茶墨 (Closed)

朋友話想喺睇演唱會之前飲杯野，於是我地去The One 飲呢間有水墨畫特色既茶飲店-茶墨啦！店內得幾張枱，好彩有個人差不多飲完野要走，我地唔洗點等就有位坐朋友要左杯麻糬芋泥茉莉鮮奶綠，好有中國風！👍🏻麻糬煙煙韌韌，芋泥好香好smooth，加上奶中有茉莉茶香，唔錯！我就養生mode, 要左杯黑糖薑桂圓紅棗茶！辣辣地既薑味好適合冬天飲，加上黑糖甜味中和返，正！仲要估唔到係咁足料！入面真係有好多桂圓紅棗！👍🏻另外朋友要左一球茉莉花茶味Gelato，好有茶味，好fresh！👍🏻本身我地想試埋黑芝麻巴斯克紐約芝士蛋糕的，可惜賣哂，唯有下次再黎試啦！💪🏻

肺炎呢段日子出街真係好少人出街食飯，見到茶墨喺限聚令生效期間都有三四枱客，即係有實力啦💪🏻舖頭仔唔大但蛋糕選擇都幾多點好食物/ 飲品店員就會俾呼叫器我地等嘢食我同一個朋友食，一人一個甜品同飲品朋友嘅黑糖珍珠芒果鮮奶好好味，估唔到黑糖同芒果味都夾到，甜味幾自然，珍珠真係做到帶焦糖味，奶香好重，幾值得試👏🏻富士蘋果芝士蛋糕嘅甜味都係好自然，蘋果煮過但仍然保持到爽口，芝士蛋糕輕身軟滑，食完唔會滯🤤意式雪糕我地揀咗茉莉茶同焙茶味，茉莉茶就比較冰感，焙茶比較濃厚，兩種茶味都好濃，各有各出色我叫嘅黑糖薑桂圓紅棗茶，好多料，好夠熱，飲完成個人暖咗

餓左好耐無出街食，依家去邊度食野都真係要好好揀過至得。今日同家姐來茶墨飲杯好嘅，賀一賀復活節假。我最鐘意飲黑糖飲品，見到有緊係要叫啦。 我要左杯黑糖珍珠芒果鮮奶（$39），店員好好人有提我怕唔怕黑糖本身已經甜，於是揀左少甜少冰，揀用牛奶沖。未撈之前飲啖，芒果味好夠，撈埋黑糖一齊飲都好夾，唔會怕好膩，面頭個層奶都好正好滑的🙈。入面加左好多珍珠，慢慢咬🤤。我見menu有雪糕奶昔系列，下次天氣熱啲可以試試佢。家姐就要左杯黑糖薑桂圓紅棗茶（$38），熱飲來嘅，一打開見到都覺得好補🙈。薑味同紅棗味十足，係呢邊返工嘅話隨時來買杯補下都好。依家咁嘅時勢好難拎住杯飲品行街，所以我地嗌埋雪糕同蛋糕坐低慢慢食。雙球意式雪糕就揀左2款茶味：焙茶+茉莉（$42）。非常之好食，茶味好濃，密度高，唔會話好易溶化。焙茶仲食到佢有少少燶燶的味道，茉莉就好清爽，岩做飯後甜品。蛋糕我地就叫左富士蘋果芝士蛋糕（$28），入面有一粒粒蘋果肉，芝士唔膩，餅底都好好咬😂。個人私心鍾意佢地隻碟，雲石花紋好靚🙈。