齒來香蛋卷 (Moved) New Location

經過齒來香好多次但未試過，今日去開西營盤第三街一於買來試一試。去到都六點幾七點差不多收鋪，姐姐超熱心不停推介不同的貨品樣樣都叫我買來試吓！貨品全部細細包，自家製作，價錢唔貴十幾廿蚊一包。最後買咗黑糖馬仔同埋蛋卷。姐姐話只可以存放一個星期（我估存放時間咁短係因為冇放防腐劑）。黑糖馬仔好鬆化而且甜度適中，有淡淡黑糖的香味！唔錯！蛋卷就略為淡，唔夠但蛋或者牛油味。買之前姐姐都有提過....下次試鳳凰卷可能好味d。而家呢啲自家手作餅店真係買少見少！賣家不單是食物的味道，仲有濃濃的人情味！呢d喺X華、X香園、X記嗰啲連鎖餅店買唔到!!!如果經過不妨入去買返一兩包餅支持返！