芝士粉會比卡夫芝士更香濃，兩星唔難食且份量十足，夠飽夠飽。

霸皇花豬骨湯，微暖入口清清淡淡無味精，食完飯清清味蕾舒服晒 ﹗經常都沽清無食神，最愛飲湯的我要等有緣才有機會品嚐。勁多湯渣，重手真材實料，清甜味濃熱騰騰，好飲到想添多幾碗，無可抗拒，飲勝﹗花生眉豆雞腳湯，熱辣辣豆味濃特別香甜，做得好，飲得過。

三杯雞飯，當放入口時即刻有股濃烈味道直擊腦袋，強勁霸道的九層塔味道，還有芹菜味，調味怪怪的，幸好醬油味濃再配埋白飯都免強入得口，未算難食。雞肉乾鞋兼備，白飯濕爛非凡。排隊多時，輪到我那位收銀姐姐先話梅菜蒸鯇魚賣晒，後面好多食客排隊根本無時間比我諗，是鬼但三杯雞飯，中伏。

豆角餐肉炒蛋飯，同事真的諗太多喇，點會係炒粒粒呢 ﹗不出我所料，煎到成塊芙蓉蛋款出場，原塊撻起飯面再淋甜豉油算數。雖然兒時家中不時都會食到餐肉炒菜、餐肉炒豆角，但師傅調味怪怪的，而且餐肉異常地淡口，幾乎食唔出添，莫非因為切得太細粒所至？炒蛋有焦香，配上白飯不過不失，非常普通。見隔離婆婆食豆豉鯪魚時菜，出街食仲叫罐頭？雖然我早餐都經常食五香肉丁、回鍋肉，最憎豉豉鯪魚。

咸蛋蒸肉餅飯，細細碟其貌不揚，不知味道如何？何解無蒸魚無荷葉飯，唔想又係食雞髀，是但試試肉餅吧，忘記叫扣底白飯減半添。先來半個肉餅半隻咸蛋搗碎撈飯，撈粉蒸的肉餅滑潺潺已失去原有的質地，我喜歡家中自家肉餅夠粗糙有咬口的感覺。大量肥豬肉特別香口，但我不喜歡。食得到馬蹄碎，爽爽的，真有心意。咸蛋黃甘香不濁，跟甜豉油及肉餅夾得天衣無縫。躺在白飯上塞入口細味慢慢嘴嚼，真的十分享受，蠻不錯的感覺﹗油脂潤滑甘香肉餅，濕爛漿嘴黏黏飯粒，以三比一肉多飯少比例，撈甜豉油加咸蛋黃，併出可口醇美而粗獷野性的味道﹗

忌廉粟米斑瑰焗意粉，竟然萬中無一地滿分無得彈 ﹗估您唔到即焗新鮮出爐，所以都等左段時間，美食必須耐心等候。極少會食粟米汁，只是突然心血來潮，出乎意料比茄汁黑椒汁更加出色。粟米天然甜味突出非凡，忌廉味厚厚實實，惹人喜愛﹗彈滑意粉全熟但不粉口不發脹好功力，捲上粟米汁汁叉舊魚柳好食到不能形容，忍不住要大口大口失控地狂塞，才能滿足我的獸性呀﹗怪您過份美味，每啖都塞得我嘴仔滿滿，要立即消滅殆盡方能停手呢﹗斑塊鮮味強烈，絕不會是隔夜貨﹗外層炸得金黃鬆脆，帶汁力極強，魚味甜美，嫩滑無比。

沙嗲牛肉炒河，真的即炒嗎？不過堅聽到師傅開到個爐坎坎聲既，送到黎先知係個河粉底即炒，再淋沙嗲牛肉係面，依隻咪係朝早隻沙嗲牛肉即食麵？芽菜我唔食、洋蔥我唔食、蔥我都唔食，奇怪地有芽菜有洋蔥，不過無蔥。就算剛炒起既河粉堅係鑊氣十足，當淋上沙嗲汁什麼火都熄晒啦﹗依家沒半點鑊氣可言，沙嗲汁燴豉油皇炒河，沙嗲微辣，味道陰沉混濁，不清新不可口。勁鬆牛肉腍劈劈大大塊，份量也不少。河粉質地滑彈嚥韌，幼河粉係我最愛添，但生抽老抽分量不香甜，而且十分油淋淋。最好食都係那幾條凍菜芯，翠綠爽甜鮮嫩。

金華火腿排骨荷葉飯，居然比炒河及油雞髀飯更遲送到，不是一早蒸定嗎？本身賣相不討好，師傅有誠意地鋪上椰菜，但我唔食架呢。雖然足料，不過色香味都比預期差劣。最討厭濕濕的飯粒，我寧願食糯米雞，飯粒有少許豉油咸味。排骨不錯，啖啖肉，質地彈，味甜美，有趙頭。就算金華火腿夾舊冬菇搭啖飯非常有農曆新年氣氛，但已經反魂乏術，食幾啖放棄。

梅菜蒸鯇魚腩飯扣底，肉少勁多骨，微溫唔熱。甜梅菜太甜，混上甜豉油更甜而混濁，嫩滑感欠奉，肉汁窮泛。炸雞髀沙律，傳統港式沙律，大量沙律醬唔洗錢咁隊落去，慕求將所有食材淹沒其中，炎炎夏日嘆著清涼沙律特別可口，甘筍、西芹、青瓜、薯仔味道混得好味，爽脆多汁間中食下無所謂。

寶城美食店 Open Now Now Closed

寶城美食店

Open Now

Now Closed