九份•十分 (T Town ) (Closed)

九份十分係天水圍最有台灣地道風味嘅餐廳之一，裝潢古色古香，但係又播住一首又一首潮流歌曲，難怪繁忙時段場面非常熱鬧。今日同家人黎食晚餐，首點紅燒牛肉麵($65)，湯底濃郁，我地揀咗幼麵，軟硬適中，主角牛肉厚切，炆得軟熟入味，啖啖肉味，口感一流，唔少人都推薦。綜合滷味肉燥飯($62)，一上菜真係嚇親我地，因為真係好大碟。綜合滷味有豬大腸、腎、鴨舌、雞翼、豆腐，惹味得黎又唔咸。肉燥飯更係難得嘅好味，撈埋酸菜味道升級。醉小三($88)，分別係醉鴨舌、醉雞、醉豬手，透出陣陣酒香味，唔會太濃，特別中意豬手，用酒浸過後變得彈滑，啖啖都好似食緊骨膠原咁。依度嘅飲品都非常多元化，有台式奶茶、沙冰、梳打、其他特式飲品，我地點咗海綿寶寶同埋黑武士之劍。海綿寶寶($52)係鮮芒果沙冰，沙冰再有少少雪糕嘅質感，芒果味重，仲有芒果肉，清新涼快。黑武士之劍($38)係比利時朱古力配3.6牛奶冰棒，將熱牛奶倒入牛奶冰棒杯，就可以製作一杯溫暖嘅朱古力牛奶，味道香甜~~~

今日入開天水圍搵好耐無見既朋友食lunch,見到有間九份。十分，好有臺灣風味就入去試下。入到去裝修好特別，位置闊落，好舒服。睇下餐牌，有好多野食選擇，我地想坐耐D,傾下計，就叫左幾款小食，牛肉面，甜品同野飲。不過午餐都好多唔同選擇！紅燒半根半肉面（$60）呢個面湯底好入味，面質彈牙，肉質軟林，入口即溶，好味醉小三（醉鴨舌醉雞K豬手）（$88）一黎就聞到好香既酒味，食落去酒味夠又吾會太勁，易入口，豬手爽口，鴨舌係我至愛，醉雞都Ok.芒果軟殼蟹米紙卷（$68）呢個係我最鐘意一個。米紙軟薄，配埋芒果青瓜軟殼蟹，係一個好開胃既前菜。鹽酥三兄弟（$78）可以配埋6種吾同既調味粉，最好食係魷魚酥，好香脆。仲有鹽酥雞同鹽酥香菇。飲品方面叫左黑武士之劍，朱古力配上牛奶冰，仲有珍珠奶茶。甜品叫左芋圓珍珠雙色冰淇淋鬆餅，雪糕既凍冰冰配埋鬆餅鬆軟香甜，好好既配搭。好豐富滿足既一餐，有機會會再黎食過😋

兩個人游完水好肚餓，黎到呢度豪食😎🤤🤤餐牌有好多選擇，望見樣樣都想食😍幾經辛苦先揀到食咩🙈等我逐一同大家分享啦🤩🤩🤩1. 醉溏心蛋 $15 1隻本人極愛溏心蛋😍同我一樣既朋友必食呀！！唔係溏心蛋fans都值得一試，一試愛上😎酒味香濃，又唔會太嗆，同隻蛋簡直係perfect match❣️❣️溏心蛋的心真係甜而不膩，仲有兩塊雲耳，爽脆可口😍凍冰冰，做前菜或甜品都不得了🤤2. 肉燥浸娃娃菜🌱 $48娃娃菜大碟又大塊，唔會煮得太淋太硬，脆脆地，配埋肉燥就好入味，清甜得黎唔單調，平價抵食之選❣️3. 皮蛋豆腐 $32豆腐超級滑，連埋面既肉鬆同皮蛋，製造出獨特既口感同味道，醬汁偏甜，唯一不足只是想醬汁做得更香口🤪4. 午餐A1 烤香腸肉燥鹽酥炸雞粒飯 配冬瓜茶香腸望落同平時啲台灣腸差唔多，但係食落就知道係唔同架！呢到條腸係甜啲架！鹽酥雞炸得外脆內軟，唔會太鹹，健康！都有好多粒，份量足夠。肉燥飯伴有酸菜，肉燥唔肥，夠香夠多汁，撈飯食頂呱呱👍🏻冬瓜茶大大杯，好清甜，冰好少但夠哂凍，夏天消暑一流！5. 黑武士之劍 $32所謂黑武士之劍就係3.6牛奶冰棒配熱朱古力奶，叫呢個飲品係因為我好鍾意飲朱古力，見到其他