Video
Read full review
2015-08-12
1010 views
新張時食過一次, 感覺好好, 同男友都幾鐘意, 隔左差唔多兩個月, 今日就同多個朋友一齊黎食我自己唔係太餓, 唔敢食咁多, 就叫左個巴黎潛水艇, 其實都唔知有咩架...不過見係包就試下啦原來都係D蕃茄, 青瓜用蛋夾入個熱狗包度, 不過入面係有蛋牛既, 個蛋牛好好味, 但太少唔夠喉! 不過講真....$36食個蛋牛治好似有D貴 男友揀既係快餐 - 鮮茄牛肉湯通粉, 我試左幾啖, 覺得太酸, 牛肉係鮮牛肉, 算有D口感, 但整體普通炒滑蛋, 火腿, 金磚仔: 火腿都係火粻, 唔會變腸仔味~ 炒蛋呢, 就唔覺得佢滑喇, 金磚仔我地冇要朋友揀既係黯然銷魂飯, ER....$55一個叉蛋飯, 真係好貴下...所以兩次都冇叫, 朋友叫左就試左少少, 個叉燒食落係唔差既, 甜甜地, 其他野冇咩特別本身我都想讚下, 因為覺得佢係有心做既, 但今次有個員工真係搞到我好嬲餐廳入面人唔多, 幾枱, 伙計就得1個肥仔係度, 佢以一個佢自己以為好友善親切既態度同D人溝通....一坐低, 因為有個朋友未到, 打算等埋, 亦一早同左佢講, 但佢就係咁行埋黎吹我地落單....好啦, 落好單, 佢就成日行過黎呃水吹,
我自己唔係太餓, 唔敢食咁多, 就叫左個巴黎潛水艇, 其實都唔知有咩架...不過見係包就試下啦
原來都係D蕃茄, 青瓜用蛋夾入個熱狗包度, 不過入面係有蛋牛既, 個蛋牛好好味, 但太少唔夠喉!
不過講真....$36食個蛋牛治好似有D貴
巴黎潛水艇
$36
36 views
0 likes
0 comments
炒滑蛋, 火腿, 金磚仔: 火腿都係火粻, 唔會變腸仔味~ 炒蛋呢, 就唔覺得佢滑喇, 金磚仔我地冇要
快餐 - 鮮茄牛肉湯通粉
$46
58 views
1 likes
0 comments
快餐 - 炒滑蛋, 火腿, 金磚仔
31 views
1 likes
0 comments
黯然銷魂飯
$55
126 views
0 likes
0 comments
餐廳入面人唔多, 幾枱, 伙計就得1個肥仔係度, 佢以一個佢自己以為好友善親切既態度同D人溝通....一坐低, 因為有個朋友未到, 打算等埋, 亦一早同左佢講, 但佢就係咁行埋黎吹我地落單....
好啦, 落好單, 佢就成日行過黎呃水吹, 睇住你食....
食食下又話大家留議, 佢會熄燈 (我都唔知點解)
最嬲既係, 差唔多食完既時候, 佢問我做咩唔叫野食, 我咪話你請我咪食囉, 點知佢答我: 你可以叫架, 照俾錢咋麻, 交易黎架姐, 好似你同我咁, 我同你之間都係一場交易, 我即刻呆左......
大佬呀, 幾十歲人, 你打工又好, 老闆又好, 尊重下人丫....
搞到我男友話我做咩要同呢D人講野....
我真係係呢半個鐘食到一肚火....呢個人妣為自己好好笑好有幽默感, 都唔知人地覺得好反感!
呢篇食評既喊, 係俾呢個肥哥哥既
一間餐廳, 野食係緊要, 但員工都好緊要囉! 收下把口啦!
Post
