添飲咖啡館 (Closed)

喺粉嶺舊法院活化出來的cafe, 好近粉嶺火車站，行幾分鐘就到，ok方便環境唔錯，嘢食睇落幾有特色咁因為唔係好肚餓，志在休息吓，所以叫咗個洋蔥圈$58，加個黑松露薯條+$38。個餐唔包嘢飲。另外叫咗個龍眼Latte $42, 不過無龍眼味。反而面頭有啲桂花。其實係咪桂花latte?埋單$161，計極條數都唔明點計出嚟，睇單先知唔係收加一，而係加12%。份量係足嘅，食唔哂，不過唔知係因為唔肚餓定係佢啲portion大份。

放假唔想同人逼🙈走入去粉嶺前裁判法院間小白屋飲返杯咖啡😆Cafe內採用落地玻璃，可以望到出面綠色嘅草地，感覺環境好清幽💕😍無論坐室外定係室內，你都覺得自己好似係一個庭園入面咁😎✨Special: 餐廳採購左黎自鄰近農場既蔬果，仲有寄賣蔬果，見到有啱嘅話，仲可以買走👍🌸去前最後致電預約確保有位🌸Tea time:2-5pm，想食蛋糕最好早啲去，因為好快就賣晒㗎啦。