添福小食 (Closed)

今日路過添福，諗起添福個黒椒漢堡，要食！一個黑椒漢堡盛惠19大元。芝士漢堡加三蚊，食原味好了。即叫即煎既漢堡扒，得我一個order，等左5分鐘左右，不果企響車多大巴多既長沙灣道食住塵等，感覺好耐。但係攞住個熱辣辣既漢堡包之後就覺得一個字～～值！芝麻包似係嘉頓出品，由細食到大，應該無認錯。簡簡單單夾住漢堡扒同茄汁，無需要加生菜、番茄、酸瓜，就係傳統快餐店式既漢堡包。一啖咬落去，漢堡扒夠厚，有咬口，好香洋蔥味，聞都聞得到，黑椒呢？當你吞左一啖落肚之後，就感覺到微微暖喉黑椒味。即場在車來車往既長沙灣道ko左個成漢堡，好滿足。唔使去Five Guys、Shake Shack排長龍啦。