阿木台灣生活百貨

Open Now

Now Closed

🧡🤍💛台灣餃子煙煙韌韌🥟台灣嘅美食真係令人食過返尋味，今次又嚟入貨啦！🤤❤️阿木剝皮辣椒鮮肉餃❤️ $88雖然內餡有剝皮辣椒，但佢辣度都幾容易接受，惹味又開胃！🌶️將餃子放入滾水煮8分鐘就食得，真係好方便！餃子嘅外皮煙煙韌韌，好有口感！🥟🤍阿木黑白切🤍 $65豬黑白切其實就係台灣豬內臟🤭一盒入面都幾豐富，仲有香腸同埋糯米腸呀！旁邊仲有醬油膏同埋辣椒醬添！🤤💛阿木蚵仔煎💛 $55台灣嘅蚵仔煎真係好好味！依個蚵仔煎份量十足，蚵仔肉粒粒飽滿🦪，煎完之後仲好香😌，蚵仔同蛋香完美結合，口感仲帶煙煙韌韌呀！😍呢度除咗有以上嘅嘢食之外，😚佢仲有甜品飲品同埋一啲日常生活嘅貨品，全部都好有台灣風味！🇹🇼行過嘅時候不妨留意一下😏話唔定有意外收穫呀！📍阿木台灣生活百貨📍旺角白布街8號地舖

時食完阿木台灣麵，都見鋪頭外有少量台灣食品賣，而行多一個街口到，仲有間專賣台灣食品直送既小超市。鋪頭麻雀雖小，五臟俱全，零食、乾貨、急凍食品...連生果都有。見今晚唔煮飯，買左啲餸，翻熱就食得，係懶人褔音。🔸阿木黑白切 $65即豬肉臟，有約6款，如大腸、腰尺、黑血腸...食材本身已經煮到好淋，個人中意加埋醬油膏煮，加熱幾分鐘就食得。特別推薦糯米腸同黑血腸，索晒醬油汁，特別入口，拌飯食一流。另會配辣椒醬，偏甜，配內臟味濃既黑白切都幾岩。🔸高麗菜韭黃豬肉水餃 $88一包16粒，唔使解凍煮8分鐘。就咁睇以為好細粒，點知煮完會漲大少少，皮有厚度，食落有口感。高麗菜同韭黃清甜，豬肉比例上，肥肉較瘦肉多。🔸蚵仔煎 $55台灣經典小食，底下仲有塊生菜，配埋甜辣醬，十足台灣街頭味道。成份表雖寫新鮮蚵仔，但可能經過急凍後，食落反而似乾貨蠔豉，蠔味濃縮啲。定期有唔同代購活動，之前都試過係到訂蛋糕，感覺有埋地鋪，質素有一定保證。歡迎 follow IG : fatsnow02，睇更多分享😆

仲未有得去台灣玩🥲，唯有係香港買啲台灣嘢食嘢飲，之前係阿木買過幾次台灣飲品，今次就試下啲急凍食品，下次有機會就試下啲台灣蛋糕😍麻辣燙鮮肉餃（虱目魚）$88水餃爆滿，好多餡料，皮都幾彈牙，食第一粒無我想像中咁辣，之後越食越辣🥵，辣得黎好過癮。蚵仔煎 $55啱曬懶人，煎熱就食得，都幾大塊，雖然唔及新鮮即整，都可以當過下口癮。黑白切 $65台灣地道小菜，主要係豬內臟、器官個部位組成，仲有啲米糕、台灣香腸。細細份可以當餐前小食，拎黎送飯都得，點埋附送嘅辣油同醬汁更加滋味。