東方小祇園齋菜

Open Now

Now Closed

因為家中長輩住灣仔，已經幫襯東方小袛園幾十年，所以我都已經係由細食到大。所以有時我都會去灣仔緬懷一下，今日去到就有一張枱，係一個人嘅專屬座位🤪我相信冇人會明白我對齋鹵味嘅熱愛程度，唔知點解我真係好鍾意食齋鹵味，所以我今日除咗叫我最鍾意食嘅羅漢齋湯麵之外，我都叫咗一客齋滷味，寧願食唔晒都用盒帶走羅漢齋湯麵嘅湯底同埋啲餸都出奇地好食，其實我食完碗麵之後已經好飽好滿足。不過我都要新鮮食齋滷味，每一件都係回憶，好好味，不過最後食咗一半都飽到要問店員買外賣盒🤣🤣

近日特地吃素！今年中秋節曾在太子吃齋素，有剩餘帶了回家做早餐的方包餡料，覺得這樣吃很好味！今天依樣葫蘆，去這間灣仔老字號齋素食，滿懷期望買了甜酸、叉燒和飽魚各一份共36元，可是.......超級失望，單吃已經無厘味道，更不用說夾麵包了........

自從見到依家有好多素食自助餐 都無咩去食過啲地道同中式既齋 於是今日放假就同屋企人去試下依間小祇園 地點方便 地鐵站一岀過馬路就見到~~ 齋鹵味可以自由配撘  推介鴨腎同酸齋 好入味又唔硬 正！依碟係大 ~三至四個人食就岩岩好！好好食！！用大大舊既玉子豆腐炸成咕嚕肉既樣  皮脆豆腐又好香  份量又多  性價比高！好足料  不過啲河粉炒得唔夠散 可能炒面會好啲！仲食左碗粟米香菇粥 一碗既份量都夠兩至三個人食 好清甜依到既野碟碟都好大碟 價錢合理 但如果想試多啲野就要多啲人食下次一定試下個芋頭魚

今次聚會咁啱喺舊曆十五,朋友提議不如食齋,所以要搵定一間就早啲book 定位服務員大多數都是上左年紀,但很親切,知道我地第一次來食就推介左幾款必食嘅菜.翡翠法輪卷,香荔酥卷,齋鹵味.......香荔酥卷,賣相好吸引喺用腐皮包住芋頭茸,炸得很鬆化,一點油膩感都無.再沾上酸甜汁,好醒胃好好味翡翠法輪卷,用腐皮包住髮菜,金菇,紅蘿蔔粒,生菜墊底再用蠔油勾芡,味道好清新齋鹵味,有叉燒,酸齋,鴨腎,份量十足,酸齋特別好食粟米粥都幾足料....就不過不失....豉椒腰花炒河,炒得好惹味,用菇做成嘅腰花非常爽口福建炒飯,材料十足,炒到乾濕度啱啱好

上月尾我和五位同事到歷史悠久的素菜館 — 東方小祇園吃午飯。那天客人不多，談話起來很方便。我們圍坐圓桌，空間感足夠，坐得舒適。齋鹵味。我們只要咖喱齋、酸齋和齋鴨腎。醬汁很多，滲進麵根內，味道均勻。麵根都煮得軟腍。齋鴨腎也不太硬。羅漢齋炒麵。炒得乾爽，材料也多。有豆腐、粟米筍、草菇、雲耳、紅蘿蔔、小白菜等。勝瓜炒椎山。味道清淡得宜，椎山是粉嫩帶些許爽脆的口感。芋頭魚。這是傳統做法的芋頭魚。表面酥脆，外酥內軟，芋頭味道香濃。素咕嚕肉。好像是以猴頭菇製成。酸甜的味道適中。最後是炸蜜瓜奶。我不太喜歡蜜瓜味的副產品。蘸上砂糖吃會比較好。雖然店員都是年紀不輕，在那裡做了很久，想不到服務態度頗好。菜式製作不太費時，所以，我們可以很快吃完午餐。每人消費$89。在灣仔區尚算是經濟的午餐了。