麻神麻辣火鍋 (Closed)

第一篇食評，忍唔住就獻左比佢。向來都好中意食麻辣火鍋，知道又有一間台式火鍋進駐香港，即係約班朋友去會會佢！個火鍋湯底，待應介紹時話無用味精，材料都係由台灣空運過來，湯入面仲有舊鴨血，要用刀叉食，仲可以當湯飲。味道都幾特別、幾好味，不過就略為貴左少少。食火鍋湯底重要，但配料更主要！肉方面叫左黑毛豬、牛小排，肉質都幾嫩口。再豪豪地叫多個海鮮拼盤，有蝦、扇貝、蜆同埋鮑魚，大隻厚身，食落都幾鮮甜。再點多份南極冰藻，未試過特登叫來試試，口感幾爽口得意。總括而言，以台式火鍋來講呢間都貴貴地，但食物質素更高質，又唔會限時，心血來潮一班朋友聚聚都唔錯！

最近試左 近期幾hit嘅麻辣火鍋。銅鑼灣麻神麻辣火鍋。講真佢個麻辣湯底真係無得頂辣就唔算辣（當然我呢啲食辣食到麻目嘅人更係嫌唔夠辣啦）但一般正常人係覺得佢香辣適中，我覺得佢正係因佢麻辣帶少少甜、又唔油，湯底仲可以飲！無錯！侍應向我地介紹個麻辣湯底係可以飲，因為裡面係用大量水果淆制，無加味精！確實我地成班人一飲再飲個湯底，但無人覺得飲完味精重口乾至於另一邊清湯不過不失，唔算特別！另一重點推介無鴨血！必食！講真我係香港食過好多間麻辣火鍋，每次有鴨血我都必點，但一般我都覺得無咩特別，我一直都覺得香港嘅麻辣鴨血無台灣整得咁好食🤨！嗯！無錯！我鐘意食麻辣火鍋嘅瘋狂程度係會一年去台灣2、3次，為嘅就係食麻辣火鍋🍲🌶🌶 而我鐘意食台灣麻辣火鍋其中一個原因係佢地鍋底嘅鴨血同豆腐。（而係香港鴨血就食到，但台灣麻辣火鍋常用嘅硬豆腐我就真係食唔到！如果有人知請話俾小編知🙇🏼‍♀️）而麻神嘅鴨血係我覺得目前係香港食最好食嘅鴨血，無論係質感同味道都好好，好夠味一試愛上真係好想快啲再食！仲可以添食！只於食嘅時候侍應建議我地用🍴品嚐，聲稱咁樣就唔因爲用筷子🥢而夾散鴨血另到裡面嘅汁流出，雖然佢地咁建議，但我食左2嚿之後