Via Tokyo (Closed)

愛好甜品嘅朋友仔咀刁V係我地臨開飯前突然之間話口痕 於是我地就去左佢經常幫襯嘅Via Tokyo食雪糕咀刁V知道我對抹茶一般般 所以就推介我試下期間限定嘅新口味黑芝麻味啦 夜晚六點幾去到無嘜人 好快成功入座！兩個人share就咁叫軟雪糕好似齋左啲 所以我地叫左個黑芝麻芭菲賣相的確吸晴！感覺好豐富似的 黑芝麻雪糕上有好幾款配料 包括芝麻味餅乾 蜂蜜蛋糕 蕨餅 白玉 紅豆 合桃碎 忌廉同啫喱 多元化多種類 嘜都可以淺嚐下 太好了 有幾款我幾欣賞而且特別喜歡嘅 就係蜂蜜蛋糕 蕨餅同白玉 蜂蜜蛋糕充滿住濃郁蜂蜜香味 甜度偏高 而且質感比較實淨 但出奇地好食 原來蛋糕唔一定要鬆軟先好食 蕨餅好有彈性而富黏性 鋪滿黃豆粒嘅蕨餅彈牙清涼 可唔可以食多一粒呀？ 白玉好有嚼口 好軟綿 配上紅豆一齊食 滋味也係時候講下主角啦 黑芝麻雪糕濃度極高 濃郁嘅黑芝麻味滲出淡淡牛奶味 雪糕絕對真材實料 質感重而且幼滑 唔會好易溶 好味喎尼個芝麻芭菲竟然俘虜左豬小姐非一般少女嘅心(一般女仔喜歡甜品)Via Tokyo認真唔簡單

本身約左朋友晚飯但時間尚早, 又忍唔住去左via tokyo>< 今次試左呢個黑芝麻芭菲黑芝麻芭菲都幾大杯, 仲有好多配料, 有蛋糕, 白玉, 厥餅, 果仁, 餅乾同紅豆蓉, 好豐富, 黑芝麻軟雪糕依然好濃郁好軟滑, 食到停唔到口, 而配料都幾好味, 特別係白玉同厥餅都煙煙unun, 但Vi就覺得紅豆蓉太多同太甜, 如果可以走紅豆蓉加番多d黑芝麻軟雪糕就perfect la