金田家 (Closed)

今晚吃金田家，我好喜歡這裡的裝修，燈光通明，裝修很有心思，以紅色和白色為基調，一盞盞白色棉線球燈，牆上還有花枝裝飾，清雅脫俗。⭐️柚子辛口拉麵$98配料有洋蔥、蔥花等，湯頭容易入口，淡淡的柚子味，很清新，但味道又不會太淡，很合我胃口。⭐️魚介豚骨拉麵$88入口味道比較清淡，淡淡魚湯，曲麵可以掛起湯汁，口感比較好。⭐️黑豚叉燒$33另外加了幾片黑豚叉燒，因為實在太餓了。⭐️男爵薯餅$42有兩種口味，分別是牛肉薯餅和紫薯甘栗，牛肉薯餅的味道不算突出，反而紫薯甘栗比較好吃，因為內餡除了紫薯，還有粒粒甘栗，口感豐富。⭐️薑汁柚子梳打$24吃拉麵少不了點一杯清涼飲品！

早幾個月來過將軍澳中心，當時還在裝修，原來現在已經裝好修了，更有不少食肆進駐。之前吃過銅鑼灣的金田家，記得他的拉麵味道不俗，他在將中也開了新店，裝潢很舒適，決定進店再吃金田家的拉麵。我點了黑豚拉麵，這裡的拉麵麵條較幼，感覺比天使麵僅粗一點點，喜歡這湯底淡淡的，同時間卻很creamy。有5大塊半肥瘦黑豚叉燒，叉燒份量比一般拉麵店的多。愛蛋人士必定追加的溏心蛋，蛋黃未完全熟透，好像有一層薄薄的蛋黃油在表面，又靚又好味。辛子黑蒜拉麵的湯底很特別，真的有濃濃的黑蒜味道，剛嚐會感覺好像有點辣，但這感覺會漸漸消失，慢慢會愛上這營養豐富的湯底。山葵蛋黃醬餃子，餃子煎到金黃色，很香脆。士多啤梨乳酸梳打，飲料底下有些士多啤梨小顆，吃到酸酸甜甜的士多啤梨好開胃。

大半年前喺登龍街食過一次金田家覺得唔錯。前兩晚喺將軍澳見到有分店，當然要再encore！將軍澳分店嘅座位好闊落，甚至比銅鑼灣店更闊落，絕對唔會同一般嘅拉麵店咁擠逼！我食嘅係濃豚骨拉麵。呢度嘅湯底係乳白色仲有少少泡，未食已經覺得好香濃，果然飲完一啖湯就知有料到，係香濃豬骨湯！配上比較軟同幼身嘅拉麵都幾夾。豚肉肥瘦比例啱啱好，食得出小小脂肪香味又食到軟腍嘅肉質，真係好唔錯。另外值得一提嘅係追加嘅溏心蛋！醬油入味又食到流心嘅蛋香！大家一定要追加一隻溏心蛋！男朋友叫咗雞白湯豚骨拉麵。佢個湯飲落甜少少，雞味十足，都好唔錯。個麵係曲麵，較為粗身，食落口感又唔一樣。男朋友仲追加咗黑豚叉燒，呢個黑豚肉味都幾重，不過瘦咗少少，係健康啲，不過食落會有少少乾，所以要配埋拉麵一齊食。小食方面，我哋食咗山葵蛋黃醬餃子，餃子煎得香脆，配埋個山葵蛋黃醬好清新。呢個組合估唔到咁夾，四隻完全唔夠我哋兩個分！其實一開始我哋好渴，叫咗兩杯飲品。我杯橙汁正常，雖然唔係鮮榨，不過都見到果肉。男朋友嘅草莓乳酸梳打唔錯，草莓甜甜配上酸酸嘅乳酸，好清新同開胃。以連鎖拉麵店嚟講，金田家係我暫時食過品質最有保證嘅一家！