龍閣極上火鍋料理 (Closed)

今日下午我們去咗旺角嘅「龍閣極上火鍋料理」飲下午茶！我們叫咗潮州粉果、醬皇蒸鳳爪、黑蒜蒸排骨、脆皮鮮蝦腐皮卷、蠔皇叉燒包、車仔豬腸粉同紫薯煎堆仔！潮州粉果嘅餃皮好煙韌彈牙，餡料亦好豐富惹味！醬皇蒸鳳爪炆得還算腍，醬汁都幾惹味！黑蒜蒸排骨嘅賣相唔係好吸引，芋頭嘅份量比排骨多！令本人有啲失望！脆皮鮮蝦腐皮卷炸得相當鬆脆，鮮蝦亦好彈牙！蠔皇叉燒包嘅包質非常香滑鬆軟，叉燒嘅味道亦好香甜！車仔豬腸粉相當嫩滑彈牙！紫薯煎堆仔嘅口感超煙韌彈牙，紫薯嘅味道非常香甜軟滑！

今日下午我們又再去咗旺角嘅「龍閣極上火鍋料理」飲下午茶！我們叫咗鮮蝦韮菜餃、小嬌白玉棉花鷄、黑蒜蒸排骨、煎釀茄子、香滑流沙包同忌廉香芒卷！鮮蝦韮菜餃嘅餃皮好煙韌彈牙，韮菜嘅味道相當惹味！小嬌白玉棉花鷄嘅魚肚好腍好入味！黑蒜蒸排骨嘅黑蒜將排骨嘅鮮味更加提升，肉質亦好嫩滑！煎釀茄子嘅魚肉好鮮味彈牙！香滑流沙包嘅包質非常香滑鬆軟，入面嘅流沙相當香滑，味道亦好香濃！忌廉香芒卷非常煙煙韌韌，芒果嘅味道亦相當香甜！係本人嘅必食推介！

今日走去修理部i瘋，點不知要等成兩個鐘先有得攞返！我三口子為有搵間座得下又企理的茶樓飲茶hea下啦。行到銀行中心見到間新茶樓開張就上去試下啦(新野通常都有位)，估唔到又幾好喎。大熱天時冷氣夠凍，正!有我最like的卡位仲要望街，一流坐低店員都好有禮貌招待。好，填飽個肚先~呢排咁興食黑蒜試下先，無多餘肥膏、肥瘦幾平均、黑蒜幾甜、新鮮排骨唔錯(不過黑蒜切碎可連排骨一齊食仲好d)正常野無特別，不過個樣就好似hea咗d又其兩條....唔應該用兩條黎形容(係兩Paul菜心先啱)淮山真係未試過咁食法，佢個賣相就好吸引，食入口淮山暖暖地好淋，藍莓醬甜甜酸酸夾起黎好似食藍莓味煨蕃薯，我個囡最like!點心夠熱好多煙，食得出帶子新鮮、裏面d肉好Juicy鬆脆燒腩仔真係無改錯名物有所值一定要食~爆晒燈！咩料? 有1664、Hoegaarden?夠in喎! 頭先d黑蒜蒸排骨咁正，下次要試下排骨煲仔飯先得!埋單唔洗$300，這個價錢有咁好質素都值得!!!